11月27日, 星期二, 20度, 晴

唔計分開左一齊......係.........第604日..分左手第112日......復合的第17天.

一日又一日咁, 我地除左返公之外, 我地早及晚上都係響一齊, 我再次試問妹妹, 但都係問唔出口, 因為我知道妹妹根本唔會答我, 夜晚我都問妹妹, 妹想同佢傾下計, 我好想知佢醫112日到底過成點. 而妹妹答我既就係, 睇下妳問咩啦....唉.....

我冇響屋企訓係第三日, 媽咪都開始有d野講, 不過心底話我知, 我要check 住妹妹呢??
完

11月26日, 星期一, 20度, 晴 (突然好凍好大風)

靜靜的咁又過左一夜啦, 今日大家都唔知醒, 應該我真係好攰, 而妹妹又病又坐完飛機, 加上妹妹體力一向都唔係咁好, 大家訓到8點至起身, 好彩妹妹都係返(外家) 唔怕遲到, 而我就更加唔駛講啦, 唔遲過十點都唔覺自己遲到 ^^. 經過一輪快速既整理梳洗, 卒之都送左妹妹上車, 而我就慢慢咁行返公司啦~~~

今日比一般既星期一多左d野做, 好多野要check, 好多野要睇, 好多自己野諗, 好多野想問, 好掛住妹妹...真係好多......唉....

10點幾收到妹妹個電話話佢會返自己公司, 原來佢果邊冇咩野做, 直至另行通知至會返去果邊~~唔知點解, 我好唔鍾意妹妹返佢自己既公司, 因為我唔知妹妹同果個人會點, 可能我真係知道得太多啦...令我自己有好多壓力 & 唔開心....唉...(我係咪應該想講就講呢?!)

去到中午, 諗住買完飯就會打比妹妹, 點知妹妹響13:15 就打比我啦, 話食左個包包就算, 所以好快就打比我, 當然我聽到妹妹把聲之後, 我當然唔會放心任何可以同妹妹講電話既機會啦, 我話我買完飯就打比妹妹, 一邊食一邊傾~~ 其實我都有問返自己, 我係咪以經唔信妹妹呢??? 天使果邊話比我聽: 唔係唔信, 只係經過檢討後我, 要緊張d妹妹. 魔鬼果邊就話: 醫個女仔夠同你講過1年內唔會啦...自己曾經見到d咩, 你自己知啦!!!! 我到底可以既往不究嗎.....

放工之後, 打比妹妹兩次妹妹都冇聽, 唔通佢走左冇通知我? 公司電話佢又唔會接....自己不停諗多, 諗:妹妹係咪同緊佢一齊, 見到我電話唔知點聽呢??? 原來...都係我自己心多....

妹妹放工果陣, 我又同佢傾左一陣電話, 最記得我問妹妹: 咁妳有冇掛住我呀? 妹妹再次避而不答.
好多好多問題, 妹妹都避...到底.......妹妹想點呢??

夜晚我問妹妹, 我好想知佢醫112日過成點.....唔知妹妹係唔想講, 驚令到我地既關係惡化? 定係妹妹根本唔夠膽坦白同我講.... or 只係覺得對唔住我, 依家當係補償呢?其實我唔係要追究,只要妹妹坦白同我講, 依家同果個人講清楚未, 以前既野, 我真係我諗我可以真係唔再追究......唔好諗啦, 訓啦......

完

11月25日, 星期日, 20度, 晴

今日係妹妹走左既第4日, 亦係妹妹返黎既第一日~~
一早起身, 就等人上黎整廁所, 整到11點就梳洗返教會, 返完之後, 就入左TKO 同D朋友打籃球, 一打就打到5點半~沖完涼, 就裝好D糖水諗住等妹妹返到黎可以一齊食, 再幫妹妹屋企D野放好~~~~一切都好順利, 8點半就上車入機場啦架車好快, 9點15分就入到去啦, 馬上去睇下水牌, 妹妹班機原來22:45 至到......重有成個幾鐘, 真係傻左, 又睇錯野~
終於都到啦~~~收到妹妹電話, 成個人精神哂~~~企左咁耐都係值得既~~哈哈, 覺得自己好似粉絲~~~之後同妹妹返到去啦~~~搞掂D野, 都快2點啦~~~響我今日咁(支力)既行程下, 我好快就訓著左啦~~~Good night mui mui~
唉, 原本想問既, 講既, 傾既.....當我見到妹妹之後, 就將所有野放低哂.....到底我應該問 or 不問呢? 問左, 如果係真既..我又會點呢......... 唉唉唉唉........................

"凝望已遺忘的一雙眼 可掛念從前渡過 最寒冬季 我倆同席晚餐"

完

11月24日, 星期六, 22度, 晴

今日係妹妹走左既第3日, 唔知點解今日會咁, 可能自己諗多左, 突然好想收埋自己.....

今日最早到既係我, 布廠未到, 大佬未到, 司機未到~~等到9點, d人至黎齊, 早知唔駛咁早啦~~~ :(上到去, 根本我都冇咩野講, 因為單又唔係我跟, 款又唔係我跟~~~都唔知叫我上去做咩呢? 一搞就搞到12點幾去走.返到香港都成2點lu~~~食左少少野就上去左妹妹度, 玩鼠鼠~~~5點就返屋企啦~~~

之後成個人唔知做咩, 好多野諗, 好想知道妹妹同果個人點, 好想知道佢地到底有冇一齊, 好想知道妹妹到底因為咩而同返我一齊, 好想知道.....妹妹依家既諗法係點........

之後響屋企, 呆到2點....就訓啦..

完

11月23日, 星期五, 22度, 晴

今日係一個特別的日子, 如果我地冇分開到....今日係第600日...期待下一個100日, 下一個600日, 第6000日, 60,000日, 直到永遠.......

今日係妹妹走左既第2日, 好掛住妹妹, 希望佢快好安全咁快D返黎啦~~~
今日放工前, 亞姐問我, 星期六有冇野做, 想我上去參與下CHECK 布既行程~~~唔通有得話唔好咩~~雖然我真係冇野做.

每日最期待既時間到啦, 果樣就係妹妹返到酒店, 妹妹會上msn 或 send 個msg 黎比我~~~
放工後, 我拿拿聲去BBQ 地點度等大家啦, 我係幾2個到~~~大約40分, 人就齊啦, 之後我地就坐綠VAN 去目的地,果度地方不大, 人既態度都不是十分好, 所有既用具都要就住用, 雖然唔會用得多, 不過都好冇癮囉.玩到差唔多11點就走LU~~~整體都唔太差既~~~~

沖涼後, 訓之前, 心再次叫我去搞清楚D問題, 如果唔係訓都訓得唔好....唉...

完

11月22日, 星期四, 21度, 晴

今日係妹妹走左既第1日, 已經好掛住妹妹啦, 希望佢快好安全咁快D返黎啦~~~

今日第一日再次自己上去, 入屋淋花, 開燈, 咩都冇發生過.....但係有d野唔知點解, 令我有d唔開心...到底係咩呢?係感覺定係........?????

放工後, 朋友車我去佢屋企打邊爐, 連同今晚, 醫2個星期, 我打左4次, 真係好飽呀~~~朋友響車上問題我"你有冇嬲你女朋友?" 我答"有時嬲, 有時唔嬲, 又或者我果d根本唔係嬲, 只係唔甘心, 要怪就只怪屋企, 點解會咁."

完

11月21日, 星期三, 20度, 晴

陪左妹妹一晚, 今日起身, 我就返左屋企換衫去左荔枝角買野, 返到公司就成11點lu~~~有d衰~~~

今日成日都唔忙, 好想打比妹妹, 不過我知佢今日一定好忙, 因為佢今晚就飛啦~~~所以一定會有好多野做.

終於都6點半啦, 妹妹打黎話佢差唔多啦, 點知我要鎖門, 搞到我遲左接妹妹~~~~唉~~~~~食飯之後, 妹妹比條key 我幫佢睇睇屋企~~~我終於都可以拎返啦~~~直到9點幾送左妹妹上車. 心有一萬個唔捨得..不過要走既一定會走~~~我都冇得出聲~~~

返到屋企, 好早就訓著左啦, 連妹妹send msg 比我都唔知~~~

個心硬係15/16, 到底係咩事呢?

完

11月20日, 星期二, 19度, 晴

妹妹終於響琴晚轉左一個新既醫生, 希望幫到佢啦, 如果唔係妹妹就去旅行都去得唔開心嫁~~~
中午時間, 我完成1個月一首既改歌, 唔知妹妹鍾唔鍾意呢. 其實可能係時間問題, 硬係覺得首歌有少少夾硬黎...

之後夜晚就同孫女地出左去食飯. 唔知點解有d怪感覺, 同佢地兩個好似冇咩野傾咁. 唔通大家既感情真係梳淡左??定係我冇左以前咁多野講呢?? 另一方面, 響琴晚同孫女既對話中, 成日都覺得佢好似有d野咁, 身體, 精神等都好似好有問題咁, 成日響度自言自語, 唔通最近真係好多野諗?? 我諗我都要多d關心下佢啦~~~~

食完飯之後, 我重以為冇得陪妹妹執野添, 好彩妹妹都比我打動左. 哈哈~~~重冇浪費我特登去搵耳套比妹妹添~~~希望妹妹會鍾意啦~~~

明天妹妹就走啦, 祝妳一路順風~~~

完

11月19日, 星期一, 19度, 晴

妹妹今日都重係好病, 真係擔心死啦, 希望佢快d好返啦~~
整天都冇咩大事件, 放工之後就同朋友出去食飯, 一食就食到11點幾啦, 真係好飽呀.....
完

11月18日, 星期日, 21度, 晴

今日返早一堂, 因為就妹妹daddy, 等佢可以快d搞掂之後可以返大陸. 之後去左一間不錯的餐廳, 下次可以再去~~~返到去之後, 陪妹妹去左買鞋, 真係好想同妹妹有一對差唔多既鞋, 不過鬼叫自己腳大咩, 搵日出旺角睇下有冇我既size 先得~~~~~

之後我就返左去啦, 咁又度過左去一個下午, 訓醒又要食野啦~~~食飯果陣, 我地好靜, 靜得有d怪, 我好想講下野傾下計不過, 妹妹每次d語氣, 答案都令我冇野講....

到左夜晚, 我只好靜靜地咁返屋企啦.....感覺好怪, 好似淡如止水, 個感覺好辛苦~~~
完

11月17日, 星期六, 22度, 晴

今日返到公司點知大佬又叫我出深水涉買野, 早d講丫嘛~~~

放工之後, 我就去左打波, 成個人真係舒服哂.

上到妹妹度, 好多野依然一樣,但感覺就有d怪, 話好好又唔係好得哂, 話唔好又唔係......到底妹妹係想點呢?之前既感覺到底去左邊呢?

完

11月16日, 星期五, 22度, 晴

每年一度既誕生日, 終於都到啦, 早幾年我既生日都會好奇怪, 響一年內發生既野, 孤單落幕既情緒再加一d酒精成份, 每當與朋友們響1小時不停咁同我生日快樂及灌水後, 一個人靜靜地細味自己一年內既事, 都會令我不禁落下男兒淚, 流淚既原因, 不一定係講冇情人或有情人, 而係家中化零為0.1 進度. 古語"禮記"中說: 修身(唔係講減肥), 齊家, 治國, 平天下. 唔通齊家前, 必先修其身? (真係唔係講減肥)....一年又一年我辛苦得來既結果, 唔知點解一定會有人(即係我2哥) 響度搞搞震, 令我願望冇得實現, 我諗我3年後, 真係唔識點對佢.....

今日返工, 因為好眼訓, 所以比d同事笑我坐左響個位度打坐...哎呀~~~ 之後佢地都請我食左一餐不錯的lunch~~thanks

放工後, 我就返左去帶活動, 好彩佢地都鍾意我個活動0者~~~呵呵~~~我一向都唔差嫁~~

之後就同左妹妹去食晚餐, 要妹妹等咁耐真係唔好意思. 醫一餐或者醫一份禮物, 真係令我好開心, 唔同以前既果份, 到左第二日就算果種感覺. 原來真正既開心, 係由心底甜出黎. 好希望身邊既朋友都可以早日出現醫種感覺...

再次令我好怪, 到底係咩感覺, 到底還在嘗試當中, 定係點呢...每次問既問題, 點解都唔正面答我呢?

完

11月15日, 星期四, 21度, 晴

今日一早起左身, 去左妹妹樓下諗住比個驚喜妹妹, 送妹妹返工, 點知打比妹妹, 原來妹妹今日病左呀...緊係天氣凍, 又冇我響身邊比溫暖佢(哈), 所以病啦. 雖然人在樓下, 話想上去睇下佢, 買粥比佢食, 但係都比妹妹拒之門外, 又唔怪得妹妹既, 我又冇講我響樓下....所以傾左一陣, 就死死地氣返左公司啦....

返到去, 聽到妹妹把聲病到實哂, 我個心都痛到實哂, 我真係好想請假, 照顧我最愛的妹妹....不過都.....妹妹睇完醫生, 下午就要返工啦, 唉.....想去說服妹妹唔好返, 不過妹妹一定唔聽啦..第一, 真係好多野做...第二,妹妹個性格就係咁嫁啦. 知道妹妹病左唔想講野, 我只係打左一個電話, 妹妹比左一d氣我受, 雖然唔係有心...不過都頂住頂住咁...

今日放工後, 同事都一齊慢慢地到哂打邊爐既地方, 哂左好多時間....至唔鍾意d人拖拖下咁, 爽d至得嫁...食完之後, 我就去酒吧, 過我的生日. 響朋友面前, 我唔想講我同妹妹一齊返, 因為, 真係有好多不明朗既問題, 真係好想搞清楚先.....

飲飲下, 突然諗起, 妹妹以前話好唔鍾意我去醫d地方, 因為會好擔心我出事 & 地方太雜, 所以我真係好乖地, 醫d地方真係冇去咁多啦. 妹妹, 希望妳今次唔好嬲我啦.
咁多人同我講生日快樂中, 妹妹永遠都係第一個, 由外到內, 妹妹都係我既第一, 真係冇野可以比佢更重要.屋企當然重要, 不過有妹妹至去對屋企 同 冇左妹妹去對屋企, 真係每一樣感覺都好唔同.

完

11月13日, 星期二, 晴, 21度

再次返去開始既感覺, 好開心...不過有人都係遲到, 好希望可以幫到妹妹啦.

返到公司, 繼續專心地做野, 不過時不時都會諗起一d野, 但係自己都講唔出果樣係咩...

放工之後去買左件新衫, 我覺得幾好睇, 不過媽咪第一時間就話我....乜咁老積嫁....唔緊要, 我鍾意咪得囉...

完

11月11日, 星期日, 22度, 晴

終於都聽到一d似是非是既答案, 妹妹依然未確實答我, 可能妹妹重有一d事未諗清楚啦, 不過比我既反應,同以前真係差左少少咁. 其實我口話真係唔介意, 不過我真係好想知, 妹妹點對果個人......好想好想知, 但係我冇問,因為我真係唔想搞到妹妹又唔開心.....只好算吧....

之後我地約左一齊返禮拜, 開頭既感覺都有少少怪, 因為成日都見到妹妹好似成日都有野諗咁...之後食完野, 有某d感覺比我感覺到啦, 果個時刻好溫馨好舒服, 醫種感覺真係不變.
之後妹妹約左d朋友食飯, 而依家既我又唔知可以比咩反應, 或者一時之間, 就連妹妹都未適應到啦....更何況我丫...

返到去, 屋企d野都裝潢好啦, 有電, 有水, 所以我冇煮飯, 只係買外賣上去食, 重留左一d for 明天 lunch box.晚上就同妹妹傾左一陣msn, 開開心心既又過左一個晚上. 因為要帶狗落街 & 沖涼, 所以我遲左打比妹妹, 醫個時候..妹妹已經訓左教啦, 我重吵醒左佢添....唔知妹妹係習慣我會遲打比佢定係預左冇人打比佢...or.....傾緊呢? 或者我唔應該再去猜度咁多啦, 因為兩個人一齊唔應該係咁嫁.

今日應該好開心, 不過心底成日都有樣野響度, 就係妹妹依家到底點諗呢? 我地既復合..唔知..會唔會出現另一種穩憂呢??

完

11月10日, 星期六, 22度, 晴

今日依然訓得未夠, 成個人都重係好眼仔訓, 所以又拖到9點至起身....真係懶呀.
返到公司, 啦啦聲做野, 因為今日係大日子, 妹妹提早約我食生日飯, 雖然我真係唔想提早食丫(如果可以..)不過都冇辦法啦, 時間真係唔由我去控制.一路做一路做. 做到4點幾, 可以放工啦, 之後我啦啦聲返屋企梳洗.換好衫, 睇陣電視我就出門口啦.

去到尖咀地站, 打比妹妹, 原來有人塞車呀, 一定會比我遲, 所以我只好上去拎位先啦, 間野響1樓, 開頭真係搵唔到嫁, 只好再慢慢行, 睇住d指示牌啦. 慢慢咁等我以為既最後的晚餐.....
坐低之後, 原來餐牌全部都係英文黎嫁, 真係識唔哂d字. 其實應該係由我點菜既, 不過...唉...
妹妹到左之後, 我地就開始交換禮物咁, 佢比一袋, 我又比一袋. ^^ 今年收到佢送既係有3份禮物, 3份我都好鍾意.只係打開張咭之前, 我好擔心入面寫左d咩...

食哂野之後, 妹妹突然望左個侍應一下, 唔知做咩呢. 原來係靜雞雞準備左一個生日蛋糕, 真係好驚喜!!!!!可能我冇諗住會咁啦, 真係意料之外呀.
之後我就送埋妹妹返屋企, 之後我又開始問我要問既問題.....整個晚上, 都係冇答案......

完

11月9日, 星期五, 22度, 晴

差左一晚電, 今日都唔係好想起身, 懶床一陣, 起身果下, 只係回想果晚妹妹打黎既電話, 佢響電話話,"我係Cindy 丫" .其實妳唔講我都知啦, 只係聽到妳咁講, 我有d唔識反應0者.

早幾日, 聽到收音機講一個故事, 點解要問人"你鍾意我d咩"個老人家話, 我從來都冇問過醫個問題, 只要知道我同佢一齊就得啦.... 個DJ 就講啦, 其實醫個咪就係愛情既真諦囉.愛一個人真係唔需有太多理由, 除非你唔再愛對方, 否則一世都唔會有理由去分手.....

今日因為太忙啦, 原本要返小組既, 卒之我都做到十點至放工, 下星期就到我搞活動啦, 我重未諗到玩咩添...

中午果段既小小時間, 我同妹妹傾左一陣sms, 我真係好想比佢知, 我唔係唔想改變, 只係我真的需要時間....不過.....妹妹時間可能唔會再比我啦.......

完

11月8日, 星期四, 21度, 晴

上一車, 我就開始訓啦, 訓醒岩岩到左關口, 上返車想去訓, 不過司機不停同我講野, 搞到我都訓唔到, 真係衰....

今日lunch係11月之星既生日飯, 我地響一間不錯的酒樓食飯, 不錯.....食食下我訓著左...哈哈
下午做野, 飯氣攻心之下, 我真你好眼訓, 不過我都頂到, 直到7點....

今日又有人生日, 所以放工後出左去食飯, 之後就打比妹妹約明天既食飯地點.唔知星期六會點呢?

完

11月7日, 星期三, 21度, 晴

原本set 左9點既鬧鐘, 一d都聽唔到. 所以今日訓到10點50分起身, 雖然重係好眼訓, 不過都要起身啦....諗住拎個電話去差下電啦, 點知每個插頭都插唔到有電既, 唔通大陸d裝潢真係咁有問題??

返到去公司, 佢地熄哂燈, 我就問, "今日咁快去食飯啦?? " 同事甲回覆, 唔係呀, 今早6點幾停電, 冇水, 所以咩都做唔到呀.唉.....足足浪費左7個鐘, d辦當然未完成啦, 之後我就出左去食飯啦...之後返到去, 3點幾終於就有電啦, push push push 到5點幾.....頂唔順啦...5點半我就訓左啦....7點半醒返, d野終於都完成啦, 可以返香港啦..

完

11月6日, 星期二, 21度, 晴

今日返到公司, 果果同事都問"e, 點解你重響度既" , 足足比人問左6次, 我就足足答左6次. 上去之前都預左亞姐會..多多野講嫁啦, 因為時間真係唔多, 佢好擔心出唔到. 不過唔好話佢, 我都好擔心.
終於都出發啦, 今日一車七人足足坐左3個半鐘, 終於到左4點幾就到啦. 一上到去, 啦啦聲叫人準備好d野比我地去傾洗水既, 點知佢地一d都冇去準備, 佢地重比人話添(唔係我話佢). 一傾就傾到6點半, 我地就返去食飯啦, 今日第一餐就係響飯堂食, d野係油d之外, 味道都不錯, 不過食得唔多丫. 可能我太緊張啦.

食完飯之後, 同事就帶左我上宿舍, 睇左一陣電視, 7點半, 又開始啦, 一路傾一路講, 寫下學下, 今日又識左唔少野啦.一做就做到半夜3點半啦, 突然我收到一個電話, 原來係老闆黎既, 話有野同我傾喎.........
當晚5點38分, 落床訓.......

完

11月5日, 星期一, 20度, 晴

今日一早起身, 本來預計自己今日夜晚會上去搞洗水嫁啦, 點知都係要搞到明天中午, 時間真係有d緊迫.

開始覺得自己又開始多嘴啦, 開口就串到人, 唉....我還是多做事, 少說話吧.

今日係一個好開心既一日, 放工果陣, 我好出奇地收到佢個電話, 一時間都唔識比d咩反應, 只識答, 係...嗯...哦....真係冇用. 原來要約我食飯....雖然好想食, 但係我好驚食左及限期之後, 我就要迫住去放低醫段情....佢問我, 生日諗住點過呀, 我話, 今年真係唔想搞呀, 因為真係冇咩野係值得開心.....
之後我地重斷斷續續咁傾左幾次電話....我會記得妳果句...我有褔時, 你都應該有..........佢想講咩呢?

完

11月4日, 星期日, 21度, 晴

今日早左起身, 但係因為手手腳腳都未好得哂, 再加上, 氣管問題, 所以我冇去打波. 我決定返早一堂. 開頭諗返開果堂就返果堂啦, 但係又覺得, 返邊堂都一樣, 有返咪得囉.

返完之後, 我就返左屋企啦. 打下機到5-6點, 二哥話不如出去打邊爐啦, 我話是但啦. 冇咩所謂, 佢同佢女朋友出去, 一定係請啦, 一邊開心, 一邊又替佢擔心, 錢從何來呢.......食食下就響度諗, 其實一個人都幾開心呀, 食飯比自己果份, 唔駛成日計, 我幫妳比, 又要點計點計. 有就話冇問題0者..冇既...咪又會計囉....唉....我又亂諗野啦.

醫幾日, 我冇再將我既一點一滴, 放返上去, 因為我真係好想試下重頭黎過...我連msn 都唔想上啦, 反正都冇咩人同我講野, 而且, 響度打既日記, 我真係可以咩都講哂出黎添. 始終日記係咁至好既....

完

11月3日, 星期六, 19度, 晴

卒之響琴日迫迫迫迫之下, 都要出去飲左一陣, 今日起身個人又係呆呆的.

返到公司, 做做下野, 唔知亞姐係咪多野做, 我去問少少野0者, 佢竟然有少少說話及有d悔氣, 真係冇計, 人工入面.可能已經包括左啦.

走果陣, 老闆佢地同我講, 如果今年公司好, 我地一樣都會好. 聽下先啦, 醫d說話, 真係聽唔少啦...心淡.

返到屋企, 呆下, 睇下沒, 坐下, 咁....又一日啦.

今日已經係分手都105日, 依然一樣, 仍未放低. 或者我一日未聽到"我地冇可能嫁啦" , 厚面皮既我係唔會死心啦...

完

11月2日, 星期五, 20度, 晴

今日終於都開始啦, 老闆叫我上大陸搞洗水, 重要一搞就搞幾日.加油吧.
放工前, 亞KING 又打黎約食飯, 真係有D唔想去, 因為我又要交小組, 返完之後就出去玩, 真係有D唔想....

完

11月1日, 星期四, 20度, 雨

今日返到公司覆左幾張e-mail 之後, 我就做一樣辦, 就係等lunch...之後就係等....放工.
唔係冇野做, 而係d野真係比我做哂, 只係等時間過.....每個同事都話,你d野駛唔駛咁快呀, 排期實唔夠你快啦...唉....咁又要比人玩.

星期六就會去下個bb生啦, 應該好得意, 我諗我要快d諗下買咩啦.....

今日係一個特別日子, 就係有人生日, 響度講聲生日快樂啦...之後星期一又有星期二又有人生日, 醫個月真係旺呀~~.

完

10月31日, 星期三, 24度, 晴

終於黎到醫一日啦, 100篇日記, 回顧返咁多日既日記, 原來唔開心既多於開心. 不過都岩既, 如果係開心既, 醫個blog 都唔會存在.......

咁就過左百幾日啦, 每到一個月既最後一日, 我都反覆問自己"我還可以企返起身嗎?" 心底依然非常好想我愛既人諗得通, 可以返黎我身邊, 讓已經反省之後既我, 能夠可以給予更多的愛, 去讓醫段愛永遠咁延續落去..... 過去既日子, 我每日都不停等候醫日既來臨, 然而每一日都帶比自己既, 只有更多既內疚及失敗既感覺. 後悔每一種野未能做到最好....

今日係一年一度既萬聖節, 相信妹妹今日都有約同d朋友出左去行下, 因為佢響加國都應該有慶祝開既(我諗). 重記得上一年響萬聖節, 我心知妹妹都係好想出去玩既, 睇下人地點樣扮鬼扮馬. 但係對我黎講, 醫種日子, 只係一個普通既日子, 但係咁岩係月底, 所以我安排左入西貢BBQ. 一齊行下海邊, 睇下人地既玩具狗, 影左好多靚相. 所以今日我返坐響床邊, 細看我們的"甜蜜照".....

今日新來的兩位女同事, 叫我星期四炒飯比佢地食.....當我賓仔咩....我只好講笑話"yes, mom"...

放工之後, 為左唔好令咁易氣管有事, 我就唔行咁遠坐車返屋企. 後日重話得返18度, 我諗我真係要小心.....

今日唔知點解, 諗返起一件事, 就係當我拍拖既時候, 另一半一定唔會陪到我一齊過, 唔知會發生咩事, 都會響之前既日子分開或者係冇拖拍. 但係上一年, 好開心地有mui mui陪我過我有女朋友既第一個生日, 心諗, 醫個一定係我永遠既另一半!!!!唔知妹妹會唔會咁諗, 至少我係咁諗先啦.....今年我相信都會有佢既出現, 不過已經唔係我女朋友既身份啦, 好想再感受下果種感覺.....

曾經有人問我, 依家有拖拍大個天啦,係咪? 之前我當然答唔係啦......但係依家有人再問我, 可能我會答....我只係好享受比人關心比人愛....

完...

10月30日, 星期二, 晴, 25度

今日天氣凍一凍, 氣管就縮一縮, 今日去左"聞"氣, 行步路都上氣唔接下氣.....早幾日至有人叫我小心氣管, 點知就出事啦....

10月28日, 星期日, 晴

星期五晚上響公司個頂樓BBQ, 影左好多相, 食左好多野, 亦比人玩左好多次.....都係講上次飲醉後既我.....唉....

星期六, 成日都冇咩野發生///在家休息一天.

星期日, 我好想問, 我到底重有冇機會? 但......距離夠鐘的果一日...只係得返好少...
當我好想同佢響返埋一齊果刻, 另一邊個腦又同我講....人地根本唔係要LOVE 咁簡單....自己冇足夠既水源, 不如唔好再沉迷落去啦.....到底我應該點做......

完

10月25日, 星期四, 26度, 晴

今日個感覺好似回左帶咁, 咩野都好似2個月前咁. 今日成個人係完完全全冇哂心機, 好似有d野會發生呀.

今日睇左好多金句, 每一樣都帶比我有唔同既感覺. 有時覺得人真係好奇怪, 可以有好多感覺, 亦可以做得出唔同既野.....
另外我重睇左一d文章, 令我既心情比我今早還要再差d. 我到底可以點做......

完

金句

忘記是很痛苦的, 從前如是, 今天也如是. 不過, 以前的痛苦是因為記不起, 今天的痛苦,卻是怕自己無法忘記。

愛情是自我完善的一個階段，我們在經歷自己的人生，你愛過別人，被別人愛過，受過傷害，也傷害過別人，歡欣、沮喪、失望、思念、等待、受盡煎敖，然後豁然明白，得失並不重要，最重要是你長大了，變聰明了，你變得精采，你的人生從此不一樣了 。

喜歡了一個人，但是你身邊或他身邊已經有另外一個人了。每次跟他見面也很快樂，分手之後卻很徬徨，要不顧一切走在一起嗎？不是不可以，只是，這樣做的話，大家都 要犧牲很多，大家都會很痛苦，尤其一腳踏兩船的那一個。喜歡一個人，當然不希望他受到折磨，於是，只好不再接近他，寧願大家一起忍受那小小的痛苦、小小的寂寞、小小的思念……現在雖然不能一起，甚至將來也不會一起，然而，那微小的痛苦，卻能滋養生命，讓你知道，永遠有一個人，遠遠的、輕輕的愛著你。

思念一個人，不必天天見面，不必互相擁有或互相毀滅，不是朝思暮想，而是一天總想起他幾次。聽不到他的聲音時，會擔心他。一個人在外地時，會想念和他一起的時光。

有時候，我們會後悔開始，如果沒有開始，我們也許永遠可以回味當天那種互相深聽、互相猜測的興奮。 假如沒有和你開始，我會不會有另外的際遇？不管會有甚麼結果？我還是寧願跟你開始，因為我更想知道和你相愛的滋味。

一個女人，一生之中，無論如何要當一次第三者。做過第三者，才會明白，愛一個人，是多麼淒涼。我們想要的人，並非常常可以得到。

10月24日, 星期四, 24度, 晴

今日有兩個好消息, 1個非常差既消息......

Good news:
1) 政府比返9成幾既錢我.
2) 朋友生左一個好得意既男bb.

壞消息:
1) 二哥再次冇野做, 屋企再次出現危機.唉.....

今日又比d同事串.因為今日食炒飯....話下次比5蚊我, 炒埋佢地果份. 因為今日d飯真係好香.

時間一dd咁過去啦. 冇得停留...唉....

完.

10月22日, 星期一, 晴

今日冇啦啦比人話我做野慢喎.....係人都知我工作既野一定好快嫁啦...唔係有人頂住左我個位睇色, 我都唔駛咁啦...

今日冇心情食lunch, 唔係因為比人話, 只係今日成日都頂住頂住咁.算啦...

返到屋企收到一封信, 係借貸減息呀, 正!!! 可以快d搞掂d錢lu~~~

完..

10月21日, 星期日, 晴 (補)

今個早上真係好忙丫, 除左上早堂, 重要去去拜山, 拜山之後重要返去執屋.真你忙呀~~~

拜完之後, 重要比麻麻串多我一次, 話"你都冇街去嫁啦, 上去姑姐度, 食燒肉啦" . 我話唔好啦, 上度去睇住你地打牌, 會悶死人呀~~~~唉....

返到去之後, 執屋執5點幾到要休息下啦~~~

一坐低就見到電視做緊"Click", 醫套戲真係拍得好有意思. 我好記得我響戲院睇果陣, 最後重有d眼濕, 好可能, 每一個人都想有咁既事情發生啦.

每日真係都有新野發生, 今日對我黎講, 連我比較有自信既一樣野都比人彈...重要係勁彈. 我諗都係算啦. 岩既, 或者我真係唔應該再改d歌令人地, 令自己唔舒服啦...

10月20日, 星期六, 23度, 晴

嘩, 今日要7點準時起身, 自從妹妹唔響香港, 要幫手睇屋, 唔係訓唔到, 真係好耐都冇試過咁暉起身啦. 今日當然我係準時果位啦, 因為同d老闆一齊上丫嘛.

上到去夾左好多野, 每樣野真係響我掌握之中, 一定冇問題.

返到香港, 去左apm買野比爺爺. 之後就上左去啦, 由6點坐到7點, 都未人齊, 卒之9點幾至開始食. 比我估到啦, 一上到去, d人就不停問我, 佢去左邊, 我好驚訝,驚訝在佢地記得妹妹叫咩名.當我話唔係啦, 佢地就一如朋友咁講, 妳做錯野比人飛呀. 唉.....乜我真係咁差咩. 點解個個人第一句一定係話我有問題既. 不過算啦, 我真係唔想講咁多. 最後麻麻重要補多一句. 話我緊係冇同人去睇戲至比人飛啦.........吹漲.

明天要登高, 所以明天會返十點堂.

又要早d訓啦.

妹妹, 我真係好掛住妳呀.... :(

完

10月19日, 星期五. 24度 , 晴

今日起身, 呆下呆下咁, 坐到11點, 就開始準備我既午餐, 是日午餐是"午餐肉咖哩蛋包飯", 飯夠乾身, 蛋既分量岩岩好, 粒粒飯都包住蛋, 唯一唔好既就係咖哩汁唔夠, 因為我驚太辣, 屋企人食唔到.食飯果陣我重開左一隻好耐既碟睇"衰鬼上帝", 醫套戲真係不錯, 主角由登佢唔底, 到好好笑, 到好有意思, 全套戲都睇得好專心. 去到最後, 上帝問主角, 依家有咩野係你最擔心, 最需要禱告. 佢話"希望佢最愛既人, 可以快d忘記自己, 搵到一個全心全意愛佢既人, 唔好似我咁"雖然主角係咁講, 但係主比佢返轉頭, 由頭黎過. 真係開心.

食完飯之後, 上返公司個網開始做野啦, 準備明天上大陸既事, 安排好哂都成5點啦.
之後我去沖左杯茶, 將最後既詞都改埋. 好想話自己聽, 希望可以到下一步, 去到另一個事業位置. 因為今日又有人同我講, L&F 請人, 叫我過去做. 雖然真係唔錯既, 不過我唔過既原因, 係覺得自己未夠班. 唔好搞衰人地個名啦.

8點幾, daddy今日返左黎香港, 佢第一時間打比我, 係同我講"因為有d事, 幫我交電話費, 返黎比返你" & "聽聞我同女友分左手" 真係唔知響邊度聽返黎. 雖然係真既. 不過我依然唔想講 yes or no.再問我自己點解唔講......唔知....可能我唔想提啦. 或者"沒有歌 怎說出心事, 受了傷 始終怕別人知"

明天一早上去, 希望唔好遲起身啦. 因為聽日又同d老闆一齊上....所以早點睡吧. 最重要得返21度, 希望氣管唔好玩我啦.

今日睇返KH 個BLOG, 原來佢好耐都冇寫啦, 比耐性&堅持做一件事唔通真係咁難??! 我都有問自己.....

完...

10月18日, 星期四. 26度. 晴 & 乾燥

今日新來的兩位女同事, 響d大哥大姐去左開會既時候, 佢地兩個響度講佢地既擇偶要求, 佢地重愈講愈大聲添. 我咳一聲, 佢地又細返少少. 最後就講講下, 指住我話,"如果係佢咁都幾好啦" 老實講我又唔覺得我好喎. 女既就話講"樣靚身材正,聽話可愛叻"就話好0者, 我又唔係"型英帥靚正, 有樓又有車"就算有都唔係好啦, 因為我終於都係"窮肥格衰, 稚氣未退"....如果唔係, 都唔駛搞到今日咁啦...

今日響工作上, 再次聽到亞姐話, 好好好...比心機. 其實唔駛講咁多嫁, 加我人工得嫁啦.

明天又要上大陸. 小心啦....

10月17日, 星期三, 補寫

今年今日既星期三, 係我一個好朋友的bd, 響我同佢之間既朋友們都冇人記得, 只係得我記得, 所以我就約左一大班朋友(共4個) 同佢食飯啦, 諗左好耐都唔知食咩好, 所以決定粗人去粗地. 打個邊爐, 講下笑咁. 當中佢地講佢地去左邊度玩, 令我再次覺得我冇野講, 因為我真係好耐冇出去睇下依家既香港世界玩緊D咩. 但係唔知點解我又唔會太羨慕, 可能我已經變左啦.

食到10點就走啦, 返到去媽咪竟然話同我一齊落去帶肥狗落街, 哈哈~~~睇住媽咪比coffee帶住黎行, 真係唔知笑丫, 定點咁. 因為好耐都冇人陪我一齊帶狗狗去街啦. coffee入黎我家都都快600天啦. 希望佢繼續健健康康啦, 如果唔係我就又要駛一筆啦.

醫幾個月有太多太多野發生啦, 身心真係疲累到不堪. 諗既野同發覺到既野, 出入既事情又真係非常之大. 開始真係覺得自己一時咁樣一時又可以咁樣, 一一回想都覺得真係好笑. 訓教前同自己諗, 唔好再諗人地會唔會比機會自己啦, 好多野自己必須要嘗試...

或者我又長大了....

完.

10月16日, 星期二, 24度, 晴

昨日斷鏈, 今日就差d唔見左公司條鎖匙, 好彩最後都比我搵返, 差d就搞到公司要搵鎖.唉.....真係一單大過一單啦..

最近公司上既野都比到好大既鼓勵我, 因為跟左個大客之餘, 日日都有好消息添. 我要繼續加油啦.有d尾中不足既, 真係醫份喜悅, 冇人可以同我分享, 又或者, 我唔識得同人地分享啦....

完

10月15日, 星期一, 24度, 晴

經過星期六, 星期日既忙碌, 星期一對我黎講, 都係舒服左d啦, 工作上既野再進一步, 即係又少左d.

10月份真係一個唔好既月份呀, 10月第一個星期, 整到身體傷哂. 第二個星期, 跟左我3年既錶, 亦相繼感到好累, 永遠咁停左落黎. 到左第三個星期, 即係今日. 竟然可以打波, 游水, 訓教都冇事既頸鏈, 今日掂一掂就同我講斷左啦. 返到公司我第一時間就去搞返, 總算搞掂既. 下一個星期, 我又唔知會發生d咩事.......

今朝想做好多野, 但想既野一樣都冇做到, 因為當我知道有人去接受新野既時候, 我好想去鼓勵一下. 但當我打緊字果刻, 我知道依家既妹妹, 一定要用更多既心機,更多既專心去接觸新既事, 新既人. 所以我只好響我既日記入面, 暗暗地講一聲....加油吧!

心底最近唔知點解響度諗, 如果可以真係有個人照顧住妳......我重會唔會每日都咁擔心妳呢, 或者"主"真係每日都幫我看顧住妹妹呢......我既代禱唔知有冇用呢.......所以我都同自己講, 都係唔好諗咁多.....

早前我要準備既野今日收到啦, 如果來得及, 希望星期日可以轉交比妹妹.

今日放工都10點啦, 食左個麵之後就準備休息lu.....

再次講一聲.....加油吧......

完.....

10月12日, 星期五, 28度, 晴

今日係一個非常值得開心既一日, 因為我搵返我人生第一支原子筆, 唔見左好耐嫁啦,原夾左響一個box 入面, 今日打開既時候就比我搵返啦, 好想講比妹妹聽, 因為支筆我真係用左好耐, 重比個女同事話我"白痴仔"(講笑). 當我醒返之後就坐低做野啦.....



放工之後就返左團契, 今日玩左個幾好玩既game, 希望下次可以再玩.



完

10月11日, 星期四, 27度

今日中午d同事話出去食喎, 咪一齊出去食囉, 我地去左翡翠食, 好趕既時間下, 都食左6樣野, 咁就食左70蚊啦.

原本今日去睇"魔幻星塵" 但係中午食左個咁貴既lunch, 所以就取消醫個計劃啦, 響公司做到9點9至放工.

唉....

10月9-10日, 星期二-三, 26度

星期二成日都冇咩特別, 只係同事們重未有時間交佢手上D野比我. 所以我只好搶野黎睇, 因為D辦遲哂都係會入我數. 睇左好多, 再將佢地分哂類. 咁就做到9點幾放工啦. 之後我就出左去睇戲. 睇完就返左屋企.
醫幾日又開始不停諗野啦, 所以再次訓唔到, 明白到有好多野, 真係控制唔到. 全心全意愛上一個人已經係難, 再要響咁既問題下分手同唔去諗應該要點, 真係難上加難.....愈唔去諗, 反而一見到某D野, 出現既影象, 會響腦入面閃現得更清楚,令自己更加唔舒服. 重會諗到, 如果可以就好啦...之類既野....

星期三
今日個天氣好舒服, 今日9點至起身, 拿拿聲出門口, 返到公司岩岩好9點35分, 冇咩問題.
今日又係一樣啦, 又話聽日至交D野比我喎, 又聽住先啦.
放工之後, 唔知點解個人好重, 好辛苦....唔通....比哥哥傳染左......未到11點半, 我諗我就訓左啦...
發左幾個夢之後, 我響3點幾就醒左啦......洗左個面之後, 我就再次訓返.

完...

10月8日, 星期一, 32度,

今日返到公司都係9點25分, 但係我都係最遲既一個, 因為今日9點有客到, 原本可以準時返到去既, 但係van仔冇停本身果個站, 一直去到好遠既油站至停, 搞到我行餐死, 又行到一身汗..........

一路去到11點, 亞姐行黎我度, 話帶我出去同個客食飯, 原來只係冇人搵位, 所以至帶我地出去.
不過都好醫一餐都食得好開心, 因為個客都好多野講, 老闆又係好多野講, 所以醫一餐都好開心.

醫排唔知點解, 發覺d人會冇啦啦望住我......唔通我愈來愈有問題???

到左5點幾, 真係比個客既QC激死, 睇一款辦0者, 竟然可以打左5個電話黎, 問醫樣問果樣, 真係煩到爆丫. 搞到我成個人都好興 >_<

差唔多放工啦, 冇啦啦有人打黎約食飯, 好啦, 我地出左去APM 食飯啦, 一坐低, 佢又講佢屋企點點點點, 佢細佬點點點點, 真係有D唔知點埋手同佢傾, 因為佢實在有太大反應啦.

食完飯之後, 我就去左買狗糧, 買左35磅裝, 原來真係好重. 早知就唔好扮勁啦.

明天一齊努力啦.

完

10月7日, 星期日

琴日終於都知道我既新安排啦, 除左加辛之外, 重上左位添, 日後我會一個人跟一個大客, 所以琴日做6點鐘, 原來另一位同事手上有好多都未做, 星期一重會有排做添.

返到屋企, 就開始煮飯啦, 今日係食咖哩排骨雞翼, 一個人食真係可能太多啦.

星期日見個天氣幾好, 我就出左去打波啦, 不過打左唔夠半個鐘, 膝頭同個手就痛到扯住左, 所以只好返屋企啦, 返到去用冷按住膝頭, 舒服左d就休息左一陣啦......但係唔小心訓著左, 醒返果陣就點半啦....變左今日返唔到禮拜, 個心情好似差咁d野.

起身之後, 我再去改埋首未完成既歌, 之後準備今晚的晚飯, 今日會食豬排......

最近好懶, 日記開始唔係日日寫啦, 可能我會變返以前既我, 我都好驚變返以前既我........

完...

10月4日, 星期四, 29度, 雨

今日媽咪同我講, 10月20日爺爺生日會去食飯, 叫我記低 & 帶埋妹妹去(爺爺重要特別點名), 但係媽咪好醒咁同爺爺講"睇下點", 響醫個時間, 我第一時間就諗, 唔係諗人地點問我, 或者我應該點答. 而係去點樣應付自己既心情.

時間一日一日咁過去, 表面既傷, 感覺好似愈黎愈輕啦, 其實係點, 我根本就真係唔知. 到底係因愛成恨....定係有其他野呢.......

10月1日, 星期一, 32度, 晴

手手腳腳既傷都重響度, 不過都好得七七八八啦. 點解會咁, 因為條樓梯囉, 唉....

夜晚返到屋企睇煙此果陣, 就諗起上一年果"十一", 一邊食野, 一邊睇....電視, 真係好開心啦....
唔打咁多啦, 手痛....

＊已共你一年 記憶亦同樣
新鮮如像蓋著蓋掩
永久保存從未間斷
在回味每種感覺
加倍念記嘴裡
那份甜味 得你不捨不棄
我的眼中只有你
今世不靠運氣 只靠在患難亦撐
我的你推翻相戀變淡這個定理
(多麼感激以後能有著你)
＊無人像你 不可放棄

9月29日.早記

今日腦入面充斥妹妹既所以野, 好掛住佢, 好想見佢, 好想好想話比佢聽我仍未放棄.

~~仍然喜歡你 ~~
天真的戀愛為何留傷悲
再扮作瀟灑拋下這個你
我話過一切逝去似煙飛
沒有一些能記起

# 癡心的感覺為何難心死
世上也不只得剩下一個你
卻沒有想與別個再一起是
固執不息 不停去追

如何直說仍然喜歡你
相處若已經全無新驚喜
我願能共你從頭再愛過
從頭送你熱烈被愛滋味
如何直說仍然喜歡你
都似沒法可能重新在一起
要是年月裡　能忘記過去
為何你像是並未有別離

當初的一切　熱情仍勾起
要是再挑選　都願戀上你
我沒法擺脫　是每串空虛
在我心底　難逃避

9月28日, 星期五, 晴, 30度

今日再次打去cef 問我d錢幾時有得拎, 點知重要等多兩個星期...唉......

放工之後再返去同一個地方, 今日係講軟弱, 可能我真係響依個時間比較軟弱啦, 個個都覺得我有, 唔通我真係放哂d野響面度? 點都好啦, 講既野我都明白, 只係用另一個方法講出黎0者.

婆婆今日打電話比我, 問我幾時去受洗, 真係唔識答.

vd3vd3, hi7be7vf3

9月27日, 星期四, 31度, 晴

今日返工就好似星期一咁, 搞到d野有少少亂. 不停同廠講上個星期. 哈哈......

放工之後, 約左個舊朋友食飯, 食下講下又食左個幾鐘, 返到屋企改左首歌之後就準備休息啦.

9月就黎完結, 醫個月真係好感激好多朋友出黎搵我食飯, 有冇心都好啦, 響同朋友一齊果陣, 我真係可以暫時唔諗, 不過到左一個人果陣既感覺反而更加辛苦, 可能醫d做法, 不是一個好做法. 10月將會開始上堂啦, 為我既下一步準備, 所以醫段時間都會靜靜地去過.

返黎果陣, 睇到妹妹寫d野, 真係好有衝動問下, 關心下一句, 但係......問左又點丫///唉...我真係唔識點做.....

完..

9月25-26日, 星期2 & 3. 晴. 平均 25.5-31.5 度

今日係中秋節, 未知的朋友們有send 個msg 黎祝我, 中秋節快樂 & 人月兩團圓. 我就祝返佢地中秋節要比我更快樂(一定會). 問心, 我真係好想同佢講中秋節快樂 & 響中秋節做一d野比佢, 不過準備好哂d野, 我冇send 出去, 亦冇寄出, 因為響反反覆覆既心情底下我好記得妹妹果句說話,"唔想大家咁辛苦". 我知如果我依家咁做可能對大家既心情都唔係咁好, 所以我冇講出任何一句亦冇做任何既野.

返到公司, 成個朝早真係唔算忙, 我心諗keep 住到放工啦, 點知食完lunch 後, 當亞姐話放5點果陣, 所有野就突然出現, comment, 單, 辦既問題丫......突然搞到我好忙, 今晚我重要入梅窩一個人咁去度過中秋節.

按原定計劃我7點半就入到去啦, 買齊野我就去目的地, 8點幾鐘就開始燒野食lu~ 一路燒一路望住個月光, 心入面就哼歌. 食下睇下哼下, 好快就到12點啦, 身邊d人可以四散, 玩火既去玩火, 食野既食野, 打麻雀既去哂打麻雀......慢步海灣既都去哂慢步, 而我就坐響原地, 做左三樣野(觀星, 燒野食, 飲啤酒), 放鬆心情好好咁響受醫個感覺.

一坐就坐到第二日既8點啦, 我地足足飲左5打啤酒, 不過就冇醉, 反而重好精神添, 9點之後, 我就自己一個人去左感受海邊既空氣, 影下相, 影下花, 只係冇想影自己, 因為好唔想留低醫一刻既我, 比以後既我去睇返.

行左個幾鐘之後, 我就返去啦, 沖左個涼, 食左少少野, 12點check out 之後就準備返入市區啦, 我再由海邊行返去碼頭慢慢睇下風景. 返到屋企就去休息下, 一訓就到天光啦.

過左兩個幾月啦, 心情, 感覺依然冇咩點變, 傾出時痛心, 睇相時開心, 回憶時甜心, 但現在沒有相連的心.

完.

9月24日, 星期一, 雨(1號), 28度

今日突然將9點睇成8點, 上到巴士至知已經9:33分, 所以返到公司, 我係最遲既一個.

今日返到公司, 果然係比d同事玩我啦, 唉......都預左嫁啦.

今日做節我地去左食盤菜, 婆婆不停問....佢做咩唔黎.....點都好啦, 成個家族都睇好係我, 話我應該係最2個結婚.......點估到, 我會咁丫....

好想同妳講一聲"中秋節快樂", 不過依家我連醫個信心都冇.......依家既我只可以做一個"衣櫃裡的男人".

今日有一件幾開心既事, 就係我既msn, 單日達到20人檢視, 不過都係冇人作回應, 但唔緊要啦, 多d人睇下我d作品就愈好.

完~~

9月22日, 星期六, 晴, 32度

今日係大陸公司既14周年慶典, 我地大部入人都上左去食飯, 開頭諗咁早上到去一定會好悶啦, 點知都唔係喎. 好多野睇, 我地重去左睇左下年既新廠, 地方好大好靚, 我影左d相放左響msn比d朋友一同欣賞.

原本都諗住一定冇咩事嫁啦, 點知廠d人過黎飲酒, 唉.....卒之都係要飲. 去到尾聲, 重有個飲醉左既女同事行黎同我講, 今晚唔比我走. 搞左一輪至走到, 真係煩呀.....

今晚我都有d醉意啦, 傾傾下計我又唔知自己發咩神經, 響d老闆面前做左d好樣衰既野. 唉....

星期日起左身之後, 就返左教會啦, 靜悄悄的來, 靜悄悄的去, 唔去睇任何人, 亦唔比任何人見到我, 返到屋企後, 煮左個面食之後就打醫個日記, 之後我就會去訓下啦....

完

9月21日, 星期五, 晴, 32度

今日第一次唔知醒, 可能真係比d藥影響到我, 我訓到9點52分至醒. 我真係唔應該再食藥啦, 所以今日將d藥放左落垃圾桶.

今日響公司, 再次比人話我唔好睇得咁重啦. 我明白搞到自己咁...為咩呢........? 我只可以答自己, 我輸得唔甘心.........

今日放工之後, 我返第一次, 出到去第一刻令我諗返起以前既一切事. 好多人見返我都問我最近點, 點解突然消失左10年, 我輕輕帶過所有既問題之後就開始啦. 個感覺好怪, 但係好多野我都好似好熟悉咁. 可能因為我細個已經做過啦. 響入面我睇到一d文章, 又好似比左一d指示我.要我定心神再諗下我自己到底做緊咩.

聽日又要上大陸啦. 好希望自己可以平安回來.

完...

9月20日, 星期四, 31度

食左幾日藥, 今日個人好乾好燥.....我諗我唔應該再用藥幫我啦.....

9月19日, 星期三, 31度, 晴

今日個小學同學由英國返黎, 我地約左出去食飯, 我地由8點一路傾........傾到10點幾, 講返以前小學d野, 我諗全場都會聽到笑聲...哈哈....真係好開心....童年真是快樂.

由於佢聽日就會走啦, 所以我地冇時間再帶佢去香港既其他地方, 佢只係對香港有一個評價, 就係香港d空氣真係好差. 我都好想出去睇下醫個世界.....

聽日........聽日........聽日.........真係好唔想迫自己亂諗野.....

完

9月18日, 星期二, 晴, 31度

又一年啦, 今日係一個好朋友既生日, 上年大家都可以一齊唱下k, 玩下...我重好記得有人話, 點解我同妳d相, 每張都有個cake響度. 所以就係醫句之後, 我就開始不停影相啦. 今日返工返到屋企, 查我部相機, 原來我響1年9個月內, 我影左2493張相. 哈(冷笑), 真係諗住可以繼續影落去......

今日d白布終於都用哂lu.....好想問佢再拎d, 不過算啦....就算我問又點呀.....佢都未必會認真咁理我啦.....


Let it be......

9月16日, 星期日, 晴, 31度

醫幾日d生活好似一張白紙咁, 完完全全冇野發生咁. 所以咩都冇寫. 唯一最特別既係...隻左腳又整到囉....不過今日已經好返啦.

今日我返果間, 去左一間新既試下. 原來感覺都係差唔多. 返到去屋企叫左石油氣, 原來真係好貴, 成2百幾蚊.

之後就響屋企坐坐坐坐坐.....到7點幾, 就上網睇下d課程&傾左一陣計.

明天有新同事返工, 我要做好準備啦, 話哂叫做第二次幫新人做野, 我諗我要比心機啦, 希望下年可以升啦~~~

預計下星期就有錢拎返啦~到時一定會好忙啦~~~不過我真係好期待呀. 為左咩都好啦, 我應該好好咁為將來打算下啦....

今日媽咪終於都問mui mui 會唔會上黎食飯for 中秋節啦, 我話唔會啦.....媽咪之後就扯開話題啦....媽咪真係好鬼醒. 我心底都話比自己知....我一定會返黎, 我一定會......

完.....

9月13日, 星期四, 晴, 30度

琴晚卒之訓左7個鐘, 今日起身, 成個人真係精神哂.

聽日再次會有大量既samples 要寄出比個客, 所以今日做好準備為明天作戰.
今日有人打黎約我聽晚去唱k, 原因係冇我唱唔到通肖, 醫個原因真係搞笑, 不過我都係推左啦, 我醫個時候真係需要休息, 為星期六而休息......

放工之後, x 打左個電話黎話佢唔開心, 為左d感情事而煩惱(咩事呀, 醫排個個唔開心都打黎搵我嫁), 佢講左佢既唔開心出黎, 原來佢因為報復去左搵第三者, 重.....發生左關係添. 依家返去現任男友身邊都係為左本身既利益. 突然之間我覺得佢好討厭, 點解可以因為報復而去搵第二個, 又因為自己要入一d大公司就返去果個人身邊. 點解d人會係咁.....以錢行先...點解d人可以咁自私? 突然發覺醫個世界好多野都好殘忍.... 當然我都有同佢講我既諗法就係, "我好討厭妳咁做, 如冇必要希望妳唔好再打電話黎". 收線之後, 都覺得自己好少會有d咁既脾氣, 可能我只係借題發揮啦......

後記 :
愛得太深, 心會醉. 喊得太耐, 心會碎. 但係世上最痛苦的莫過於是............等待.

9月12日, 星期三, 晴, 30度

琴晚樣完醫生食左d藥後, 訓左3個鐘又醒左啦, 一合眼.....心諗"點解個天重係咁黑嫁" 原來只係5點幾..

今日靚靚又出城啦, 所以今晚會同佢地出去食飯, 我地諗左好耐, 卒之我有d"汶陣"既情況下, 我順應媽咪既提議, 我地去左食"打冷". 點解我咁唔鍾意去呢, 因為果間野d衛生麻麻, 我地坐果個, 對面就有一"抽" 貼滿蚊既貼紙啦, 真係有少少嘔心, 早知我自己煮好過啦.

食完飯, 我地就去左食糖水.

食完之後, 我同哥哥返左屋企打左一陣機, 11點幾佢地就走啦, 之後手軟腳軟咁帶完狗狗落街. 再食左d藥就會去訓啦. 希望今日可以訓長d啦, 最好就係唔好再靠藥物至訓到啦.

完.

9月11日, 星期二, 晴, 29度.

今日卒之都頂唔住啦, 成日暈暈地, 做唔到野....所以lunch 果陣食左d藥就去訓左一陣啦.

我將今日既所有約會取消, 返到屋企就去訓啦.....今日真係唔想講野啦...不過d電話不停打黎,真係煩呀...

唉.....

明天將會出現新既我.

完

9月10日, 星期一, 多雲, 29度

今日7點就返到公司啦, 因為我再次......

返到公司我第一時間就係整杯茶比自己飲, 好好咁放鬆下自己, 好好咁調教一下自己既思維.

放工前, 本來有人約食飯既, 不過sorry呀, 我真係冇心情呀, 無論如何迫自己冷靜都係唔得.

返到屋企, 本來諗住返房早d休息, 不過有朋友帶黎, 話比我聽佢失戀喎, 只好同佢傾下計啦, 傾電話當中, 我自己都有好多野諗得通, 真係唔知我去安慰人定係我去比人安慰啦.

人既變化真係可以好大, 醫個朋友由我識佢開始直到依家, 真係唔同哂. 外面既人, 真係睇名, 利都睇得好重. 反過頭, 我唔係一個有好大野心既人, 如果我識到醫d咁同事, 我真係有d抗拒. 重有d反感添...

今日好掛住我d鼠呀, 唔知佢地點呢, 唔知有冇食飽呢?

好想話比佢聽, 如果真係冇彎轉, 我好希望我可以拎返d野.....

完.....

9月9日, 星期日, 晴, 31度.

今日再次去左打籃球, 不過今日既狀態一般, 冇上星期咁好, 可能真係休息不足啦. 打完之後我坐左響球場, 真係想坐死唔走, 因為個感覺好靜, 好舒服, 好放鬆.

行到去果陣就睇下深水po果間教會開幾點啦, 點知佢地冇禮拜嫁喎,咁我就返屋企沖個涼, 食個早餐就出門口返教會. 今日差d就跌出車, 因為格巴士突然停車, 我打打下機自己起左身, 好彩用隻手頂住, 不過隻手就...............

返完之後我就拿拿聲走啦, 因為隻手好痛, 返到去要搞搞佢啦. 之後我咁岩睇中左一本大口仔既相簿,我就決定買啦.

之後有朋友打黎傾左一陣電話, 傾完就有朋友黎接我出去啦. 行左陣街我地重去左食"目黑"添.

返到屋企, 再一次收到決定, 所有既冷靜都比一句說話打爆. 發覺自己原來咁痴情係對醫件事一d作用都冇.

日記寫到醫道, 我諗已經冇咩野好寫啦. 因為我再咁做, 原來只係令妹妹個心情更加........
繼續做我既痴心廢人.

完.

9月8日, 星期六, 晴, 30度

琴日都可以叫做最好訓既一晚, 唔知係咪琴日傾左一d所謂既計呢? 唉.....我既心情一日比一日沉重, 每日每日都有野想去做, 但係終於都冇做到. 因為我真係唔知大家係朋友 or already out off list......? 定係還需要冷靜呢? 一切都可以諗唔到.

醫個星期, 出左好多日街, 有好多朋友都出左黎睇下我點, 諗住心情上會好d, 點知原來當自己一個人既時候係會重辛苦.

今日返工都明知冇咩野做嫁啦, 只不過一個電話令到我心情好差. 琴晚有個同事上左去洗水廠跟我跟一個洗水, 今早就打黎, 用哂d亞頭既語氣同我講, 乜原來咩咁咁咁嫁. (心諗, 早知我自己上去跟好過啦.) 好快就放工啦. 放工果陣去我幫妹妹影左一張相同send 左比佢. 其實佢收到就得嫁啦.我真係冇咩要求.

返到屋企, 心情非常之唔好, 一d胃口都冇, 個人就不停唔知想點, 其實自己係知嫁, 我係好想搵妹妹一好想知道佢做緊咩. 不過真係唔知點做. 到底我做緊咩呀.....

原本夜晚有朋友同我出去食飯既, 點知佢突然有事, 又要改期, 唔緊要啦. 我都好想一個人靜下. 響msn 見到KH, 話出去飲酒, 開頭真係好想既, 不過諗諗下.......都係唔好啦, 我真係冇咩心情呀......

坐左響廳, 睇住一個冇著燈既天花板, 感覺好舒服, 就響度諗, 如果我唔迫妹妹講出佢既決定, 我依家又會點呢, 係咪可以好開心呢? 真係唔知, 定係我地應該唔好開始呢......

響依家真係好心痛, 真係唔知可以點.....

完....

9月7日, 星期五, 陰, 30度

響琴晚我終於都係忍唔住, 響msn send 左個office msg比妹妹......我到底做緊咩呀!!!

今日我終於都同左我哥哥分user 黎用, 所以我就將自己最鍾意果張相放左響桌面. 希望有d"望梅止渴"既效果啦.

響醫幾日, 朋友們都開始知道我冇拍拖啦, 好多人都問我點解呀? 我睇好妳地嫁喎, 發生咩事呀, 重話"你個死仔緊係有左第二個啦, 唔係人地一個咁好既女仔點解冇啦啦會分手嫁"一論咀咁去話我...響醫個時候我話, "唔知呀, 就當我係有左第二個啦", 咁樣可能.....我自己會好過d啦.

今日我知道會有好多辦要出, 所以我今日早左出左門, 返到公司就準備好哂d野, 等交收返就可以拿拿聲快d做.當然冇咁順利啦, 醫個人行下黎問野, 果個又行黎問我d野點做.唉, 心情一下子又比佢地搞到好差, 好想發脾氣, 但係我冇, 因為我應承人, 應承左自己唔可以EQ咁低. 所以我去洗個面又再出黎做野. 睇洗水果陣, 咩都好順利, 只係有一個洗水要翻搞, 所以今日都幾滿意自己既工作.

好快就到食飯啦, 我依然係食$17蚊食....再次食到一半就想食啦, 有同事行黎問我, "做咩呀, 有野唔開心呀" ,我就答, 我都冇開心過又何來唔開心呢.

下午又開始不停咁做, 今日唔知點解, 好想聽下妹妹把聲, 真係好想.....不過唔知有咩可以做到. 人地都唔知想唔想聽到我把聲啦, 衰d講, 搞到人地唔開心就唔好啦, 人地可能都冇咩事, 重可能冇唔開心添, 唔知點解, 自己又響度諗, 點解醫件事, 好似對佢冇咁大影響呢, 定係有而我唔知呢.......

今日收到個電話, 原來係政府果邊打電話黎, 話我下星期可能可以拎錢啦. 到底我應該係去還左政府果筆錢丫, 定係存起佢, 留返黎讀書呢. 諗左一陣我就諗通左啦. 可以按計劃實行. 心入面再次叫自己"加油吧".

放工後, 同左班舊同事去左打邊爐, 開頭都ok既, 不過食到咁上下, 開始覺得自己同佢地真係有好大既距離, 佢地佞家不停講既都只係"個市升左幾多, 自己搵左幾多"而我...就只係坐低食下野.....岩既, 佢地至少知道自己做緊d咩丫.

食完之後, 我再次行返屋企, 今個星期我行左醫條路都有3次啦. 由落雨, 清涼到今日好熱, 都令我自己不停咁諗下野.諗下醫樣, 又諗下我同妹妹到底會點. 我除左讀書, 還錢, 返工.......係咪咩野都做唔到呢? 醫兩日妹妹冇上線, 佢又做緊咩呢....唔通出左街定有人上左黎所以冇上線, 定係一早就訓左呢? 好多好多野諗, 諗咁多野都係圍住一樣野....就係搞到自己好唔開心, 因為響我心入面, 有愈來愈多既唔甘心.......就算大家問到幾清楚都好啦, 咁既分手結果, 真係令我好唔甘心.

我記得琴日響收音機, 聽到一個人話"當一個人比人飛, 個感覺就好似冇左一個親人咁, 一段時間內都會好唔開心" 心諗"咁似我既"......返到屋企, 突然間諗, 如果我重可以響黎緊既新年同到妹妹屋企人拜年就好啦, 因為我開始發覺自己唔止鍾意妹妹一個人, 就連佢身邊既人我都一樣好關心, 好想令妹妹身邊既人都好開心. 無奈, 依家既我, 連自己都令唔到自己開心, 我又可以點樣令人開心呢. 我好記得比一個人話我, 你係一個天生既帶比人開心既人, 希望亦可以帶比自己開心. 我終於都明白醫句點解啦, 原來我開心唔夠唔開心既多.

早幾日, 有個舊朋友知道我分手件事, 佢就問我"如果你地真係響返一齊, 係咪可以當咩都冇事發生先?" 我....第一時間就答, 我一定得啦. 但係到左今日....我唔知點解對醫個答案有少少保留. 因為我真係好驚會再一次比人對我做一d我唔鍾意既野.

帶完狗狗去街, 就去訓啦, 聽日係響醫個星期既最後一日同朋友食飯, 唔知又會發生d咩事呢....

完啦.

9月6曰, 星期四, 多雲, 30度

今日起身可能因為好多日都訓唔到, 太熱氣. 今日d鼻血足足留左3個字, 止左血之後, 成個人都暈暈地, 慢慢咁行去去搭車返車.

今日又係好多野做, 好多野要準備, 因為今日又要開會, 原來琴日個客去左門市都幫手, 唔怪得冇覆野啦. 原來大公司會係咁嫁喎, 門市唔夠人係會叫文員去幫手. 有好有唔好既.

中午食左個$17飯, 之後就搞下屋企d野啦, 又要等通知......真係煩呀......

下午就開始開會啦, 問題就冇咩發生, 重令到d大哥大姐覺得我跟得好順.

放工後, 又同左去食飯, 見到每個人都好開心, 可能只係得我唔開心啦, 朋友們最近都相繼搵我出去食飯. 食完之後, 我又慢慢行返屋企, 自己又響度諗, 其實我地係咪真係要做到咁呢, 到底我地重有冇可能出現我響夢成日見到果一日呢?

返到屋企就帶左狗狗去街, 點解今日會咁既呢, 見到每個人都一雙一對, 諗返以前我可以同妳一齊帶狗狗落街, 我真係好開心, 好幸福. 返黎之後, 我睇左一d好耐之前既e-mail.....響度講我地既之前, 鍾意d咩, 直到好開心既一刻....每樣野都真係令我好深刻....我...到底又響庋做咩呢....

完.....

9月5日, 星期三, 雨, 26度

今日訓醒(都唔知有冇訓左2個鐘), 起身之後, 我食左d藥飲左杯水就返工啦.

上到車, 我見到果個人, 不過今日我冇坐佢側邊, 因為我反而想睇下, 如果又有人住響佢身邊又會點呢? 坐左好耐, 卒之都有人坐響佢側邊, 果個人又係多多野講真係傻傻地嫁~~~

返到公司, 今日比d大人物不停我野, 真係頭都痛埋丫~~~間廠d人又唔成性, 搞到我又比個客話...唉...

放工諗左好多野, 因為今日響收音機聽到好多野, 比到我好多感覺, 到底我"是否真的可憐"? 我到底是什麼? 我在做什麼...

算啦, 可能我真係需要好好咁休息啦.........希望我真係可以....

9月4日, 星期二, 陰晴不定, 30度

今日個身體冇咁攰啦, 體力亦好似上升返d, 我諗今日應該係幾好既一日, 所以我今日有d胃口食早晨, 就買左一條麵包食. 因為換哂禮物後, 我開始坐返巴士, 今日等巴士竟然等左我20分鐘, 都唔知架40號搞咩嫁. 車到lu~~~

上到車我見車頭個位大d, 我咪坐去前面囉, 點知果個人係勁衰囉, 望一望後面, 細細聲講:後面冇位咩, 重好唔願意咁拎開d報紙, 重響度"2依暗暗" 我咪望住佢囉, 好想話佢, 唔想同人迫就坐的士的啦!!! 不過算啦, 睇佢個樣都傻傻地既, 大熱天帶手"物". 落車前我再啤一啤佢!!!

返到公司準備今日見客d野啦, 做做下亞姐又比多d野我, 11點55分話12點前要, 玩野咩.....
不過難我唔到既, 剪剪貼貼0者~~~

因為個客2點到, 所以老細同我地講, 早d食飯啦, 我就去左叮我個飯, 好好味, 不過唔知點解冇胃口, 食到一半就食唔落...

個客到啦, 一開就開到5點, 因為今晚約左d舊同事食飯, 所以我又不停咁做做做做........好冇用地, 我都係遲左....重比人改名叫"你例遲" 唉.....

食完飯, 我就慢慢行返屋企, 咁岩又落雨, 我又諗起d歌詞. 返到去睇下有冇靈感先...

今日個舊同事又問我啦, 問我諗成點....我都唔知點答, 到底我應該點做呢?

完~~~

9月3日, 星期一, 雨, 29度

經過琴日既所有活動, 今日起身好似有好嚴重既骨折咁, 成身都好痛. 死死地咁去返工. 痛到連早餐都食唔到, 返到去只係飲左少少水, 就開工lu...

今日d野終於都黎啦, 一一咁衝過黎, 個死人客又未覆野, 又不停迫出廠期. 真係唔識做. >_<

今日出左去食飯, 叫左個咖哩牛腩飯. 得兩舊牛腩, 其他就係牛根....重要唔好食....下次都係食返$17蚊算啦.

好快就放工啦, 買左餸返去煮, 是日晚餐"冬菇雲耳蒸雞 & 酸甜汁豆腐瘦肉"好好味, 不過食唔哂, 明天重有排食. 食完之後, 洗左魚缸, 睇下電視.....又過一日啦.

心情仍然一樣, 我諗我都係望住上格床望天光....

完....

9月2日, 星期日, 晴/雨 , 31度 (為什麼明明相愛, 到最後還是要分開!)

今日一早起身, 去左打籃球出左身汗, 果種感覺好舒服, 心情都好似輕鬆左. 打完波我就準備返教會啦. 之後我當然見到妹妹啦, 我地出左旺角食飯, 野食係ok既, 不過我地都真係講唔到野, 唉......
之後我就妹妹講左我來年既計劃, 屋企&朋友都唔係最大既問題,其實我最唔捨得既都係妹妹.
走果陣我用好決絕既語氣講"拜拜", 諗住唔回頭望, 不過......我都係做唔到, 我睇住妹妹上車, 坐低, 直至巴士離開.....唔知係咩心情, 令我好唔舒服.

準備走果刻, 咁岩撞到個朋友, 所以我陪佢去買野(都唔知邊個陪邊個)啦, 去左女人街, 荷利活, 可能今早去左打波啦, 隻腳好快就好攰. 響女人街有幾個中學生買返學袋, 睇中左一個袋, 個中學生就問:How many? , 果個老闆娘就話, 妳係咪問幾錢呀? 應該係:How mach喎, 之後果個男仔就面都紅哂話, 我同妳講下笑0者. 當班中學生走左, 老闆娘依家d中學生d英文唔係咁差丫嘛?!

買完野, 就開始食晚飯啦, 我地去左打邊爐, 一路食一路傾, 唔覺唔覺竟然傾到1點幾....真係勁呀!

返到屋企, 望返原本放玩具既地方, 冇左d玩具, 唔知點解好有失落感, 好想喊....我望住hoops 公仔, 佢好似想同我講, 你比心機啦, 加油呀, 頂住呀!! 或者我真係需要休息下啦.......

今日重點 : 有d人認為愛情就是追求瞬間的美感,一旦感覺不在, 不得不捨棄愛情! 但唔係每個人對於愛情的來來去去,都能夠淡然處之. 亦唔係每個人對於驟然降臨的孤獨與失落, 能夠迅速填補. 我雖然大部分時間在面對分手時都自我麻醉一番, 但我是否能真正"睇得開", 往往重要用"否認","合理化","反向作用","轉移" 之類之類既黎等自己不要太難過. 尤其, 處於被動分手的那一方,要能夠恍若無事, 真係一d都不簡單.....除非主角本身, 對於這份情未夠多, 未夠深...

從來未發生

浮浮沉沉裡太多路過人 卻與妳走近
這是緣份 曾是我心愛情人
糊糊塗塗裡也許合後必分 令我跌進黑暗
如臨末日般被困
計算內這樣事情原是沒可能 可惜最終仍是發生
仍然是發生 當刻骨的愛飄散似灰塵
妳也許不信 妳也許不知道 長久以後感覺這傷痕
從未發生 當天可親妳總算我福份
現在縱使失去 而知道被他替代當妳一半
多少有點興奮
沉沉迷迷裡愛得極放任 沒有與妳終老
這是遺憾 無奈也出現裂痕
迷迷糊糊如墮入日月星辰 沒法再看通透
前路像驟光驟暗
計算內這樣事情原是沒可能 不想發生 仍是發生

完...

9月1日, 星期六, 晴, 33度

再次訓唔到啦, 今日好早就返左公司, 琴日唔記得offline, 見到d msg, 所以我留左言比妹妹, 講左d野. 真係唔想搞到咁唔開心, 我好想好想, 做朋友都好開心.當然希望可以更好啦.

今日星期六, 一如而往, 冇野做. 所以我就改下歌, 去到12點幾, 就搞掂啦, 暫時都係開心既歌, 自覺係一件好事.

放工前, 大佬又講左d野比我知, 話遲d有兩個人返工, 一個會係跟我既, 開頭我重諗我可能會比人取代, 不過唔係啦, 我知點解會有兩個人返工啦, 放心哂. 重有係聽日唔駛返工, 可以返教會, 有個預感係幾好既, 因為我知道自己應該點做.

返到屋企, 食左少少野, 溫下書, 之後玩左一陣msn, 諗下野, 好快好快今日就咁過左啦.

心入面, 好掛住妹妹, 好想知道佢做緊咩. 唉.....

完~~~

8月31日..

今日係醫個月既最後一日, 亦係好心痛既一日. 身心再次好疲倦. 突然有種死左去就算既感覺........真係好苦惱.....

返到公司都知道今日冇野做, 因為英國個客又放左假(邊得黎咁多假放嫁), 所以今日多數都係幫同事做野.

今日會有個同事會離開公司,走去讀書(我都好想), 我地去左apm"潮館"食飯, 今日餐飯一個字黎形容"差", 所有野都黎得唔好, 包括: 食物, 佢地既員工....又坐得好唔舒服. 卒之響10點幾食完. 坐mtr 返屋企. 行去mtr 果陣, 突然間諗起上次帶錯路既我, 點解我當初冇諗清楚行邊一個出口呢. 經過上次既教訓, 我今日冇行錯路啦. 返到去換最後一隻Kitty, 今日果個好大隻. 我亦好希望妹妹唔好以平常心, 當係一份花紅既心態去收醫份禮物, 希望佢可以用心感受我為妳做既一切.

夜晚我諗左好耐, 卒之決定sned左個msg 約明天比禮物妹妹, 不過佢聽晚唔得閒, 都岩既, 星期六係應該出去玩既. 所以我決定星期日至比佢啦. 之後響我迫使之下, 佢終於都做左個決定, 我諗大家響短暫既時間入面都會得到安靜而平伏既心情, 再一次去面對, 去思考, 所有所有既問題.

響昨天的日記, 我話自己響愛情上是一件玩具, 其實再諗返, 可能......我咩都唔係....可能我就係我啦.
我知道我依家做到咁, 會帶黎一d我會計算到既結果, 所以我必須迫使去做一d決定. 希望我同妹妹都會明白!

今日重點: 感情上除了大家不再相愛, 否則是沒有一對相愛的情侶能有共識的分開. 分手或暫別的決定權永遠只係會在男女之間的一方.

完~~~

痛心疾首.....8/30

醫個bolgs真係得意, 成日都自己set醫既,定係我自己控錯野呢....真係奇怪.

今日係第一日, 係我....重新去認識"我算是什麼?!" , 諗左好耐, 令我明白到, 我....原來只係一件物品. 響屋企, 我係一個拎錢返黎到微不足道既管家, 咩都要理但係咩都管唔到.
響公司, 我係一隻死做爛做既牛, 咩都唔識但係咩都要做.
響愛情, 我只係一個玩具, 當有新玩具, 舊既玩具只會被放在toy box....等待遺棄.

實在有好多野唔明白啦, 真係訓唔著, 但係我又好唔想諗既情況下, 我琴晚食左安眠藥訓, 係我人生既第一次, 我會好好記住醫日. 食左真係好快訓著, 轉來既係, 今朝9點起身&周身骨痛, 可能係成晚都冇活動啦. 我知咁樣係唔好既, 因為醒返果種感覺依家響度.

返到公司, 已經冇咩野比我做啦, 只係等廠出辦. 今日個客重要覆, 新一季既女裝只係得返一款, 都唔知係好定唔好啦. ~_~

一跳就跳到放工既時間, 我去左食少少野, 之後去左睇"嚟多件衰鬼上帝" , 所有既野都好開心, 笑下笑下又過左個幾鐘啦. 睇戲當中, 收到哥哥三個電話, 原來佢響屋企等緊我, 返到去傾下計, 打陣機.
佢地買左一個玩具比靚靚, 成$1,000 蚊, 真係太貴啦....

由於電話線壞左, 夜晚上唔到網 , 所以個日記今日至打.
今日係第一日開始我既計劃, 希望我真係忍到手啦.

完~~~

8月29日, 星期三, 晴, 有時雷雨, 29度

今日雖然有好多野做, 好多野煩, 不過好叻既我, 將所有野一一都解決哂, 我重愈戰愈勁, 將所有野都check 得好仔細, 個人重要比我迫返轉頭, 將佢所有既期, 都比我exten多幾日, 醫種感覺係好耐都冇試過, 好有以前既我既感覺. 可能係我今日既心情唔好啦, 其實我自己都知道, 我好比機好認真做一樣野,我一定係得!!!

今日食飯我咩都食唔落, 所以我食左少少餅, 用左我琴晚既夢去改左首歌. 個感覺唔錯, 改完之後我自己個心情都好左好多.

今日知道下個月會有兩個人返工, 自己突然諗, 唔通我會出事?! 唔係既話點解會有兩個人返工呢??

放工之後, 我就去左買餸, 又要買米, 如果唔係煮唔到飯, 今日二哥放假, 所以今日有一個我好唔鍾意既人同我一齊食飯, 佢食完飯重問我飲唔飲野, 我實話飲嫁(如果係佢去買), 當然比我識穿左啦, 佢係想飲不過係更加想叫我去買囉, 都唔知咩人黎嫁, 煮完飯重要我買野飲...當我傻嫁!!!

食完飯, 睇下電視, 帶完狗狗去街, 我就去左溫書啦, 其實試一早考完, 點解我重要去溫書, 哈.....我都唔知點解...

完~~

8月28日, 星期二, 雨, 29度

今日我知道自己係時候要做d決定啦, 因為妹妹醫兩日再次比左一個好清晰既暗示我, 我唔可以再係咁嫁啦.

返到公司, 再次埋頭苦幹, 因為個客一係唔比, 一比就比哂所有comment, 都話左嫁啦, 一定將我d野迫哂一齊, 唉.....
雖然真係好忙, 不過我依然係好掛住妹妹, 不時send 個sms, 不過令我不知所措就係, 冇人覆野&比我果種感覺, 我知妹妹醫排會開始忙, 可能忙完之後, 妹妹已經可以將有d野放低啦.

好快就到食飯, 今日食完之後, 我做左一樣我好耐冇做既野, 就係打左10分鐘機. 打完之後, 我就上左工聯會睇下d課程, 我諗我聽日係時候可以去報名啦.

今日做做下都已經成晚上10點啦, 走果陣, 我請左少少餅比同事食, 個同事話:幫我多謝妳女友!!我話冇女友啦, 唔好成日講好唔好........(因為我知道依家已經唔會再有人當我係男朋友) 出左門口, 哈...諗住淋下雨啦,點知.....一粒雨都冇, 真掃興~~~~今晚又冇煮飯, 聽日又要出去食....點慳丫我!!!!!

返到去食左車仔麵, 就去決定我既決定啦....(我不只想妳那天會笑, 真係好希望陪著妳笑)
我會進行我之前定左既方法......

加油!!!加油!!!加油!!!加油!!!加油!!!
加油!!! ........M&Y .......加油!!!
加油!!!...........I..........加油!!!
加油!!!........O........加油!!!
加油!!! .....U......加油!!!
加油!!!........加油!!!

加油!!!

完~~~

8月27日, 星期一, 晴, 32度

返到公司, 好靜, 因為大佬放左假, d同事又未返~~遲左少少都有人知.

做做下野, 終於都見到個客終於都比comment 啦, 今日有大把野做啦~~做做下有d肚仔餓, 我終於都要開包餅餅食啦, 原來真係好好味嫁~~~

好快就食飯啦, 今日自己一個去左食17蚊飯, 不過食唔哂, 因為我食左少少餅.

下午都冇咩野發生啦, 好快就放工lu~~返到屋企又做住家男, 聽日有飯食, 正....

今日我響度諗, 我唔可以再住響醫度啦, 我要上樓, 為我既將來打算呀....

今日溫左陣書就差唔多啦~~~


完.....

8月25 -26日, 星期六&日, 晴, 28-32度

首次將兩日既日記夾埋一齊響屋企寫. 開始~~

星期六: (沒有妳的日子第37日)
朝早冇食早餐, 因為琴晚去睇戲, 原本買左包糖一邊睇一邊食既, 點知搞出左一d好唔開心既事, 搞到包糖都係食左少少, 所以今朝我只係食左幾粒, 已經令我甜到好飽啦(真係甜果d甜).

返到公司, 當然個死人客重未有comment, 都估到個客又玩我嫁啦, 又話夜d啦, 夜d會有嫁啦(心諗: 咪繼續呃我囉, 出唔到辦,唔關我事嫁) 唉~~~~
今日d同事響度講, 妳話"亞姐"今日返唔返呢? 我話上星期返左啦喎, 今日星期應該唔返啦, 所以我話唔返, 邊個輸就要響下星期一幫人買飯, 卒之.......12點幾返左(返黎做咩呀, 返黎一陣又放工, 又唔係好多野做)

好快就放工啦, 我約左妹妹響巴士站等, 之後我地去左食少少野, 之後就去左一個我好耐都冇去過既地方====> 機鋪, 我地第一個目的地就係"拍拍拍機" 哈哈, 我地玩得超開心, 好耐都冇試過啦~~ 之後我地去打"太鼓", 打完之後, 我地去試新野"孖寶賽車" 唉, 我唔小心地"簡"錯野添, 搞到冇得同場比賽, 哈哈~~~不過都唔係好難玩, 過左一個圈我已經識得樣轉彎會快d啦~~~最後我想玩一樣我好耐都冇玩既"鋼琴" 我都係諗住試下, 不過妹妹話一齊玩, 就一齊玩下啦, 可能我真係好耐好耐都冇玩過啦, 我......d手指非常之硬, 已經玩唔到以前既水準啦~~~ 之後我重見到有兩個男仔玩跳舞機....乜原來重有人玩嫁, 我真係唔知囉, 佢地重要跳唔準, 真係有d好搞笑囉~~~

好快就到左夜晚啦, 因為有免費飛, 我地去左睇Hello Kitty 夢幻音樂之旅, 好搞笑, 好開心, 我最記得係王子同公主唱歌(so sweet) & 大口仔果兩章, 真係好超開心~~睇完之後, 一路行,我地重傾得好開心, 之後妹妹又收到電話, 聽完之後大家既開心氣氛就冇哂啦, 唔知個電話講左d咩呢, 到底係我既問題丫, 定係....??! 響醫刻都真係想"忍痛割愛"嫁.......

返到去我地再食少少野, 又開始傾計啦, 原來衰既野未必所有都發生響我身上, 我諗我再加油既話, 我想像中既情況, 真係有可能實現.

星期六....完....

星期日(沒有妳的日子第38日)
成晚都唔係訓得咁好, 因為愈特別既野真係愈要好珍惜, 今日我遲左, 所以返到教會, 我地坐左二樓最高既地方, 雖然d位唔係咁好坐(前面個人令我好迫), 不過都係開心既. 今日牧師講左d野, 同我諗既野好近似, 話開心既, 唔一定要有好多錢或者好多朋友成日出去嘻嘻哈哈, 而係一個屋企所有人都開開心心咁去生活. 好老實講, 個屋企由地底->慢慢返到地面, 我真係用左好多心機同時間至可以有今日既少少成績, 我真係唔想因為我既私人問題, 搞到屋企既進度慢左, 其實我都有好自私好大男人咁去諗, 我係咪應該放低, 集中搞好屋企至慢慢再管理我自己d野呢(又驚太遲) ?咩都以屋企人行先, 但咁做會唔會又對另一方面唔公平呢? 再次出現好多好多問題.....

食完野之後,我地又去左行一陣街, 行行下好快就到4點幾啦, 哈哈, 妹妹又行到去攰啦, 所以我地去左買餸, 準備今晚的晚飯,是日晚餐"自家制羅宋湯&雞排併豬排", 雖然d湯係酸左少少, 不過我個心都係甜的, 因為真係好開心.

之後睇左陣電視...咁.....就過左醫兩日既生活啦.... 夜晚既時候, 開始覺得.....我到底有冇把握做到呢,

完.....

8月24日, 星期五, 晴, 31度

今日著左件新衫, 換左條新褲, 好開心咁去返工, 經過麵包店, 再次食左一個芝士包, 好好味~~~

返到公司岩岩好9點9, 坐低後馬上睇下d e-mail, 今日都係冇comment...唉, 個客又冇覆野, 都唔知想點....真係煩, 當d野迫哂響一齊, 又有排做啦~~~

做做下妹妹打黎, 話想睇戲, 我當然唔會放過醫個機會啦, 所以我地今晚會出去.不過妹妹同我講, 妳最想睇果套, 經己同妳"同事" 睇左......由原本開心, 搞到自己好唔開心......點解會咁嫁...又亂諗左好多野添....算啦, 開會啦....

話咁快就去左中午時間啦, 又開始食飯啦, 今日個lunch box 令我非常之飽.

中午又有人上黎見工啦, 果個人上到黎, 著得好齊全, 令我覺得佢係銀行或保險既人, 哈哈, 原來係我同事個朋友.

好快就到放工啦, 相約既時候搞到好唔開心, 唉, 我真係冇鬼用, 做少少野都好似成日都做得唔好咁,
入場果陣我重, 我重慘多口添....唉....不過最後都好似冇咩事咁, 不過唔知真係有冇事呢?

睇完之後, 我地去左食飯, 間野都唔錯, 希望下次可以再食啦~~~

返到去我換埋最後一隻kitty, 下次就係最後一樣啦.....送完之後, 件事唔知會點呢....

今日就係咁啦, 睇下聽日會唔會開心d啦....

完.....

8月23日, 星期四, 晴, 30度

今日返工前, 我買左一條芝士包食, 原來我買開麵包既地方係有個微波爐嫁, 我當然將個麵包叮左20秒啦, 正呀!!!終於可以響早上食個熱既麵包啦~~~

返到公司, 今日竟然係我最遲, 因為今日一來遲左起身, 二來今日重......唉.....真冇用.

今日唔知點解, 個心好有衝勁, 不停咁追個客d comment, 我好想"做好醫份工" 因為我唔同其他人有好好既開始, 有好好既指導, 有好好既教育, 所以我要比其他人睇到, 我....唔係得少少優點.

好快就到中午飯啦, 我今日分左少少冬姑比同事食, 佢話好好食呀!!! 我真係勁有滿足感, 煮野食比人, 真係會令我好開心. ^^

食完飯, 我繼續迫個客出comment, , 哈哈~~我諗我就黎迫死個客啦~~唉...我都係想做好d 0者, 因為我好明白"去弱留強" 醫個道理.

差唔多放工啦, 我當然係返左屋企食飯啦, 點知亞珊話約我出去食飯喎, 我就話我買左餸喎, 不如上我度啦(可以save money丫嘛, 出去又唔知食咩), 反正我都係一個人食, 所以今日卒之都有人同我一齊食我既住家飯啦, 雖然煮野比人食, 係會令我好開心, 不過唔知點解, 我個心情都係有d怪, 到底我真係開心定係扮開心呢?.....食完之後, 我地傾左陣計~~~10點幾就走啦, 所以我就休息左一陣, 就開始洗碗.

過左一陣, 妹妹就打黎啦, 我地又傾左一陣電話, 我問左一個我好耐都諗唔明既問題, 妹妹答左之後就令我有更多野唔明, 唉....到底我應該點做呢?

之後媽咪11點幾就返黎, 原來今日媽咪同大哥兩公婆去左食飯, 佢地食飯傾開二哥又識左一個新女朋友, 媽咪問我, 二哥以前個女朋友叫咩名, 我話唔係好難記0者. 媽咪就答我, 淨係記得Cindy 醫個名,哈哈.....(心諗....佢地係咪響出面傾過我地d野呢?) 到底我同妹妹...到底會點呢? 搞到大家咁煩, 我做男仔既, 係咪應該大方d呢....
之後媽咪重話"亞哥重問,亞昇重咩一個人煮飯食咁慘, 亞嫂又問, 係咪煮定等妳返去食嫁, 如果係就唔好出黎食啦" 媽咪就答, 佢要帶飯丫嘛. 我自己又諗, 幾時煮都得, 只係冇人陪我食0者, 突然感覺到自己好似一個孤獨老人, 但係又諗返以前, 我都係咁過嫁啦, 點解會有咁既感覺呢??

終於都比我諗通, 原來係因為我既生活習慣, 已經唔同左啦, 冇左以前悶就出去玩既心態, 重覺得搞好個屋企, 響屋企舒舒服服咪重好添~~~

愛回家歌詞

活著有你多好
多麼渺小都變寶
躺在平靜被舖上
漫談來日旅途
回到家中便有你多
好一碗暖湯的鼓舞
沾濕我眼睛
有人祈求我歸家　來互抱

完....

8月22日, 星期三, 雷雨, 29度

由於好耐冇試過咁夜訓, 咁早起身, 所以我琴晚算係好早去訓教, 不過都係訓得唔好, 唔係因為我好野諗(好定唔好呢?), 係因為我的肥狗, 因為晚上落雨, 狗狗一定會爬上黎......將我搞醒, 可能佢怕落雨啦~~~~唔緊要, 主人響度~~~

所以朝早, 我唔太願意起身, 不過我仍然keep 住morning call, 不過call 完, 我又頭暈暈咁再訓多一陣, 8點幾至起身, 拿拿聲沖涼出門口, 出面仍然係好大雨, 所以我都係搞到濕哂, 我重要著左對舊鞋個底係入水添, 所以我都係濕得好勁, 好彩, 我識"未雨綢繆" 一早帶定拖鞋, 返到公司我就換左啦~~~舒服哂~~~

死啦, 個客重放緊假,一d commet 都未有, 好擔心d辦又出唔到. 不過都係盡力啦, 我已經識點樣同個客講嫁啦. 加油~~~~~

中午同左同事出左去食飯, 我地傾左廚房d野, 哈哈~~~原來真係好貴嫁d野, 我真係要比心機啦, 我話我會響個廚房放比較多錢, 可能因為我真係好鍾意住野食啦 , 所以我要加油, 加油, 再加油....

到左3-4點, 我d病又黎啦.....唔係身體既病, 係眼訓既病.....所以又去洗左好多面同食左少少餅餅, 好彩d時間都過得好快, 中途同人傾左陣msn, 好快就到收工啦~~~

之後我去左買餸, 準備今晚的晚餐~~~~今日食"蠔油冬菇雞翼 & 通菜" , 一個人真係食唔到咁多野, 除左明天帶飯, 我重有餸留底, 明天既晚飯會有好多野食~~~唉......

之後我download 左最後一集既地獄廚房, 卒之都知道 who is winner 啦~~好開心呀. 唔係我win都好開心, 我真係好期待自己有咁既一日!!!!!!可以有自己既餐廳~~~

睇完之後, 帶狗狗去街, 上黎就洗碗啦, 咁...就一日啦~~唔知點解今日, 個心情好似好好咁, 可能睇完地獄廚房後, 覺得所有野只要堅持同盡力, 好多野都可能成功~~~

希望, 真的在明天嗎??!!

完~~~

8月21日, 星期二, 晴, 29度

經過一日既辛勞, 好早就返到公司啦, 精神非常差, 好眼訓, 重有d腳軟添, 真係冇用.

食完飯之後, 3-4點醫段時間, 真係好眼訓囉.....搞到自己要不停洗面, 今日塊面好乾淨~~~重好滑添...

好快就放工啦, 不過個感覺好似過左好耐~~~

放工之後, 我就去買左4件衫, 好靚, 下次可以著啦~~~

食左少少野後, 就傾左一陣電話, 帶完狗狗落街, 要訓啦....真係好累啦.....

今日係最最最短既一篇.

完....

8月20日, 星期一, 晴/有時大雨, 31度

早上都冇咩特別野, 只係特別唔想起身~~~唔知點解. 所以搞到9點45分至返到公司.

一個好例牌既星期一, 就係冇咩e-mail, 所以好快就到食飯時間啦, 因為琴晚唔響屋企, 所以今日唔係住家男, 冇飯帶呀~~~為左save my money, 我又係食$17飯盒(有咕嚕肉, 菜 & 炸"龜"翼) 超飽.*0*

食完飯後, 上網睇左少少野, 咁又過左一個鐘啦, 之後, 洗水出現大問題, 響冇辦法之下, 我今晚要上大陸睇洗水, 第一時間我好想話比妹妹聽嫁, 但係心諗"我以咩身份話比佢聽好呢?" 所以我都係冇直接講, send 左個offline msg 比佢.
5點45分, 我就出發啦...原本今晚係同媽咪食飯既, 因為佢星期一放假, 但係因為要上大陸, 所以我send 左個sms比媽咪, 又要佢一個人食飯啦.....希望媽咪唔好唔開心啦.我下次補數嫁!!!

岩岩過完關, 就收到電話&sms, 好期待星期六的來臨~~~快d快d快d快d快d~~~~

辛苦既一日, 原來岩岩至開始啦, 上到去都已經9點幾 lu, 就開始講解比d師傅聽, 我要佢地點洗點洗, 我話我食完飯返黎至少有d野要睇到, 但講完都快11點啦, 所以我就同d同事出左去酒店度食晚飯~~~傾左一陣計.返到公司都12點, 我拿拿聲上msn啦, 睇下會有d咩啦~~~就係咁比我睇到3張好靚既相, 我遲d要放入我個相簿先得. 傾左一陣後, 我就返去睇洗水啦, 點知有好多野都係唔太理想, 又要翻搞~~~一直睇睇睇睇睇....睇到2點幾, 又到休息時間, 原來上面有個休息室係好靚嫁, 影左d相, 今晚都會放入相簿.

到左4點幾, 卒之都進入尾聲啦, 可以返酒店休息啦.....誰不知, 出面落左一場好大既雨, 可以在短短的十分鐘,令出面水浸成3吋高, 浸到去我腳眼,d去水好差囉~~ 所以被迫停留繼續睇洗水啦.....5點幾...卒之都可以去瞓教.....就黎死啦...由7點幾起身做到....5點幾....足足22個小時....就眼就黎睇唔到野啦....以為有得瞓就好好啦, 原來明天早上交收係8點.......我.......要7點起身去食早餐之後跟車返香港...所以瞓得1個鐘又要起身啦.....

就係咁....就過左一個月啦.......到底醫1個月對大家有咩幫助呢? 時間一日一日咁過, 好快就會到果日.....今日如果唔係咁忙, 唔知我又會響度諗d咩呢?

完.....

8月19日, 星期日, 雨, 33度

今朝好早就起左身啦, 因為發左兩個好差既夢:
第一個: 係講我同全個家族去左印度旅行(唔知點解去印度), 開頭玩得好開心, 之後我去左洗手間, 去緊果陣聽到一d聲, 不過我冇理佢, 之後出返去, 發現d屋企人死哂, 我重比龍捲風吹走左....醒返已返到香港, 之後我就要去準備所有人既身後事, 個種感覺好辛苦好難受.
第二個:係講我同妹妹因為一d事, 已經唔再係朋友.....但係真係唔知咩事(唔通我個心係咁諗)..

不過第一個夢咁差我都冇醒, 竟然響第二個夢我就醒左啦, 重.....成身汗添......咩事呢, 邊樣緊要d呀!

之後我就去左食早餐重買左報紙, 星期日一個人咁去食早餐, 個感覺都唔錯, 唔通我真係適合一個人?! 之後返到屋企, 行下, 睇下電視, 就夠鐘出門口啦.

今日係我第三次返教會, 亦係第一次咁聽人講道, 完完全全好似上左一課"中外歷史" 咁, 個感覺都好奇怪, 冇之前果d咁. 不過我都好比心機聽, 好快就過左個幾鐘啦. 出到門口, 一轉身就比我見到妹妹& uncle, 我地之後就去左食野, 之後就去左魚街買d野, 重記得上次黎, 去到果間舖頭, 果個人打左兩次比妹妹, 重send 下msg黎, 時至今日, 竟然好平靜喎, 都好既.唔駛我諗咁多.

買完之後就上左妹妹屋企, 見到原本放相既地方已經冇相啦, 真係好唔開心嫁, 但係我忍住冇講出聲問, 亦唔好意思問d相係咪已經掉哂. 之後我地再次傾左好多野, 有希望的亦有失望的. 我知道大家都有一個時間響度諗既,真係睇下邊個快d 諗得通啦... 其實我好多次都問自己, 係咪應該.......定係........呢, 連我自己都答唔到, 好多野, 真係盡在不言, 響我既歌已經講哂.唉.....

傾到7點幾, 我地去左食一個不錯的晚餐, 又傾下玩下, 真係幾開心嫁, 食完之後, 我地再去行左陣街就上返去啦, 繼續做我今日要做, 但係未做既野, 就係洗籠, 洗洗下, 我問, 乜妳個電話今日咁靜既? 不過唔知係聽唔到定唔答. 我重記得妳講過, 比人話妳拖泥帶水, 我真係好想知, 關佢地咩事囉....唉...

之後我地睇左一陣電視, 妹妹響醫個時候, 已經再次響我身邊訓著左啦, 醫種熟識既感覺, 醫種舒服既氣氛, 令我醫40幾日黎.....響醫個時間, 第一次覺得好眼訓. 我當然好想響度訓一晚啦, 不過今時唔同往日啦, 想係可以既, 但係會被拒絕囉, 所以我覺得應該係決斷d咁走. 唔好拖啦, 唔好要大家難做啦.....

上到車, 妹妹打比我, 問我做咩, 叫我唔好唔開心, 我反問:"有咩可以令我好開心呢?" 當然冇人可以答到我啦. 唔通我可以話, 我地重可以keep 住醫種"似是而非, 欲拒還迎", 可以令我開心嗎?

返到去帶完狗狗就開始打日記啦, 上左msn, kh話今日響旺中見到我, 不過太多人叫我但係我聽唔到, 世界真係小小小.....重話咁咪幾好囉, 我就覺得兩睇啦......咩係好, 咩係唔好都未知呀...

今日真係令我感覺到好多野, 令我哭笑不得, 悲喜不分. 好期待日後既每分鐘可以更好. 之前講我既愛情篇要絕筆, 但係我真係放唔低呀....點算!!

完.

8月18日, 星期六, 雨, 26度 (高估自己的一天)

今日好早起左身, 再次出現morning call~~~不過都係冇人回應, 唔緊要啦, 預左嫁啦.

今朝冇食早餐, 因為今日既心情好特別, 又期待又擔心, 期待既係可以快d見到妹妹, 擔心既係唔知會發生d咩事....

返到公司, 第一時間上左去msn 個blog, 因為我想睇下有冇人留言比我, 不過咩都冇, 只係睇到我既音樂, 可以比人欣賞, 我好有滿足感, 好似我做咁多野當中, 只有醫樣係可以比人欣賞, 其他野.....就真係唔知啦.....都係做返自己啦!!!

今日星期六, 個客冇返, 我好想就答哂d e-mail, 好快就搞掂哂.

收工前我又將我個位d野, 重新再擺一次, 比下一d新感覺比自己, 重新比心機工作(雖然已經扮冇事, 好比心機), 收工前, 我send左個msg 比妹妹, 希望可以接收工, 其實我自己都有諗過, 係唔應該問既, 不過我都唔知自己點解要咁做. "明知不可為, 而為之"所以我都補左一個msg , 如果有人知道左, 可能會問我, 點解重咁咁咁呀, 你唔會覺得好怪既咩? 就算唔怪, 都可能會登我辛苦. 不過好多野盡在不言中, 我按照我個心去做就算啦.

卒之我地放工就約左一齊食飯, 我就好似以前咁, 響巴士站等, 開頭見到果陣我真係好開心, 但係我叫自己醒下啦, 依家就係依家呀. 咁我地就去食飯啦, 食完我地就上左妹妹屋企. 第一眼, 已經睇到, 我地d相已經全部收起啦, 明白真的是...已過的.......
我只好等待時間既過去...當中, 妹妹又有好多msg, 就算邊個都好啦, 我個心都好唔知點咁....到底會係報到定問候...好想問, 但係講不出聲.

夜晚既節目, 我係同佢d朋友去左唱k, 開頭約果陣, 我真係覺得自己可以頂到, 覺得冇事, 不過......唉...!響唱果d時間, 又聽到有msg 啦....唔開心之餘,重令我真係唔知唱咩歌好, 我又唔想自己唱完之後亂諗野, 又唔想比人地覺得我想點(可能我自己諗多啦, 人地可能冇咁諗呢) .

玩完之後, 我好希望可以送埋返屋企, 點知都係唔得囉...真係有d美中不足, 所以又搞到自己亂諗野.我又去左雨中慢步, 等自己可以冷靜下. 見到個天不停閃電, 好傻咁諗, 如果打中左我, 死左, 咩都唔駛諗就好啦....(0痴哂線). 一返到屋企, 就收到妹妹個電話啦, 我地又傾左一陣之後, 我就開始打日記, 所以就收左線. 唔妳知係咪真係好眼訓呢? 做左好多野之後, 就帶左狗狗落街.

好耐都冇寫過咁長既日記啦, 可能今日係比較多d野諗啦..

又睇下聽日會點啦~~~~

完~~~

8月17日, 星期五, 局部地區大雨, 29度

今日我唔係再食紅豆包, 我今日轉食左一個午餐肉包, 都幾好既.......如果係紅豆包就重好啦~~試下新野都好既~~

今日又係我最早返到公司, 我開好哂冷氣之後, 就坐低睇e-mail 啦, 今日唔知點解有好多e-mail, 用左我1個鐘我至睇得哂, 好彩全部都係小小小問題, 咁都好啦~~~之後我就開辦單, check 資料. 卒之響2個鐘就出左兩份~~~暫時又冇咩野做lu~~~

好快又到食飯時間, 今日多左1個微波爐, 所以叮飯既時間快左好多, 過左3分鐘就可以食飯啦, 今日有豬排, 炒蛋蛋, 節瓜 & 湯渣. 好飽~~~

今日我同事同我講, 話之前地鐵用EPS 過數過唔到既人有一張好靚hello mi 八達通呀, 雖然入面只係得十蚊, 但係我都好想知, 真係唔知點解呢? ~_~

今日係星期五, 放工後我去換野啦~~~勁呀, 又多一隻~~~

哈哈, 今日諗起d同事話我, "亞Roy , 醫排你做左住家男喎, 日日都有飯帶既" 我就答佢, 係呀, 我住響我個家嫁嘛, 就緊係住家男啦~~~~so, 我今日又返屋企玩我既煮飯仔啦~~~~今日食"玉子豆腐煎蛋(係我好鍾意食既一個送之一) & 炒菜, 今日冇湯飲, 因為今日唔想煲啦.........唉....

食完之後, 睇左陣電視, 帶完狗狗落街後, 我睇左一陣以前上船玩d片 & 相, 好開心, 好好笑~~特別係講我地間房果d. 真係好好笑~~~重有一張係影我地既背影, 真係好好笑~~

好啦, 睇下聽日會點啦......

完~~

8月16日, 星期四, 雨, 28度

響琴晚好早就訓教既情況下, 今日起身終於都精神d啦. thank you 身邊所有朋友 & 同事既關心. 我會好好睇住自己.

今日都係一樣,食左一個好好味既紅豆包, 不過醫種味道, 我真係真係好想同佢分享, 不過我知點都好啦, "食幾多, 著幾多" 係整定既. 返到公司, 今日唔係我最早, 都好既, 個公司唔駛咁靜.

睇左陣e-mail, 睇下辦, 講下電話, 好快就到lunch 啦, 今日個飯都係好好味, 亦都好想同人地一齊分享......所以我影左張相比你地睇, 有機會希望可以同大家食一餐開心的"家常便飯".

今日d samples 卒之都出comments,好彩地 all approved.所以都冇咩野要做, 都係覆左一d e-mail, 咁又一 day 啦, 應該下星期就會開始忙嫁啦, 我諗我真係要快d養好身體啦. 如果唔係我驚我冇咩精神去作戰.

放工前, 亞姐拎著d 朱古力周圍請人食, 明知我唔食嫁啦, 都要拎果黎, 我都知係咁意都問下我, 不過我真係唔食囉, 唔病都可能會食少少既. 病就真係唔想食, 哈...點知個個都唔食, 搞到佢好冇面...亞姐重走過黎同我講, 食左d朱古力會開心d嫁, (唔通我真係好唔開心咩)...

返到屋企, 煮左幾樣野食, 都ok既.....唉, 一個人食咩都好啦, 邊有樂趣丫....

夜晚傾左一陣電話, 再帶狗狗落街, 咁又一日啦.

完~~

8月15日, 星期三, 雨, 29度

今日起身, 又食左一個好好味既紅豆包, 正!! 今日比琴日吸氣更加辛苦.....

返到公司, 又係我最早, 呵~~有勤工獎, 我諗我會有份囉, 開始答下d客既 e-mail, 答答下, 聽到收音機, 一年一度既美食節又到啦, 今年有機會都去睇下先.

又到lunch 啦, 食食下飯, 有同事問, "亞Roy, 你就好啦, 日日有女朋友愛心飯盒, 真幸福", 我就一笑至之啦, 冇咩好講, 食飯把啦...食完之後, 我又上網睇"戀雨", 每次睇都好有感觸. 真係一個好好既劇.

中午4點幾, 又開始黎.....條氣又好辛苦. 所以我同公司講我早d工, 去左診所"聞"氣, 醫生叫我多d休息, 如果唔係突然收縮, 就麻煩啦. 唉.....我會記得食藥嫁啦, 早知咁辛苦就.......

搞掂之後我就去左拎証書啦, 卒之都搞掂哂, 聽日可以寄野去比CEF 啦, 快D快D~~~ hahaha

返到屋企, 又要煮飯啦, 好開心~~~今日我整排骨 & 菜心, 重煲啖靚湯~~~~

帶完狗狗, 咁又一日lu~~~

完~~

8月14日, 星期二, 雨, 27度....濕度90%

今日食左一個好好味既...紅豆包.....超正, 又軟又暖又靚, 果種感覺好....一食麵包, 我又諗起好多野~~好想好想話比人地聽~~~~

返到公司, 竟然返齊人, 我即刻睇下隻錶, 唔通我隻錶停左....只係9點35分.....竟然收齊人, 驚嚇非常, 我重以為發生d咩特別事添, 原來只係佢地今日好準時~~哈哈~~~

今日都係冇咩野做, 好快咁就過左一日.

今日帶lunch box~~好好味, 可以自己整既野食係特別好味. 正!!!!

放工我又出左佐敦, 點知.....唉........聽日又要去過, 醫果咁既學校, 真係令我好失望, 一次又一次比人呃...浪費我d車錢.....真真激氣!!! >_<

返到屋企, 媽媽幫我買左送 , 我又煮飯食, 今日係食, 豉汁蒸烏頭 及 雜菜炒燒肉....當然只係得我一個人食啦~明天都係......以後都係......? 聽日我既lunch box 又係食醫兩樣野~~~

睇歲月風雲果陣, 聽到d對白, 係咁既"原來到左一個冇辦法既時候, 真係好辛苦" , 我都好感受到....

跟住我朋友上左黎, 我幫佢整左好多野, 希望幫到佢啦~~~

好, 咁又一日啦~~~

完~~

8月13日, 星期一, 雨, 29度

vr1wd3hg5of3m yx1au3.....on4a 1of3......500 mk1

今日起身, 個腦一片空白, 好似有一種壓力, 好想大叫~~~所以我打左個枕頭幾下....舒服哂~~

返到公司, 都係冇咩野做.....都算係幾悶既一日......係中途打錯電話囉....都唔知好笑定好"魚"啦~~

放工後, 去左拎証書, 點知又出錯左野比我, 聽日又要拎過....唉...真係煩.....

之後去食左一個, 有少少凍既野食.....好怪....

食完之後, 個頭又開始痛....早d訓啦....

完....

8月12日, 星期日, 毛毛雨, 27度 (極度充實的一天)

比琴晚非常悶同多野諗既心情影響下, 響琴晚訓前決定今日一定要過得好d, 所以...哈哈

8點鐘起身, 經過一段輪去梳洗, 9點慢慢出門口, 去我第一個地方旺角百老匯睇9點45分 (The Simpsons Movie) $30 , 因為由屋企出去只需5分鐘, 所以買完飛都只9點15分, 所以我去左食早餐, 不過都係食左15分鐘, 響重未夠鐘之下, 我都係上左去, 響冇野睇, 又冇人既情況之下, 我用電話打左一陣機, 終於有野睇啦~~~當我望返上黎, 竟然.....有8成入坐率, 原來依家早場都有咁多人, 好~~~套戲有d悶, 又有d好笑, 可能真係英文版會好笑d瓜~~~睇完之後, 我就出黎返教會lu~~~

按我原定計劃, 返完教會, 冇咩特別野發生既話我就會去下一個地方~~~卒之點幾鐘就完左lu~~今日我好留意d歌詞, 睇下對我自己有冇咩啟發, 不過都係一樣, 黎黎去去都係果d歌詞~, 不過返完之後, 重係覺得好平靜~~都係一件好事黎既~~

走果陣見唔到妹妹, 算啦~~~可能見到但係唔出現啦~~~明既~~~我返又唔係刻意見妳, 不過見到就重好啦~~~

之後, 我再次返到旺角, 今次係睇"導火線(Flash Point)", 唔....對醫套戲我只係覺得, 打架片一套, 係打得好勁既, 不過唔係咁鍾意"甄子丹"個樣, 好怪.....

睇完之後, 我就行左去新世紀, 接住睇"Transformers", 反正未夠鐘, 我就去行下街, 去左冒險樂園行下個圈, 見到人地玩得咁開心, 我又諗起以前添. ^^, 之後買左支水飲, 非常口乾~~~去到新世紀, 我順手拎埋我買左但係未有貨既野, 如果送到比人, 就可以成為一套啦~不過有機會先啦~~~重買左一d新玩具~~有時男仔都要識氹下自己~~e~~夠鐘lu~~~出發~~~

睇完之後, 都成7點半啦, 要返屋企啦, 發現今日都行左好多街, 影左好多相, 睇左好多野~~~哈哈~~睇左3套戲, 都算係我既一個新創舉, 唔知有冇人好似我咁既呢??咁就用左200 幾蚊~~~

返到屋企都重未完, 今日足球開鑼啦, 所以now開左Now睇左兩場波,食左少少野~~~咁又一日啦~~

8 月11日, 星期六, 雨, 27度 (好身心疲倦的一天)

今日起身就好左d 啦, 冇咁頭痛, 只係把聲重係冇咁靚, 哈, 可能星期六啦, 病會快d好既.

返到公司, 食埋琴日d麵包, 都係幾好味, 唔錯, 好多同事都好關心,我好簡單答左一個: thanks 好左好多啦~~~~~

之後個同事同我講, 我跟左個新客係做女裝嫁, 得閒拎d褲比妳, 等妳拎比女朋友啦.我好想答一句, 我冇女朋友嫁啦, but 我只係笑一笑就算啦......

好快就放工啦, 我做左好耐既褲, 終於都做好啦, 只係等試身, 唔知岩唔岩呢?
唔知點解, 一想放工, 就好多人黎msn 我, 話我最近點, 咪又係咁~~~

放工後, 用我好軟既身體, 慢慢行返屋企, 原本諗住去睇戲既, 不過我太攰啦,如果坐響一間好黑既房, 我驚我瞓左教囉~~~返到屋企, 睇左好多書(不是漫畫)亦諗左好多野, 有好多感覺, 我諗我又有靈感改歌啦, 期待下一個作品. 哈哈~~~雖然改得好差, 但我覺得暫時比到我有滿足感既得醫樣~~~

之後睇左一套戲個故事好得意, 係講一個男人同左ex 女朋友個囡結婚, 真係幾新鮮丫個故事~~~

8點幾睇Hell's Kitchen , 我個心好登參加者開心, 佢地可以有自己既夢想, 可以煮野食, 我...都好想..好想, 有自己既一間......restaurant ......唉......

夜晚睇香港先生, 比我個感覺係......好似一個公開既睇男人既時間, 見到d女仔個樣同d眼神, 我就真係覺得好唔知點咁, 可能我唔鍾意睇香港小姐啦, 我覺得咁樣出名, 有點怪怪囉, 我情願參加新秀重好~~~~搞到連野都唔想食...... ~_~

夜晚可能重係有d唔習慣同冇哂朋友果種感覺, 覺得好唔知點咁, 所以我響屋企就左好多運動, 做後之後個感覺幾好~~~9點幾媽咪早左返黎喎~~~原來又唔舒服去左睇醫生...唔通....地球先生既病比左宇宙媽媽? 唉......地球先生真係冇鬼用.......

帶完狗狗去街, 就準備訓啦, 咩都唔想諗啦, 繼續去準備我既計劃啦......

呀!!!!!!!!!!!!!!!!!!!!!!!!!! 好想大叫呀~~~~~~~~~

斷絕來往

或再不配合 共你一對 都想當老友伴隨 始終兩腳難後退 太不識趣 單向地愛下
去別這種態度 極之乾脆 "約見面藉口諸多 說要推" 如果不想再面對 慘遭負累
無謂再做朋友 便告吹
*"我會消失 讓自己一個抑鬱" 道謝你絕情 絕得送上這種惡疾
來日裡 你與我各自賣醉 再也不知你於週末怎麼生趣 盡快消失 為自己一個呼吸
若令你動情或者我永遠不及 即管退隱 誰人令我這麼固執

或有種隔膜 沒法攻破 都可否念於當初 吻過麼 如果騷擾你是我 不勝負荷 寧願斷絕來往 就這麼Re*

偷生過每日 日夜都因你抑鬱 念盡你絕情地放棄愛我 是千夫所指的過失
純情願憎多一個人 不接受憐憫

8月10日 , 星期五, 8號風球, 26度 (病重的一天)

今早起身, 發覺......我把聲好沙, 喉嚨重好痛....成身重好似比人打左一身....

出門口去買左麵包, 響mtr 唔食得, 返到公司, 沖左杯茶, 就開始慢慢食麵包....唔知係咪病呢, 比平日果d覺得好好食喎~~~不過食左兩片, 就有少少反胃啦, 所以都係做野啦....

返到公司至知, 原來打緊一號風, 唔怪得今日又落咁大雨啦, 一路做野個身開始好凍, 個頭又好痛...
所以我2點半就離開公司啦, 一上車就聽到8號啦....跟住好彩重睇醫生, 之後, 食完藥好眼訓...訓左一陣, 收到妳個電話啦, 好安心....之後再訓......

7點幾起左食藥, 跟住上網睇下野.....個腦突然間(唔係好痛), 係有好多好多靈感, 用左1個鐘度, 就改好左首歌啦, 改歌既感覺反黎, 醫首歌我幾滿意~~~

夜晚就轉返3號啦, 唔知聽日會唔會好d呢, 聽日又要返工啦~~
完.....

8月9日 星期四, 3號轉雷雨 , 29度 (地球先生, 病左啦)

琴晚竟然做左一樣, 連我自己都估唔到既一件事, 哈~~~我竟然叫人返教會呀....真係再講多幾次都唔係好信, 不過果個人都係推左我, 哈....

今日成身骨痛, 我知我真係中左招啦, 搞到成9點半至出門口, 返到公司岩岩十點, 都係見冇咩人, 坐低就開始做野啦, 今日又要開會, 又唔知要搞幾耐lu.

可能今日病病地啦, 好似唔好幾集中到精神, 我竟然開會果陣,同亞姐講野講到亂哂, 搞到我大佬都唔明我講咩, 所以開會後, 又比大佬話我啦.....唉....

中午嘉豪行開醫頭, 話陪我食飯, 響公司明明睇到冇落雨, 點知一落到去, 嘩.......玩我咩.....落咁大雨...不過我都照過去, 因為唔好係遠0者.....食左個炒公仔麵加, 正!!! 傾完食完, 要返公司lu~~~

中午再淋多一次雨, 食飯後, 個頭又重左, 把聲又沙左, 做做下野重訓著左一兩秒, 所以都係等聽日完做啦, 拿拿聲放工返屋企, 行去mtr 果陣, 好在冇落雨, 如果唔係就麻煩啦...響途中, 不段玩釣魚遊戲....釣釣下就返到屋企啦.

返去前, 我買左d料, 煲左個湯比自己飲, 有廋肉,紅蘿白, 粟米, 南瓜, 蕃茄, 密棗, 南北杏,含有非常多維他命C, 對皮膚係好好 & 有好多水溶性維生素嫁, 醫個湯, 我學黎, 諗住煲比mui mui飲既, 不過依家自己飲啦, 煲左個幾鐘, 九點幾終於有得飲啦, 希望你地可以同我一齊分享啦...

一路飲, 一路睇歲月風雲, "振邦" 話冇錢都可以好開心嫁, 唔知你地又覺得係唔係呢?

飲完之後, 成個人都好暖呀, 重出左好多汗添呀, 希望聽日會好d啦.....

有時都覺得自己好勁, 一個病人都可以做咁多野同打咁多字.....不過我係時間要去休息啦...隻眼真係就黎打唔開啦......

Good night...

8月8日 星期三, 1號風球, 30度 (雙眼皮男生)

今朝一早就同乖孫去左食早餐, 哈, 終於都同男朋友一齊住啦, 傾開, 都唔知開心定唔開心, 點都好啦, 身體幾時都係最重要, 有左決定就唔好拖泥帶水啦, 有d野速戰速決好d既, 做爺爺實支持妳~~~

食完早餐, 好快就返到公司啦, 收到個客d e-mail 全部都有好多問題, 不過好叻既我, 當然比我好快咁一一解破啦, 呵呵~~~~之後既時間都冇咩野做lu, 咪又靜雞雞改下歌囉~~~我諗醫首歌都幾岩, 好表達到我想講d咩, 不過醫首歌我打算公開, 唔好問點解, 只係有d野唔講好過講既. ^^ 留返最好既一面比所有人啦.

哈, 去洗手間果陣, 我好認真咁睇下自己個樣, 將我隻眼登到好大, 原來我也是一個雙眼皮男生~~真係做左20幾年人, 先知自己係雙眼皮~~~可能太肥啦, 哈, 唔好話人地, 就連自己都睇唔到~~~~

唔知最近係咪係用歌詞發洩哂d唔開心, 今日個心已經冇咁痛啦, 又或者當我集中精神做一樣野既成果啦. 唔改會唔會又痛返呢, 算啦.....真係唔好諗啦.....我應該好好咁過醫幾個月啦, 唔係有d咩事, 因為我知當我一去返學, 我又會變左另一個人, 正是我另一段路的正式開始.

今日同左一間布廠出左去食飯, 我諗係由我果日開始, 食得最多最多野既一日啦, 成個肚仔都凸左出黎, 返到公司, 覆下e-mail, 睇下醫樣果樣咁就一日啦..

中段時間, 我唔知點解好擔心妹妹, 相架, 妹妹間屋, 廚房會入哂水, 唔知妹妹有冇關好d窗呢??? 又好擔心響今日個天氣下, 妹妹會唔會整親, 不過又諗冇問題既, 因為實有人挺身而出, 送妳返去一個安全地方....重好記得妳同我講過, 妳唔排除有一日被感動. 次次諗起醫句真係(我最初面紅, 現在雙眼通紅), 如果佢真係如我所諗, 有可能今次已感動妳了....

由於我好耐都冇咁認真去關心一個人既情況下, 好失敗地, 我冇守到承諾, 響6點send 左個sms比妳, 希望妳真係萬事小心!!

放工之後, 因為有朋友生日, 我地出左去食飯, 上年醫個時間我帶左妹妹去見佢地, 亦因為係佢地生日, 今日節目依舊.....人面就........唉..

不經不覺, 我寫既日記, 今日剛好一個月, 由懷疑, 痛心, 離開, 掛念, 醒覺, 分開, 了解, 直到現在只可懷念的一刻.....相信每一件已經深深刻在我心中, 亦是一個不能清除的一個印......在此, 多謝妳睇我的"心"記, 亦祝福妳可以開心健康快樂......有緣終有一天會相見.....

愛情篇絕筆....
完..

8 月7日 星期二, 晴/雨 , 29度

今日準時就返到公司, 同琴日一樣, 個客放左假, 一樣冇咁多野做. 所以今日都係邊做野, 邊改歌~~哈哈, 聽日就唔可以啦, 因為聽日個客返工lu~~~

今日既午餐就係咁啦, 哈哈~~係咪好得意呢~~~食左5片麵包同妳買比我既最後一包芝士條就算啦, 真係好飽~~~

之後既時間都係改下歌, 覆下e-mail 就一日啦~~~~響mtr 果陣, 不停諗, 好多野真係發生左, 我應該點呢......有時愈諗愈嬲, 有時就愈諗愈開心, 我覺得自己真係有問題啦....開始好多都唔識控制....

明知隻手指公整親, 我重不停撞佢.....算啦, 反正都冇人理啦, 哈哈~~~

今日好早就寫醫段日記啦, 因為我唔想再對住部電腦啦, 好多野當睇唔到, 睇唔到就唔駛唔想諗啦, 諗黎做咩呀~~之後既野, 我唔想寫啦.....

改歌罷啦~~~

8月6日 星期一 , 晴/狂風雷暴, 27度

今晚個心好唔知點, 因為唔可以再搵妹妹啦, 個感覺好怪, 好想知道妳今日做左d咩........


今早出左深水po 搵料, 食左一個不錯的早餐, 不過就好貴囉....成24蚊, 下次都係唔好去果間食啦.

返到公司後, 好搞笑囉, 明明係我大佬病, 但係門口果個姐姐就話我病左, 搞到果果都問我, "亞Roy, 乜你唔係病咩, 重咩返黎呀....哈哈~~係呀, 我係有病,不過係心病0者~~唔會唔返工既..

中午又係食左17蚊既飯, 好飽囉.....唉......如果可以唔駛食就好啦, 一來可以慳錢, 一來真係唔知食咩好..食飯果陣, 睇左上星期去拎既製衣課程資料, 我決定左真係儲下錢先啦, 依家對我黎講, 真係比唔到囉, 讀書既事, 我真係好希望可以自己搞得掂, 因為我真係要學下靠自己, 唔好以為好多野, 得來好易.....



今日因為個客放左假, d辦又出哂, 今日都係冇咩野做, 上網睇下野, 覆下e-mail, 好掛住既情況下..

重好多靈感改多左一首歌, 可能因為有好多事發生左啦, 愈來愈多靈感比到自己, 不過我都好希望自己可以寫多d開心既歌.....依家d靈感多數係唔開心..再次.....唉......


今日係我第一次去睇首映, 唔知會有d咩人去睇呢, 哈哈~~唔知會唔會見到"成龍" 呢, 哈~~響網上睇到佢成日飲醉去搞事d野, 真係唔知佢真人係點既呢? 佢唔係係咪真係有好大壓力呢?


卒之都係一個人出左去, 又比人放飛機, 唉.....算啦, 我以前都係咁樣過左5年, 依家又有何所謂呢?!
出去果陣, 有個印度女人, 坐左響我側邊, 不停咁問我野, 最後原來想我比錢佢坐車, 不過我當然冇理佢啦, 我至冇咁傻呀.

首映原來真係有好多明星去嫁, 套戲都幾好睇, 暫時令個腦停止諗野, 好好咁放鬆左2個小時, 睇完次後, 我一個人行下左去海邊, 一邊淋下雨, 一邊好好咁睇下夜景, 唔知d雨會唔會幫我修補到個傷口呢, 定係會愈淋愈傷呢? 算啦, 返屋企啦........

返到去屋企, 搞掂哂d野, 寫完日記就想去訓啦.


"我想我的思念是一種病 久久不能痊癒"

8月5日 星期日 , 晴/狂風雷暴, 30度

今日唔知醒, 唔知係咪飲左酒既問題, 我10:45分至起身, 好累, 好想訓, 不過今日係我第一次自己想返教會我第一天, 所以唔可以訓~~ :)

聽完之後, 行果段路, 我諗住都係算嫁啦, 妹妹可能今日冇返醫間, 所以我諗住坐車返屋企, 但係當我等緊車果刻妳竟然出現左~~~開心到呢............

我地之後去左食飯, 陪妳買野, 傾左好多野, 好開心....上到巴士後, 妹妹比我既感覺係冇變, 我重好清楚感受到妳果種感覺,果種似是而非既感覺, 都唔知係開心定唔開心.

之後我上左妹妹屋企, 洗籠....搞掂都5點啦, 原本同妹妹d朋友出去食飯既, 不過我地都冇出, 可能大家都想對多一陣啦. 之後我地重好似以前咁添, 如果可以變返以前咁就好啦....不過一定冇可能囉....點都好, 一定會有d變化.

同妹妹食完飯後, 我地定左2個月唔好搵大家, 今晚係我地既最後一次見, 另一次見會點呢, 冇人知...
妹妹重同左我講好多野係我唔知既添, 令我感覺到, 果個人真係賤格囉....

妳重問我, 如果同左果個人一齊, 我會點, 我好想話比妳知, 我一定會好嬲妳地兩個!!!

今日既日記有d亂都唔知想講咩.....2個月後見啦......
我會比心機嫁啦, 希望有日可以名正言順令妳返黎我身邊....

8月4日 星期六, 晴, 34度 (還是朋友嗎?)

今日我同妳終於都逃不過反面的一刻, 我真係好後悔, 前晚做左一d咁既事令妳好唔開心, 不過點都好啦, 我真係好希望我同妳重做到朋友.......好希望..........

今日比我估中, 亞姐真係冇返工, 原本諗住開會, 又要推到下星期一, 所以今日係做左d簡單野就算啦, 因為好叻既已經響琴日出哂所有野. 今日我終於同左一個朋友講我發生既事, 講完之後, 我真係舒服哂, 朋友重同我講, 話佢點點點, 亞昇你就唔好點點點啦, 我答佢, 醫個決定係我簡嫁, 唔駛理我...

今日已經冇咩野做, 只係睇下d資料. 睇下醫樣睇下果樣好快就放工啦, 放工後我去左拎一d課程資料睇, 原來真係好貴>_<, 所以我會存下錢, 響出年既4月我至會讀, 應該冇問題既~~~~~加油~~~~

返到屋企後, 今左一個好好既午餐, 超飽....今日冇左果種好心痛既感覺, 可能我已經知妳唔係試緊我, 我明白左好多野....

之後坐左響屋企, 一直到8點, 見到妳上msn, 我就放心啦.......

原本安排好既唱k, 點知都係冇去......大家都唔得閒, 所以我自己一個出左去飲酒, 坐低後我響度諗, 我會唔會過返以前既生活呢? 我自己心入面已經有答案.......

飲左少少, 用左$200, 我大約11點就返左屋企啦, 搞掂所以野之後, 我就寫日記啦, 聽日要第一次自己返教會, 所以我要早d訓.......今日就係咁啦.....

我知我係好傻, 不過點都好啦, 好多野我要試, 好多野我要做, 希望有一日妳唔好再嬲我, 我地重可以用朋友既身份食一餐飯, 唔好響街度如同陌路人...........

8月3日 星期五 晴, 35.3度

今日係一個非常唔開心既一日, 因為我琴晚做既野, 原來搞到妹妹咁唔開心......到底我做d既野係咪好多餘呢....當妹妹打比我果刻, 妳講既果句野....我一定會記住"乜野令你覺得重有機會" 當妳講完醫句, 我就真係明哂, 妹妹原來真係唔係試緊我........真係好對唔住呀, 希望妳唔好嬲我啦....

收線後, 我改埋首歌......好多開心同唔開心, 不過我真係好耐冇改啦, 有d技巧都唔記得左.....
不過都比我搞掂左, 可能重有少少問題同唔岩音, 不過我一定可以改得好....

媽咪今日又唔舒服, 所以我買左粥比媽咪食, 希望聽日會好返啦.....
放工之後, 我再換左一隻kitty, 集齊後, 我就會送哂比妳~~~當係提前既聖誕禮物, 不過唔排除聖誕會再送禮物.

今日比要心機溫書啦, 講住咁多先啦.......

8月2日 星期四 晴, 29度

今朝一早我好想好想早d出門口, 想一早響妹妹樓下等妹妹, 送妳返工, 不過當我換好哂衫果陣, 我竟然響度諗, 去到妳度又點呀, 如果我咁做又令妳今日增加煩惱, 咁得呢. 唉, 所以我都係send msg 比妹妹叫妳起身算啦......不過都係冇人應. :(

返到公司都係8點半, 我又開始追辦, 今日所有野都出哂啦, 好野~~~~冇哂問題lu~~~
今日我地又係食17蚊飯, 有白汁雞, 樹樹, 同炸豬排, 食唔哂添, 好飽呀~~~~
直至到3點, 我得閒少少, 就send msg 搵妹妹睇下佢今日點啦, 妹妹就冇咩野, 咁就好啦, 我重話比妳聽, 我又開始改歌, 重問妳今晚食咩野, 點知妳又冇答我, 又搞到自己唔開心.....唉,好多野妹妹都唔想正面答我~~~真係拎野黎煩呀....

一路做一路睇洗水度辦, 煩既心情又減輕少少......原本以為算啦, 搞掂d野早d收工. 點知妹妹又響6點幾send msg 黎, 原來已經收左工啦, 約左同事食飯, 咁都好既, 妹妹做返以前既Cindy啦, 佢話過唔係影響日常日活同工作, 聽到妳講我就覺得, 乜醫件事對妳真係冇咩影響咩, 點解重可以平常心呢.響度諗, 妹妹可能真係唔需要我醫個人啦.....

原本7點鐘就走得啦, 但係自己又亂諗野, 搞到自己好唔開心, 所以坐左響公司, 改果首歌, 改到9點幾, 我慢慢行, 就去到妹妹屋企樓下, 我由9點半...一直等........到12點正, 走果陣, 我send 左個msg比妹妹, 原本妹妹已經響9點返左屋企, 唉, 我真係冇用....企左3個鐘都見唔到妹妹一眼....... 原來咁等人係好支力嫁, 不過直到我走果陣至知....

返到去, 睇左妹妹既回應, 我一定會比花紅妳, 妳可以放心, 如果妳覺得我煩....講一句就得.....

星期六嘉豪生日會去唱k, 重記得妹妹話同我去唱k,如果重有機會就好啦 . 不過....亞昇, 你唔好傻啦.....

8月1日 星期三 晴, 33度

妹妹, 其實我唔係唔想叫妳, 而係唔想叫呀, 因為我覺得我send sms比妳, 妳好似冇咩回應, 不過, 我唔係比說話妳聽,我只係覺得妳已經唔需要我做鬧鐘啦, 哈哈~~~妹妹睇到醫道, 比著以前一定覺得"算囉, 咪唔好叫囉, 我都唔駛你叫". 現在將來, 我都會盡力.

今日既早餐都係麵包, 上左6D後, 我坐響頭位(我都係因為妳改變), 我一路食早餐, 一路望睇住個天, 個感覺好好, 醫個可能係妳鍾意坐頭位既原因.^^

返到公司, 我就開始追辦啦, 卒之知道今日可以出左好多辦, 個心都定左d啦, 起碼唔駛再比人話丫,我話過醫種情況唔會再次發生. 打左好多電話, 出左好多個 e-mail, 睇左好多洗水之後, 我終於都有時間啦. 我係有見到妹妹既e-mail, 不過我冇第一時間覆, 因為我要做哂d野先, 之後見到豬豬妹又唔記得拎電話, 心諗早知今日就send 比妳啦, 咁妳可能會記得拎電話呢.^^ 之後我地傾左一陣電話,不過唔知係咪我又講錯野, 搞到妳好似好唔開心咁. 唉....真冇用.

好想又要食飯時間, 又要比27蚊啦, 真係慘啦, 打亂哂我d計劃.

返到屋企, 帶狗狗落街, 睇睇電視, 上上網, 又一日~~~~重玩左個心理測驗:
B型︰橡皮造的心 你很冷靜理智，即使暗戀別人也不會讓事情失去控制。你對戀愛的態度是隨遇而安，明白任何事情都不可強求。若一段感情真的發展不下去，你絕不會勉強維持下去而賠上快樂和自信。一旦真的分手，你會傷心，但很快便會復元，就如一個橡皮球，掉在地上就會反彈，甚至跳得比以前更高。

7月31日 星期二 多雲, 29度

自琴晚之後, 我已經諗通哂, 本以為有教好訓啦, 點知, 我一合眼又響度諗, 到底星期日妳地過成點呢? 食左d咩呢? 開唔開心呢? 傾左d咩呢?? 重有就係,我記得妳上次同我講, 妳之前重有一日係同佢食飯, 照計果日係25號, 我記妳係上大陸去Delta, 返到屋企後, 話去"shopping", 原來就係同左佢去食飯, 終於比我諗到啦? 不過可能好多野都重係一個迷啦, 又係未搞清楚既事, 所以都唔係訓得好好.2點至去訓, 但6點醒一醒, 7點醒一醒, 8點醒一醒, 真係奇怪, 我明明覺得自己冇咁煩嫁啦, 點解重會咁呢, 唔通......嗯, 我諗都係嫁啦. (其實妳同我講去食飯, 我都唔會有d咩嫁啦)

叫左妹妹起左身之後, 我訓下醒下, 8點就起左身啦, 沖涼換衫返工. 今日出左糧啦, 所以決定今日(only) 對自己好d, 食返個好好味既早餐先, 食完就返左公司:lu, 我琴晚話過, 我要做好自己.所以今日我埋頭苦幹, 再加上妳對我既支持下, 我響3點幾就度過左"危險時期" 所以既辦已經上返哂安全路, 星期五之前可以全部出齊, 真係辛苦. 唉....有早知冇乞兒啦.....我搞掂d工作之後, 我好想妹妹同我分響醫種感覺, 所以我出左一張mail 比妳, 醫段時間我又同妹妹傾左一陣電話, 舒服哂~~~~

真係好好笑囉, 我依家至知原來果個人係IT 部的, 我一直都要為果個人係..............哈哈, 原來只係IT仔一名, 哈哈~~~~ 唔好誤會我笑佢份職業, 只係笑我自己0者, 不過真係好好笑囉~~~哈哈, 明白嫁啦, 妹妹~~我會用SMS嫁啦, 咁好啦, 我地講住咁多先啦, 大家都要做野啦.
放左工後, 我去左買一個希望比自己, 睇下我有冇機會先, 不過都係冇囉. ~_~

今日唔知點解, 好多野懷念, 懷念....一齊申請網上pps時笑話, 懷念.....食飯既一齊響夜晚行返去妳屋企果段路, 習慣...放工行醫條路去妳度, 習慣...返工放工食飯行街都好想話哂比妳知, 習慣...妳身上既氣味....可能今日係一個月既最後一日啦, 又有好多野發生左, 所以我話過對今日真係又愛又恨.令我自己諗左好多野.

返到屋企, 原本亞佳話黎同我食飯同還錢比我, 點知我等到9點幾, 竟然同我講, 唔黎....真係激死, 咪只好自己食囉, 唉....又比人遺棄, 哈哈......好彩最後都還左錢比我, 我開始覺得自己save 錢有d成果啦.之後我將msn 佢地兩個睇日出or日落既相, set 左入電話度, 一開電話就睇到啦~~~真開心.

今日放左工之後既時間, 過得好快, 寫寫下日記, 都已經差唔多1點啦, 雖然唔係打左好多野, 但係點解都要寫到成點幾鐘呢? 緊係因為我坐左響度懷念&習慣....好多好多既野.

岩既, 我真係應該做好自己先啦.

7月30日 星期一 晴, 29度 (如果重一齊已經係第486日啦)

琴晚等下傾下就兩點啦,我都知得一定會搞到喊, sorry 呀, 我都想寫到咁嫁, 不過我唔知可以同邊個講, 我只可以打哂出黎, 希望令我自己好過d!! 琴晚妳話, 妳update 左個blogs 妳唔會另外通知又未必日日寫, 其實妳係咪比緊一d意思我呢?
mui mui , sorry丫, 我都知我好唔聽話嫁啦, 我琴晚都係訓唔到, 因為我有好多野我都好想知, 但係又未搞清楚,所以咪搞到自己都係訓下醒下囉,卒之 7點就醒左啦, 所以我上左妳個blogs 睇, 妳到底係咪比緊一d意思我呢?我搞到自己又有d亂, 我唔知點算好呀, 成日都眼濕濕, 做男仔做到我咁, 真係好冇用呀.... >_<
咁早起身, 好想send sms 叫妳起身, 不過, 打好左兩次我都唔敢send出去比妳,因為我驚妳覺得我煩, 所以最後都係冇send比妳,唉....我真係冇用....最後都係冇send, 睇完妳個blogs之後, 我就去左沖涼仔,換衫仔返工lu~~

今日我又係坐6D, 每次坐醫部車, 我都好懷念妳會響我身邊, 攬住我隻手訓教, 好想好想, 醫一日會再出現.. 落車後,一路行返工果陣, 一路好傻咁諗, 如果有車撞到我,入左醫院, 妹妹黎睇我, 妳話幾好呢~~~~哈哈~~~痴哂線~~~
今日係一個唔好既一日, 我早排同妹妹搞成到好唔開心, 我做既野一d都唔上心, 好多野都遲哂..終於都比人話啦, 點解d野會咁遲....唉......
今日個新同事返左, 我地出左去飲茶, 個新人只係大我幾日添~~開頭佢唔講, 我重以為係同一日添~~~我都幾希望有一個咁既同事~~~~不過點都好啦, 胃口此終都唔係咁好, 飲茶咁多次...食得最少都係醫次啦~~~食完就返公司繼續做野.....
開工前上網搵左d野, 話8/12 有流星雨, 我好想請假去~~~因為.......................簡介如下.
((英仙座流星雨係8月12日，每小時有75顆，十二日午夜後至十三日曙光前這段時間都是觀測英仙座流星雨的黃金時段，以香港東面空曠無遮蔽地區，如西貢萬宜，位置較佳。))

好快就放工啦, 但大佬又捉左我同佢傾計, 都係工作上既野啦,唉............ 我會加油嫁啦!!!

今日真係好唔開心囉....返屋企果陣, 我又開始諗, 我應該點做, 諗諗諗諗諗諗諗, 諗左好多野, 當自己一個人響屋企果陣, 安係比我諗通左一d野.....好多野都比我諗通左啦~~~做咩成日諗要拖住, 諗住, 計劃去點樣可以變返以前咁, 不如真真正正行出第一步啦. 原地行, 真係冇用囉.....好似以前咁, 情寄工作, 做返以前響好家既努力的小昇昇, 慢慢由暗轉光,只要有實力, 咩都可以返黎.

妹妹, 我知妳重好關心我, 擔心我, 我真係好開心, 最衰已經有d唔同左啦, 我地現時只可以做一對好好既異性朋友, 已經係好好嫁啦, 係咪? 世界上唔係好多人得嫁. 以前點都好啦, 冇野比現在, 將來更加重要.

響醫個情況下, 我地反而重傾多左計, 好開心!!! 其實有妹妹同我分擔下, 開心之餘, 重好舒服添..
我地又傾開果個人, 心諗, 我真係唔想果個人會對妳做d咩囉, 如果佢真係對妳做d痴線野, 以咩身份都好啦,我一定會好好保護妳嫁~~~

收線之後, 我開始寫今日既日記, 心情當然好唔同啦, 冇之前寫得咁唔開心..好多野個感覺好唔同哂, 真嫁!! 睇到既野好唔同哂, 我情願現在做一對開心朋友, 總好過做一對唔知點既朋友....點都好, 我心底對妳都係冇變, 真嫁~~~
今日就講住咁多啦, 可以既話就比comment 啦~~~~~~開心每一天~~~~妳都要嫁~~~~

你要我說多難堪 我根本不想分開 為什麼還要我用微笑來帶過 我沒有這種天份 包容你也接受他不用擔心的太多 我會一直好好過 你已經遠遠離開 我也會慢慢走開 為什麼我連分開都遷就著你我真的沒有天份 安靜的沒這麼快 我會學著放棄你 是因為.............我太愛你

7月29日 星期日, 陰晴不定, 33度

今日我好早起左身, 因為今日妹妹要同果個男仔單獨食晚飯, 我個心又好痛, 成晚都訓得唔好, 再加上我, 發左個惡夢. 個夢係咁既
我同妹妹去左日本旅行, 玩左一日好開心, 返到酒店, 我沖完涼出黎後, 見到妹妹send 緊sms, 我問妹妹響度做咩....我send 緊比果個人....我話妳做咩要send sms比佢, 妳好想話比佢聽妳今日做左d咩呀? 妳竟然答我....如果我唔send比佢, 佢唔比我同佢一齊....
我就係比醫個夢嚇醒左啦....重成身汗添.....之後我就訓唔著啦...咁我只係起身去汁屋啦, 希望咁樣可以分散下, 汁到十點, 我上左msn, 見到妹妹, 不過妹妹冇搵我., 咁就緊係我去搵佢啦.....問佢做緊咩...原來只係做無聊緊....我地傾左一陣, 見妹妹好似好黑咁, 咁我咪話唔阻妳, 一陣見囉....
我好準時, 11點45分就到左啦.....妹妹同uncle 就未到, 響好熱既情況下, 我咪等一陣囉....卒之差唔多55分就到啦....妹妹打比佢daddy....原來uncle 重有排, 佢叫我地上去先....咁我同妹妹咪上去先囉....妹妹問我做咩....我當然話冇野啦.(其實我個心好唔舒服, 真係唔舒服果d)可能太熱啦...上去果陣, 妹妹有時問我做咩, 我冇事呢.......
uncle 到啦, 我地一齊聽.....聽聽下, 我覺得有d好有道理, 搞到自己眼濕濕添.....完啦, 我行左落去比野姑丈, 傾左一兩句計, 我好想話比佢聽我好唔開心呀, 不過都係算啦, 依家發生d野, 冇人可以幫到我....拿拿聲出去啦, 有兩個重要既人等緊我....開頭我地諗住去KC 既, 不過突然轉左出MK, 都冇所謂啦, 重好, 我可以買野.....
出去果陣, 妹妹又問我做咩啦, 唔好咁既樣, 我唔係黑面呀, 不過我真係有D唔開心, 因為我成日都諗, 妳今晚要出去同果個人食飯.....唉.....我可以做D咩呀.......我地去食野啦, 我響uncle 面前, 我扮到冇野, 相信妹妹都係會咁, 我只係唔想uncle 擔心0者, 唔知我有冇做野.....食完之後, 我同妹妹去左10蚊店, 行左一陣, 我又講錯野, 妹妹發左少少脾氣,不過我唔係有心嫁.....我只係講笑, 我一時唔記得妹妹唔鍾意我咁講野...唉.....真失敗呀.....
走果陣, 我其實好想同妹妹去睇下玩具, 行下街咁....不過我又唔想行行下, 果個人又打黎, 因為妳叫果個人3點鐘至打比妳....所以算啦, 我真係唔想再加重自己既唔開心呀, 行行下有人打黎, 我行快左d, 因為我唔想聽到妳地講咩, 不過原來唔係果個人...係d推銷都冇咩野, 我同妹妹好似有d不和啦, 因為我話下星期日見到就見啦, 我唔會特別約妳....其實我真係好想嫁.......妹妹妳唔好誤會呀岩岩有車, 所以我冇送妹妹塊車站, 因為我重要幫karen 買野, 所以我地就分開左啦....
我去買完野後, 拿拿聲返屋企, 一路上, 我都有同妹妹sms, 大家都好似有d唔開心.....返到去我咩都冇整, 拿拿聲上左msn, 妹妹比左佢個blogs 我.不過唔係佢既所有.....果個blogs 重係打左好少野, 不過妹妹話醫個blogs 只係比我睇, 我好開心~~~~~ ^^當妹妹坎左之後, 我個心又好唔舒服啦, 因為妳同左果個人出左去食飯....我真係好唔開心....我重記得妳話有d後悔應承左出去食飯...但係.....唉.....我都唔識講呀....
響醫段時間, 我又開始汁屋, 因為我好唔想諗妳同佢到底有d咩野, 好煩呀......但係我又不停睇住個電話, 睇下妳有冇野send黎.....真係搞笑囉.....唉.......
今晚出左去同嘉豪&亞shan 食飯, 我地今日係食素, 見到佢地今日買左好多野, 好似好開心咁, 如果我地都可以就好啦, 係咪? 坐低之後, 我地拿拿聲叫野食, 一 路食一邊傾, 發覺佢地兩個真係唔同哂啦, 今晚都食左100蚊, 不過就傾我好開心.返屋企果陣, 成日都覺得好似見到妹妹咁, 可能係錯覺啦, 因為我太想見到妹妹啦....唉....
十點半就到左啦, 上左msn, 妹妹重未返到, 唔知妹妹有冇事呢, 好擔心, 不過....又唔想send sms比佢, 我驚又會有d更煩既野出現.
星期二重約唔約妹妹好呢, 定係......唉...., 星期二我重有好多野要做, 都係算啦....我記得妳講過:乜我地重有月尾既日子咩....好似唔岩規矩. 都明既.....我地已經分開左......
10:51分, 妹妹返到啦, 我好想問妳好多野(去左邊度食, 食左d咩, 傾左d咩, 食得開唔開心), 不過我冇問, 因為我唔想妳唔開心, 我扮唔知去搵妳, 原來妹妹睇緊我d日記啦, 唔知妹妹有咩感覺呢, 可唔可以話我知呀.......

妹妹睇左好耐, 都冇覆我野, 唔知妳有咩諗法呢......

"分手了還有心　毋忘受傷的寶訓我們好像遊牧人沿途尋食物　全為了綿羊開心沒可能站在暴雪中等犧牲"

7月28日 星期六 晴/雷雨, 33度 (最長既一篇)

成晚訓得唔好, 訓一陣醒一陣, 因為我驚自己訓過頭, 所以我6:30 就起左身.....去到妹妹樓下, 已經係7點半...send 個msg 比妹妹...不過冇應, 開頭以為妹妹唔想我上去, 我原本響樓下等妹妹, 送佢去上車啦, 原來妹妹去左沖涼, 重淋左花添啦....我最後都係上左去...比鼠鼠食野, 跟住送左妹妹上車, 我好想好想拖住妹妹隻手, 好似以前咁, 一路送妹妹上車, 不過今時唔同往日了...妹妹上車後, 我睇住妹妹走....個心有千萬個捨不得...不過亦沒有辦法....我同妹妹約好左, 今日會陪妳出去買魚魚...又有機會見妳...我當然唔會浪費每一次機會啦....所以好快返公司搞掂d野....
返到公司, 食完早餐, 就拿拿聲準備搬位....不過karen 成十點至返, 我又要等佢走位....醫個時候妹妹send msg 比我, 話好surpise..我今日睇住佢上車, 其實我有時都有嫁, 只係有時妳冇睇到0者, 唔緊要啦, 好多野都已經過左去啦....同妹妹傾左一陣sms & e-mail, 又要做野啦, 原本想同妳食lunch, 不過妳唔知幾時放工又肚仔餓, 當妳打比我果陣....妳已經食左飯啦..原本想問妳同邊個食, 不過冇問到(真係唔想妳煩), 我地又傾左一陣電話, 又傾左好多野, 妳問我點解唔約妳去睇叮噹, 唉.....妳估我唔想約妳咩, 不過....自己搵檸檬食, 就唔好啦....點都好啦, 我真係唔知點做, 我好係好想, 大家都唔好搵大家一段時間....對3方面都會有幫助既....
終於妳都走啦, 我地好快就出左太子買魚, 今次應該係我同妳響醫段時間最後一次, 行街街啦....舊日我們手拖手, 今日, 地方依舊...人面冇全非....但我們的感情已經不同左....唉....d魚魚好靚, 我地買完後, 好快就返左妹妹屋企, 原本我地今晚係食咖哩, 不過上到去, 我地就好似...唔想再落街...一路睇"同事三分親" 我地就好似以前咁, 一時拖住, 一時遠離....到底醫d係做緊咩呀, 好煩呀.....
7點幾, 我地睇左一陣魚...好開心呀, 好有以前果種感覺呀.....希望醫個時間可以停落黎...唉....好煩呀........
卒之到左8點幾, 我地落左去食野, 食食下....果個人又打黎, 妹妹同佢傾左一陣, 唉...又有唔開心添...不過果個人好冇禮貌囉...知道我好妳食緊飯...竟然收妹妹線....有冇搞錯呀, 做男仔做到妳咁...妹妹好唔開心, 我講左d安慰說話(都唔知點解自己講得出)食完後, 我地去左日本城, 點知又要搬遷, 所以咩都冇買....另外一出門口, 果個人又打比妳, 我地行咁耐, 妳就同佢傾咁耐....我簡直唔知自己響度做咩, 好似我響度比妳同另一個男仔響度傾計....果種感覺, 非筆墨可以形容...超難受, 妳地足足傾左差唔多...20分鐘, 上到去, 妹妹冇咩點出聲, 我想問妳咩事嫁, 不過自已又唔想煩, 但係妳又叫我, 話只係嬲佢, 對我冇野..不過唔知妹妹妳...感唔感覺到, 我係好唔開心呀...妳叫我講野....醫個時候我只係想問妳地頭先傾左d咩.....妹妹妳真係好清楚咁講比我知....妳講d野真係令我好驚訝, 我唔知妳有冇諗過我既感受, 妳講同果個人有1年既時間, 到時大家有野, 再傾....好痛呀...我個心....唉.........連我自己都唔知有咩可以講啦..竟然我重可以用理性去分析, 諗住安慰妳, 不過....我已經痴左線....都唔知自己做緊咩啦.我同妹妹講, 聽日將會係我同妳見既最後一次....我真係好希望咁樣, 對大家都會好d, 因為我真係唔想有d咩事發生....我真係唔想整到妳喊....不過有好多野, 唔到我話事啦....之前傾好, 我十點半就走...我唔會死拖, 不過最好係可以響度同妳一陣過多...我地的最後一晚.....不過我知一定唔得嫁啦....我都係講下既0者....走之前, 我地攬得好實...知道今次一定係...最後的一次....好響受醫短短既1分鐘....好好記住妹妹既氣味, 好好記住我地既一切一切, 我好記得妳同我講, 妳話妳返黎就會收起我地d相...不過妳唔捨得妳知唔知....我個心點諗呀? 我係好覺得妳一定同果個男人講左一d野, 如果唔係佢唔會咁樣對妳....妳重話我知, 原來妳返黎之後第二晚..妳同左果個男仔食飯, 我真係好唔開心囉.....點解妳要做一d咁奇怪既野....我知妳唔想搞到d關係差, 不過妹妹, 妳真係要識點做...善意既大話, 對大家可能有d好處嫁....
重有一樣, 妳聽晚約左果個人食晚飯, 我真係好唔開心嫁, 不過我真係冇野可以做到,我同妳冇關係, 唔可以阻妳, 不過都好希望妳食得開心.如果有d咩事都好啦, 我一定會係幫妳出頭, 保護妳, 做妳收音機既第一個....
我走果陣, 我諗, 今次既感情, 我覺得我一d都冇做錯囉, 錯既可能係..."早知不應試愛", 我同妳, 一早就有差距....但係我地1年後至發覺..但係太遲, 我已經"皮膚有你的指紋　刻得太深", 真係太深刻啦....
返到屋企, 心情真係低到極點, 但係唔想比媽咪知道, 不過我諗媽咪都估到啦(星期六都返黎訓, 一定有野發生囉)....所以我都係扮冇野..知既只有哥哥...唉....
"如留住我　繼續　效勞定有天抵銷得到就怕分手之後　那日還未到 "
妹妹, 當妳睇到今日醫封既日記, 好希望妳唔會喊(不過知道一定唔得, 亦唔知妳會唔會睇), 不過我好想話妳知, 我會試, 但有d野, 我地都係順應天意啦....妳話過"如果係我既, 放大家走,大家最後都會響一齊...不過唔知係幾時呢, 衰d講, 唔同要等我地真係做左...公仔同婆仔, 我地至會響一齊......願妳永遠開心, 健康....快樂....

7月27日 星期五 晴, 34.5度

今朝一早, 我做到既只係好妹妹講一聲..good morning, 因為我咩都唔想問啦, 真係唔想妳煩啦....
收到公司, 我繼續做返自己d野...唉...有好多辦都出唔到, 個客又追, 真係唔知點算好....如果妹妹響度, 就可以聽下我講野啦...算啦, 我唔可以成日都係咁...妹妹都決定咁做, 我唔可以成日搵佢.....
今日我拎左包芝士條返公司食, 真係好好味, 妹妹可以同我一齊食就好啦....我地真係可以食到同一種味, 果種感覺真係好好....所以我send 左個msg 比妹妹...妹妹可能太忙冇覆, 直到12點幾, 妹妹出e-mail比我....不過講講下妹妹就唔見左啦...可能我又講錯野啦..唔緊要啦(亞昇, 真係唔緊要至好呀), 妹妹可能走左呢....咁我自己去做野啦, 做做下...聽到華姐, 整到隻手....變左今日冇飯食, 食完之後, 聽到原來好大件事, 聯左6針....重....比公司炒左添....可能以後都冇飯食, 冇湯飲啦......
之後, 拿拿聲做野, 聽日又要搬位.....8點就收左工啦....希望聽日會好d啦....
放工我去坐6D, 一路聽歌一路行....行到岩岩走左一班車...又要等15分鐘...唉.....唔知點解個心情好低落....我知我自己...唔開心D咩, 搞到個人又冇胃口, 又唔開心...都唔知想點.....
返到去其實諗住唔ONLINE 嫁啦....比多D空間大家啦.....點知妹妹SEND SMS比我....我又忍唔到, 好快就覆左....之後響msn send 左d野比妹妹, 同妹妹傾左幾句, 妹妹話要打比我, 我當然話好啦....
電話隨之響起, 我地傾左少少野, 妹妹就眼仔訓啦...我問佢係咪有野想同我講, 不過佢冇野想講, 妳反轉頭問我, 有冇野講....其實我好想好想問...妳地琴日傾左d咩, 不過我問唔出口, 因為我唔想妳煩...我重應承妳聽日我會上黎淋花, 我一定會黎....希望比到個驚喜妳啦....因為我講既野, 一定會做得到嫁...
收線後, 我繼續打日記....原本諗住send 今日既MTR KITTY 相比妳, 不過下次等妳ONLINE先啦....
帶完狗狗落街, 我就訓啦....
希望明天會好D啦......

7月26日 星期四 晴, 34度

今朝起身, 我第一時間就係叫左妹妹起身返工, 不過妹妹好叻, 已經醒左啦, 重準備沖涼添(我個心又諗, 係咪有人叫醒妳呢)...唔緊要啦, 做好我自己先啦....
今日返到公司, 有好多野都做, 又要開辦單, 又要睇洗水, 又要度辦....一直係咁忙, 直到11點幾, 妹妹send 左個msg比我, 我都唔知..我到12點, 我得閒少少, 我先知道, 其實我都有諗過, 搵妹妹嫁, 不過我覺得我應該要忍手, 但係妳會係出現先果個..我真係好開心...跟著我地又sms啦, 直到妳食飯, 我地都傾sms, 我真係好好好開心~~~~~~
3點鐘度啦, 我打比妹妹, 因為佢話銀行收佢手續費, 其實我都係借d意打比妳, 因為我真係好想聽妳把聲....醫個時候, 我約妳今晚食飯,妳話好果陣, 我開心到個樣, 我諗個個同事都知囉....我地傾左好耐, 醫段時間真係好開心, 不過又驚比公司d人話...真係心大心細..
卒之傾到d開心野, 又可以分擔到妳既唔開心, 醫一日我真係覺得好開心...今次我會去車站等妳, 唔知會唔會係最後一次呢...今晚妳冇比我拖, 我見妳插隻手落袋, 我就知道妹妹又諗通d野..我地去左食m 記, 我重買左1個kitty比妹妹, 佢個樣好開心, 我都好開心.....
食完之後, 又開始同妹妹傾計, 妹妹真係諗通左啦, 講左好多野比我聽....我所有都好明白....不過m記太多人....我唔知做咩...又好想喊, 所以我話我地去公園傾.真係好傾好多, 我講左好多野, 妹妹又同我講左好多野....令我更加明白....妹妹, 原諒我咁小朋友..我地傾得幾好..不過最衰就係, 果個人又sms比妹妹, 又迫妹妹, 我真係好興....唔好阻住哂, 妹妹都同妳講左佢唔想諗...妳唔好迫佢啦..我都係一樣...我都唔會迫妳, 做好自己先啦....
我明白有時真係"相愛但不能在一起" , 但個感覺真係好唔受....好辛苦, 我又問妳, 其實妳係咪就我就得好辛苦....不過妳冇正面回答(我都知我做得唔夠好), 妳只係話, 唔關醫D問題, 係我同妳之間既距離...其實我真係中左六合彩(諗到傻左), 當我還哂屋企既錢, 我一定會同妳結婚....不過..諗下就得既, 邊有咁易中呀.....其實醫段時間, 我同妹妹傾既所有, 都離不開醫個問題(首先係將來, 我既學歷, 金錢...)我地不斷傾, 不斷傾..其實真係冇答案, 真嫁....比妹妹諗下既同時, 我又諗下我到底可以做到D咩啦.....
其實我都唔想叫妹妹走, 不過妳聽日要早起呀....所以冇辦法啦...我都好唔捨得嫁....唉........
送妳返屋企果陣, 我同妳講, 我有一日希望可能叫妳做老婆, 原來妹妹都想...不過只係叫我做公仔, 老左就係老公仔~~哈哈...妹妹, 我要妳做我婆仔, 我一定會比心機~~希望妳會等我....
返到屋企, 我打比妹妹, 妹妹同果個人傾緊....咁我只好...收線啦....帶完狗狗, 開始寫醫封日記....妹妹1點幾send msg 黎...簡單一句....話訓啦, 我有D擔心妹妹, 會唔會好辛苦, 妹妹: 記得有咩事都要同我講呀...唔好唔開心同唔好要我擔心...

應該　記得　記得　記得　陪住你,　應該　記得　記得　記得　非常時期,　守著承諾　直到　滿足你　說服你 別要 分離
　應該　記得　記得　記得　留住你,　應該　記得　記得　記得　說好了　和你 ,一起選婚戒　迎娶你 　沒需要　失諸交臂

7月25日 星期三 晴, 33度

今日我地兩個都好早起左身....5點幾度啦, 訓左都冇3個鐘.....我地又傾左好多野, 包括妳話妳xx歲前結婚...重有8年, 我聽到, 其實令我更加有信心, 不過都唔希望妳咁遲至結婚....我會比心機嫁啦....
我好響受我地重可以一齊, 醫種感覺真係好好, 好到......真係唔識形容.....(妹妹, 我好同妳永遠都響埋一齊呀)
我重好記得妳話, 妳唔想去果個地方, 我真係有d唔開心囉, 因為我真係好有心機咁去安排....睇日落..bbq, ....唉....不過依家冇啦...原來妳一d都唔鍾意我d安排...重話醫d應該係1年就應該做....我都知....sorry囉..我都知衰, 所以...我冇野講....開心同幸福既時間過得好快...我地就要起身返工啦....響妳沖涼果陣我問, 我放低d keys 同 咭, 睇下妳有咩反應....妳諗左一陣...就叫我放低啦 ....其實我真係唔想放低, 不過......唉......
去到果個位, 我地就分開走啦....我真係好想送妳最後一次返工, 不過既然妳唔想, 我都唔知可以做d咩, 再者....我唔想妳喊呀...所以我冇去強求.....返去果陣響度諗, 妹妹重會唔會同我報告行蹤呢, 如果重有就好啦....返到去食左個早餐, 返到屋企寫低d野, 我就返工啦, 返到去都係9點35分, 都重未有人返到....咁我就開始做野啦, 一路做野, 一路留意個電話....睇下妹妹會唔會話我知....佢去到邊....不過睇左好多都冇....心諗...都係算啦...依家我地都已經唔係咩關係啦.....
做做下野, 個電話又響....都唔知個電話做咩....咁我咪熄機囉....點知...部電話.....真係有問題....我電話入面既相...msg....電話咩都冇哂....我真係好唔開心...唔通連個天都唔想我去記住.....要洗哂我d野......果刻...我成個腦一片空白....好彩我有做back up...好快我就入返哂d野啦....咁個心都定左d....
當我send msg 比妳, 妳岩岩返到香港, 又同妳傾左幾句.....簡直每日最開心既就係醫d時間....成個人都好有精神....傾左一陣次後,做野都快左好多, 好快就做哂d野, 當準備走果陣, 妳就返到屋企啦(我心入面諗果d野都冇左啦...舒服哂)

放工後, 去左學校, 諗住叫學校簽返d資料, 點知又有問題發生, 聽日又要搵人再傾傾......

我好乖嫁, 返到去第一時間就去食野啦....妳呢, 唔知食左d咩呢, 我都好想知呀. ^^返到去見妳未到, 咁自己只好等下啦, 睇下醫樣, 睇下果樣....差唔多十點, 妹妹就返啦, 不過妳一返黎...就去左沖涼啦...唔知妳買左d咩呢, 可唔可以講嫁?
聽完妳講解d相, 我有d唔明嫁....唔知妳真係想講d咩呢....不如講清楚d丫....唔知妳係咪同緊其他人傾計呢...好似唔係好得閒咁, 好少應我哩~~~唔知妳係想話寫日記定睇我d日記呢, 如果妳係寫既, 我都好想睇下, 唔知幾時有得睇呢....
咁又一日啦, 妹妹...唔知妳幾時會諗得通呢....妳到底想決絕d定....點嫁....講我知呀...

願我會查火箭　帶你到天空去在太空中兩人住活到一千歲　都一般心醉有你在身邊多樂趣共你雙雙對　好得戚好得意地LUM天崩當閒事就算翻風雨　只需睇到你似見陽光千萬里
有了你開心o的　也都稱心滿意咸魚白菜也好好味我與你永共鈙　分分鐘需要你你似是陽光空氣
扮靚o的皆因你　癲癲o地皆因你為你甘心作傻事扮o下猩猩叫　睇到乜都笑有你在身邊多樂趣若有朝失o左你　花開都不美願到荒島去長住做個假的你　天天都相對對木頭公仔做戲

7月24日 星期二 晴, 34度

琴晚真係難以入睡呀....心入面好似打緊0交咁,冇一刻係好既..因為聽日6點妳就會返到黎啦....一方面好想妳返, 一方面須係唔想妳返, 情願妳響加拿大重好, 起碼我地可以日日用msn 傾計.....我知, 當妳一返到黎, 我地既關係, 響醫段時間一定會消失...不過冇辦法啦, 結果已經有, 冇得再避...
今日我冇上去妳度, 因為一來我唔想上, 二來就算我醒左, 我都唔想去面對醫件事....我返到公司都9點9度..開始做野果陣, 我上左msn, 見妳覆我e-mail, 話妳比人收到d野同準備入閘...我都知, 不過我冇得黎接妳機.妳話比我聽又有何用呢....我好快覆左妳e-mail....我真係好希望妳平安冇事咁返黎....
今日做野一樣都係集中唔到...因為個心去左妹妹度, 唔知妹妹會唔會有事, 唔知妹妹係咪訓緊教...好多好多..直至到3點幾, 我上網睇下妹妹班機幾點到....預計係3點幾, 即係冇咩事, 個人都定左少少啦....咁我咪繼續做野啦....
到左6點45分度啦, 妹妹打黎啦, 妳終於都返到黎啦, 不過佢第一件事, 打比姐姐, 通知妹妹聽日要上大陸..好彩....唔係咩0者....我唔知我係第幾個啦, 妳返到黎我就安心嫁啦, 我同妳傾計傾計好似冇野發生過咁,我真係希望醫段時間發生既野, 全部都唔係真嫁, 如果係就好啦....不過事實就係事實, 冇得希望...
收線之後, 我就出左去食pizza 啦, 哈, 亞john 好搞笑囉, 話喉嚨痛唔打邊爐, 反而食pizza 就冇問題,都唔知真係假既....算啦, 食咩都好啦, 都係一樣咁貴嫁啦.....咁就食左120 蚊每人...食飯中, 我個心根本就唔響度, 佢有佢地傾, 我有我坐響度, 因為佢地有太多野我係唔知嫁啦, 我好似個外人咁..下次都係唔好去啦, 又貴又唔係真係食得咁開心.....重有第2個原因係, 因為我會上妹妹度, 我個心情真係..好唔同, 好似天文台話比我知, 地球就快消失, 真係覺得所有野都好壓力...好辛苦....
上去前妹妹要食芝士漢堡, 我就買左1個比佢, 因為成10點啦, 妹妹又餓又眼仔訓...所以我一落車, 又要跑啦.頭先食d野, 差d要嘔返出黎, 不過都係差d 0者....唔知點解, 妹妹會咁簡單就比我上去..個感覺有d怪..上到去, 我唔用key, 因為醫個已經唔係我同妹妹既家啦....等妹妹開門好過啦.....一開門...見到妹妹...果個感覺真係正到爆呀, 好開心呀!!!!!!!!
我知妹妹好餓, 我咩都冇放低, 比左個包妹妹食先....睇住妹妹真係, 真係好甜呀.....
等妹妹食完之後, 我地對望左一陣, 我問妹妹, 我可唔可以攬下妳呀(妹妹點頭), 果種感覺真係好舒服...妹妹又返黎我身邊啦(醫一刻)....妹妹又開始喊啦...我地真係有好多好多野想講, 不過又唔知點講...所以我下定決心, 由我講起先, 講返我琴日諗既講哂出黎....自己都忍唔住, 眼濕濕....我都傾左都冇30分..反而攬住既時間係最多....我見到妹妹已經好眼訓啦, 我就同妹妹講, 不如妳訓啦....我地就咁決定啦....
我同妹妹反而傾左多...妹妹講, 如果我有辦法就好啦....唉....如果有就唔駛煩啦....四年真係唔長唔短嫁....25萬真係唔知點存......傾傾下, 大家都有d唔捨得....
妹妹今次真係好好靚......我醫一世都會記住醫個感覺....我相信妳都係....
妹妹好快就訓左教啦....連我講既野, 佢一d都冇聽.....算啦....我唔介意...因為都係最後一次啦我都係訓唔到, 因為我唔希望咁就過左我地兩個人既最後一夜, 所以我望住妹妹個樣, 真係好想好想咁樣同妳過一世..
妹妹, 我真係會比心機, 雖然我口講話冇4年...只係唔想妳等我....希望妳明啦...
不過我真係好想同妳響一齊...
加油......

7月23日 星期一 晴, 33度

今日上到去, 係我最後一次既開燈, 淋花....比野食鼠鼠.....好快搞掂之後, 我就返左公司啦, 今日我我買左好好味既麵包...好好食..不過一包入面太多啦, 都食唔哂...睇下夜晚食唔食到啦, 因為哥哥約左今日食飯....
返到公司, 我拿拿聲做野, 因為今日比較多野做....又因為妹妹去左婚禮, 所以未上線, 有多d時間做野....不過都唔集中....一路做...一路睇下妹妹有冇上線....一直到食完飯妹妹終於都返黎啦.....我地又傾左好多野....我地再次傾到好似好有野....不過相愛而不能在一起....一直傾...傾到8點....真係有少少驚比人話, 因為真係有好多野做....
睇到妹妹d相, 我覺得個心好甜呀, 因為每一張都好靚.....好係好靚. ^^我真係想做妳個王子呀, 唔知我重有冇機會呢....唉.....
我地傾完之後, 我上左妳度....做我最後既一樣工作, 就係洗乾淨d車哩茄, 等妳返黎食.....同埋將所有既野熄哂....妹妹返到黎, 一定覺得好靚.....因為妳間屋本身就係好靚, 我重搞得咁好....妳返到黎一定好開心....
走果陣, 我同鼠鼠say good bye 啦, 因為響我心入面已經有左答案啦....我唔應該死衝....咩都好啦....好多野已經整定左, 我冇哂辦法...妳都講得好岩....以我依家咁樣...真係比唔到d咩妳, 亦唔會有好既將來....響我行返屋企果段路, 睇到好多靚屋..亦明白, 好既野唔係咁易得到.....亦唔係我依家可以得到....
放心啦, 我明白哂嫁啦, 等妳返黎, 希望可以同妳講得清清楚楚...再一次講, 希望妳搵到1個比我好一百陪既人....懂得愛妳.....懂得比好既將來妳....
我已經決定....真真正正想放低....sorry 丫妹妹....我真係唔想嫁...不過我真係冇哂辦法啦...
響度講一聲....再見....

7月22日 星期日 晴, 33度

琴晚訓左一教幾好既, 因為覺得自己已經放低左好多野, 可能個腦冇不停不停咁諗野, 又可能..醫十幾日, 冇一教好訓啦....11點幾訓左..一訓就到左天光啦....我起身果陣, 我好清楚記得一個夢, 個夢係講, 有一日我自己去左睇戲, 笑片黎既...我遲左入場....入面已經黑哂, 我拿拿聲搵個位坐, 睇完後, 起身果下, 我先知....原來妳...同另一個人....住左響我側邊睇左一場戲.....我地定左幾秒, 之後我咩都冇講....就走左啦. 算啦, 只係一個夢0者...
起身之後, 我又上左網同妹妹既計, 我地大家都好似放低左一d野, 傾d計都幾輕鬆, 冇左早幾日果d怪怪感覺, 可能真係已經.....解決哂..我地重有講有笑添, 真係奇怪.....我地唔係已經分開左咩....點解我重可以咁.
今日我又再買左野比妳, 係kitty & 大口仔公仔....我想送哂比妹妹嫁, 不過妹妹想我地一人keep 1個, 妹妹就簡大口仔, 我就keep kitty.希望妳鍾意啦....d相會附今日既日記比妳嫁, 妳睇下啦^^
比妹妹知又話我唔乖啦...因為我中午卒之都冇食飯..:p, 不過我真係冇咩胃口丫嘛.....
今日除左上妳度, 哥哥重約左我食飯, 唔知想同我傾d咩呢, 原本哥哥想同我唱中午k, 都幾好嫁..我都好想叫出黎....應該會舒服d既不過我plan 左上妹妹度整好d野....所以我推左唱中午k, 改晚上食飯....搞掂至打比哥哥啦....
今日唔知做咩...特別眼淺. 一路打掃妹妹間屋, 一路眼濕濕......可能今次係最後一次幫妹妹打掃間屋啦, 我打掃得好仔細....d相架我特別抹得乾淨, 亦都抹左好耐....特別係我整果個相架, 我忍唔住留左少少眼淚....睇到妹妹細個既相, 真係覺得好得意...睇睇下我坐低左, 個心話我知, 妳幾唔捨得都要做野嫁啦, 唔係d時間又會過哂. 我將妹妹間屋, 抹哂所有塵, 拖好地, 將所有既信疊好..希望妹妹返到黎, 可以有一個好舒服既地方訓教....當我吸張梳化d塵果陣...我好想好想訓低...但我都冇..因為我覺得依家唔好玥留戀啦.....我又見到梳化爆開左果個位....我又諗起好多野, 都唔知笑好定點好... 我吸到張梳化好乾淨丫, 希望下次有人打開要訓果陣...唔好覺得太多頭髮啦...我重搵到一個髮夾添, 緊係妹妹唔記得除, 留左響果度啦....
搞掂哂後都5點幾啦, 我打比哥哥, 不過冇聽電話...唔知係咪同囡囡好sweet 咁一齊訓左教呢^^. 見冇人聽, 我就換衫返屋企囉...哥哥就打黎啦...原來靚靚發燒呀, 唔怪得哥哥冇聽電話啦....卒之我地都冇食飯....所以我地再約聽晚食飯....
返到屋企, 我買左個$10 既星洲炒米(都係食開果幾樣)...好飽......食完之後, 我一個人坐左響屋企, 突然覺得好失落, 好唔習慣...一個星期日夜晚, 我竟然坐左響屋企唔知做咩好, 好耐都冇試個有咁既感覺....所以我打左一陣機. 之後我就諗, 醫d日子唔好過咁耐就好啦....
帶完狗狗之後, 今日又完啦......聽日又要返工啦....妹妹重有2日就返...唔知點解, 個感覺好奇怪, 一方面好想妳安全返到黎, 一方面諗萬一響街見到唔知會點, 又唔知妳返到公司, 會點面對果個人呢.....好想知,又好唔想知.....真係奇怪, 可能我地做得唔夠..絕啦.
"到底什麼時候你才會想起我 在值得紀念時刻因為感觸太多 當你匆匆經過我們走過的角落 你會偷偷想我 還是一笑而過"
唉.....

7月21日 星期六 雨, 33度

原來成晚冇訓....要成晚響度諗野, 係非常非常之辛苦嫁. 因為第二日, 個人完全冇精神.....簡直係死屍一樣.....不過都好, 好多好多野我都諗左, 咁樣我同妳, 應該唔駛咁辛苦啦...
上左msn 後, 見妳響度, 不過離開左.....咁咪試下留言, 諗住再同妳傾下, 因為今日出深水涉, 我有d時間可以同妳傾......妳好快就覆左我, 原來妳響度小睡方刻, 我唔講其他野, 好快入正題.....我好想好想知道一d野, 到底我依家咁樣做, 係咪真係有用..不過都係一樣啦, 4年.....冇人知會係點....我心諗.可能我死左添,哈..... 講左冇耐, 相信妳亦響度喊緊, 因為我都係....妳因為妳buy 左新衫, 所以見妳影左張相比我, 收到,我真係覺得好心痛&覺得自己好冇用, 我唔應該整到妳喊..(可能又係我d大男人性格啦), 見妳隻眼已經好腫, 所以我真係唔再同妳講, 我唔想妳再喊...所以我話我去沖涼啦, 其實我一早沖左至上msn. 我重同妳講1437 係咩意思....原來妳唔知, 我以為好多女仔都會知既添....妳依家知道未呀???
因為要出深水涉買野, 所以我冇上妳度, 下午至上...因為時間有d急....返收到公司, 一開個電腦....我隻眼已經好想合埋啦....好....Zzzz.....眼訓 ~_~..... 冇計, 咁我咪拿拿聲做野囉, 今日唔係冇好多洗水返左, 我咪打下新季d辦單囉, 不過好多野都未整, 都唔知點迫, 個客又冇野覆, 真係搞笑...做做下見妳msn 話妳出去飲野, 我想覆妳嫁, 不過咁岩條線又有少少問題....答唔到...我又突然諗起一首歌, 係側田 - 情永落....d歌詞真係中哂...林夕妳真係好野......我記得側田話醫首歌個名係用佢以前一個女朋友個名..
離開你以後彷似餘生無多從此怎呼吸也都不甚清楚仍存在世上 還能面對甚麼憑十巴掌使我 記得痛楚離開你以後使我獲益良多付出了以後 永不必問因果無緣沒故別離 其實為了甚麼全為了準許你 再愛一個 *
所以我都改左名, 唔知有冇人知呢.....
放工前我出左張e-mail 比妳, 影左我份早餐同lunch 比妳睇, 點知影到我大佬包煙....妳就以為我依家食返....我真係冇呀...希望妳會信我.妳重要叫我打比妳, 其實我真唔係唔想囉, 不過我真唔想囉, 因為我真係想好好咁冷靜下...不過我真係唔捨得....
上到去, 我就打左比妳, 重同妳傾左好多野...亦明白哂所有野....我地足足傾左3個鐘....喊過, 笑過, 懷念過.....亦可恣係最後一次...我非常非常珍惜...
收線後, 我洗左籠, 修下花.....8點幾就返屋企, 我好乖, 買左炒飯食...同2隻dvd, 諗住睇既....不過.....我好快就訓左教....琴日都重有睇...果套我成日響妳屋企睇既節目....我真係好想妳響我身邊....抱抱我個妹妹, 比d溫暖佢, 或者一路睇 一路幫佢按摩..好諗起都好開心...
今日就係咁啦....

7月20日 星期五 雨, 31度( 又是有結果的一天)

今曰我上到妹妹度....見到有一條魚已經死左啦...我響度諗....我地係咪已經完左呢.....搞掂哂d野...我返到公司....第一時間出左張e-mail 比妹妹話比佢聽有醫個消息......好快...我就就見到佢online啦.....我地亦開始傾.....我地既野....
傾左冇耐, 妳又出左去飲野啦, 我只好再做下野啦......差唔多11點, 妳就返黎啦.....個感覺好似好開心咁....可能妳已經諗通d野...妳...終於都講左妳既決定.....係我點都諗唔到既決定.....我真係好懷疑...妳愛我有幾多.....點解唔可以同我一陣過醫後日子...如果真係要等....點解唔過得開心d....
聽完之後....好彩要出去見客...令我暫時忘記一陣.....如果唔係....我真係唔知會做d咩出黎.....當一靜落黎....我就眼....又開心濕....個腦就不停亂諗....成個人.....完全唔知響度做咩....不過點都好啦....我真係要去讀書....
4年....真係唔易過, 特別我係要咁過.......
今晚我上度去.....拎哂我d野出黎後....我竟然同d鼠鼠講....以後冇我響度, 您地唔好蝦妹妹呀...冇左我,您地要錫您地個主人....要聽話啦....眼淚...真係忍唔到啦.....
返到去.......坐下.....咁就一晚啦....

常常責怪自己 當初不應該常常後悔沒有把你留下來為甚麼明明相愛 到最後還是要分開是否我們總是 徘徊在心門之外
誰知道又和你相遇在人海命運如此安排 總教人無奈這些年過得不好不壞 只是好像少了一個人存在而我漸漸明白 你仍然是我不變的關懷
有多少愛可以重來 有多少人願意等待當懂得珍惜以後回來 卻不知那份愛 會不會還在
有多少愛可以重來 有多少人值得等待當愛情已經桑田滄海 是否還有勇氣去愛

7月19日 星期四 晴, 32度

今日我好早就起左身, 因為琴晚發左個夢....真係好開心嫁...如果係真既, 妳話既好呢......我好快搞掂哂d野, 就返公司啦....返到去...唔知點解...我唔想上網呀...因為我開始對妳有d不滿...點解搞搞下...好似變左我做錯野咁既.....點解我重要比時間妳....去諗到底我地應該點呢.....一時又話我成日發脾氣, 一時又話想拉近大家既距離, 一時又要我唔好迫妳, 其實妳真係想同我一齊嫁...定係唔想既呢? 定係, 果個人出現左之後, 妳根本就想離開我, 搵一個真係可以比妳落腳既地方呢??? 有時我都唔係好明, 如果妳真係愛我既話, 點解妳要咁自私呢? 妳驚我唔要妳(唔會囉), 又驚我比唔到幸福妳, 又話唔想捱.....係...我知妳有一個比我好既開始.妳都唔想自己用咁多時間讀書...原本可以好好地....唔駛點擔憂生活, 妳係咪驚我連累妳丫??我愛妳, 我會接受妳既一切....而妳話妳愛我, 只係接受我個人性格....一d都唔接受我既學識&生活......我真係好唔明....如果有既, 我唔想妳好d咩....
話唔想上msn, 卒之我都係上左msn, 見妳冇online...我諗住send 野比妳啦...一路打...突然見妳上線....我真係覺得好突然囉....妳係咪扮離線, 同緊果個人傾緊計呀? 妳竟然答我....我30秒前上緊msn...係心靈相通, 定係妳計好時間至上網呢.....傾左唔係好耐....妳打d字, 果種唔想講野既感覺, 好似出哂黎囉....又唔講妳做咩, 我真係好擔心囉....(我諗到痴哂線)
我話等妳返黎, 影下相, 妳又話睇下先.....同妳講左我個夢, 妳又唔應我.....我話需要人既支持....妳又話唔識答我....咁依家都好明顯啦.....妳決定左啦......係咪?? 冇一個女朋友, 會咁對個男朋友囉......除非...."情已經失去了,或許價值相當渺少"囉.....而我就"只是情到盡時 沒法捨棄 還天天在想你"....
我不停咁同妳傾...亞哥亞姐一定望到....唔知會唔會比人話呢...算啦....都唔知可以點好....真係難離難捨....都有做野既..不過做做下野, 我又會掛住妳....又返位同妳msn.....
響我不停對妳好d, 同妳講下笑....妳終於都講出黎啦.....其實我一早知妳有決定嫁啦....我都諗住係可以響妳屋企講嫁....不過妳果句....令我覺得...我係時候要知道幾時要退.....我真係好唔開心.....眼入面d淚水....都真係想流出黎....不過響公司....點都要忍嫁啦.......我都重有少少希望既.....不過唔係希望妳決定再同我一齊, 而係希望可以見多妳一次...我唔理咩ending 都好啦....我已經打定最壞打算.......好奇怪囉....妳又話會珍惜我....又話唔係我既問題.....但係妳一一做出黎既野....一d都唔覺得囉.....叫我唔好亂諗野...換轉係妳....妳會唔諗咩......好想好想...知道我地個結果會係點......咁我地24號...晚再傾啦....醫幾日...我真係唔想再同妳傾計....我真係唔想愈講愈唔捨得.......不過我覺得一定要咁做......要識得點放低......
妳offline 後....我根本冇心機做野.....所有野都做得好慢.....做做下都8點啦.....只好快d放工啦.....去到妹妹度.....熄哂d野後..我唔知點解我只係坐左響度....我好唔捨得...醫間屋呀!!!!!!!
返到屋企, 野又唔想食....只好拿拿聲寫日記, 不過coffee 好似知我唔開心咁....不停跟住我, 不停要我同佢玩....還是您最好....您至少唔會話我冇學識, 冇經濟囉......寫完日記, 就帶狗狗落街....沖涼...咁又一日啦....飯?! 食唔食都算啦.....
妹妹: 如果妳真係唔要我, 亦唔想等我四年....我會好明白. 不過我都係咁愛妳....就算有冇將來都好啦....響妳結婚之前, 我完成到我既野.我一定會返黎搵妳.....唔理果時妳會點囉.......唉.."做我的愛人真的辛苦你嗎 總有過快樂吧?" "准我一生也愛你一個　准我相信直覺請將一生的幸福也付托給我 常在你心裡　愛著我"

7月18日 星期三 雨, 29度

今朝一早起身, 又發覺自己唔知醒.....拿拿聲去身沖涼....上網睇下妹妹響唔響度, 同左妹妹傾左陣計....原本都幾好既, 不過....今日既大家既對話, 一d都唔開心.....唔知係咪日子愈黎愈近呢....妳答我既野....比我個感覺....唔係好好.....不過我都冇哂計啦...街妳又唔鍾意去....禮物妳又唔想要......決定妳又未做好....又唔想我去妳度.....真係唔知點好.....
去到妹妹度, 睇下魚魚, 玩下鼠鼠....好快就搞掂啦...我重開左風扇比鼠鼠....佢地應該會涼d.....跟住我就望下d相架.....好想好想妳地可以放一世呀.....唔知有冇辦法呢??? 死啦...睇睇下...過哂鐘添....走lu....
返到公司....一樣未有人返...又係我最早.....開電腦睇下啦, 條線又有問題...msn 又有問題.....不過收到妹妹將mail....不過...佢話係無聊....至出比我....都唔知開心定唔開心啦.....唉.......都好既....我至少做到妳一個妳無聊會諗到我既人先啦.....
搞左好耐終於都上到icq....咪同妹妹傾左一陣囉...同妹妹講左我睇相架好左好耐...所以遲左....不過妹妹冇答.....唔緊要啦...妳都有好多野都冇答過我啦....跟住妳重要同我講...星期四會可朋友去美國玩....好啦...妳玩得開心d啦....但係做咩要..講d咁既野....又話咩...又話咩....唔知妳有冇或冇意都好啦....我聽都真係好唔舒服...我忍唔住講左出口.....不過我唔係發脾氣....我只係想妳知道0者....
傾左冇耐, 我要就做野啦....冇同妹妹傾計....返到位...妳朋友就到啦...要同佢傾計....之後就冇理過我一句.....不論我講咩都好....唔緊要啦....反正我都要整電腦....要offline....都唔緊要既.....我icq 一offline, 妳就offline啦....msn 就冇囉....妹妹一定好多野傾啦....應該傾到2點幾...唔知傾左d咩呢.....算啦....我理唔到....或者都唔到我理呢....聽日妳去左美國, 唔知幾時可以聽到妳把聲或者同妳傾到計啦.....唔知...我地會唔會就咁就......算呢....我...真係唔想呀....不過我又可以點呢........
今日同cef 傾左, 睇下有冇得再有政府支助....點知真係冇....咁只好睇下我可以拎返幾多錢, 再決定點做.....不過我讀中四夜校..我穿係驚我讀唔上呀....好多野都好擔心....不過又唔可以同妹妹分響....我唔想妳覺得我比籍口自己呀....但這個是事實....
差唔多放工.....聽到有個同事比人炒左....真係好驚訝....重要係同我比較好既同事.....夜晚就出去食飯...飲左少少酒.....10點半就返到屋企啦....今日就咁就過左啦....聽日又要加油啦......
妹妹: 其實妳係咪已經有左決定啦.....妳講啦......我頂得住嫁.....四年....我可以嫁....我唔會變心嫁...我一定會搵返妳.... 又或者....過左四年,妳已有心上人...我都未必會變心....只可能係冇信心再去....拎個心出黎....同其他人...拍拖...... 因為...........我唔想每次都....一樣. 拎黎心痛...

7月17日 星期二 晴, 33度

死啦...今日唔知醒添, 要拿拿聲出門口啦...不過都要上一上網搵下妹妹, 不過上左線, 妹妹冇同我傾計, 唔知係咪等我出聲呢...卒之真係, 等我搞掂哂所有野(沖涼, 去便便...) 妹妹都冇send 野黎....咁咪我出聲囉.....傾左兩句, 我就話bye bye 啦.....妹妹問我係咪走, 妳都冇野講....我又趕時間...唔走做咩呀....
好快我就搞掂妳屋企d野啦, 重幫妳收左一封, 唔係妳名但係地址又岩既信喎, 諗住今日問妳, 不過真係好趕時間, 都唔記得左拎添...聽日至問妳啦.....因為趕時間....去行快d, 我咪行馬路囉....點知...差d出事....下次都咪搞啦.....唔係留低妹妹就唔好啦....
好安全咁返到公司, 個個都返齊啦, 差我炸....我重要未食早餐添....要拿拿聲食啦...5分鐘後就食完啦, 跟住拿拿聲上線, 睇下妹妹響邊先...不過今日成間公司條線都冇問題...一點都上唔到....
上到一陣, 又斷一陣.....卒之都傾到兩句....講左件事比妹妹聽....點知激嬲左妹妹添....sorry呀...我冇下次嫁啦.....要妳擔心....sorry呀...~_~, 不過又有d開心, 妹妹即刻打比我, 奐可以聽到妹妹把聲~~超級happy 呢(好彩冇同妹妹講, 我有少少搞親隻手...如果唔係重大件事..)
跟住我就要開會啦.....開左5個鐘, 終於可以去食飯啦, 重要係哥哥請, 真好, 又可以洗少d錢.....跟住又同妹妹傾左一陣, 不過妹妹都唔得閒, 又同ja ja 傾野, 跟住又同佢朋友傾計.....都好既...我都唔想妹妹淨係等我....又要sorry添.....同個客開完, 又要同大佬開會, 所以又用左2個鐘, 返到位, 妹妹都off左line 啦....都好, 妹妹肯早d訓....不過我好希望妳講聲我知囉(不過唔講, 又冇問題既....又唔係好大件事....算啦.....唉)
我好掛住妳呀, 妹妹....唔知妳諗成點呢? 我好想知呀.....
開左咁多個會, 個人好?呀......所以我拿拿聲搞掂哂d野, 我就放工啦....跟住去左妹妹度, 睇下d魚魚同鼠鼠, 佢地一樣冇事發生....走之前, 我又睇左一陣d影架, 又唔知可以放幾耐呢?! 睇完,跟住就返左屋企lu....
返屋企前, 我又買左一份小禮物比妳呀, 唔知等妳返黎果陣, 會唔會見到呢?? ^^希望妳會鍾意啦, 係妳鍾意既野黎嫁....^^返到屋企, 響度諗, 搵日去買定d角螺比妹妹至得......跟住我又睇左好多讀書既野, 到底我應該點好呢....樣樣都咁貴......唉.....
今晚唔知做咩, 又開始唔覺得餓....所以今晚又冇食野lu.....唔好比妹妹知呀, 唔係又話我唔乖嫁啦......好啦, 今日早d訓, 睇日要早d起身去妹妹度啦, 聽日有大把野做呀.....唔知聽日會有d咩發生呢.....希望明天係好既一日啦...
妹妹, 妳重有7日就返啦, 唔知妳記唔記得我講過d咩呢....返黎前...妳冇答案....我就會.....................

7月16日 星期一 雨, 32度

琴晚同朋友傾開計....話唔好讀中四中五啦.....叫我報毅進....聽落好似幾好....不過今日check 左CEF...原來人生只可以報一次...重有限額添.....搵曬好多野....原來係唔得既....真係冇癮.......唉...點好呢....
今日如常去左妳度, 淋下花, 比魚魚食野, 睇下鼠鼠.....睇下d相...心諗...唔知妳地重可以放幾耐呢....唉.....真係唔想同妹妹分開...睇完之後, 個心酸一酸, 之後就返工啦...唔好諗啦.....
返到公司, 拿拿聲開始做野啦....因為聽日有客黎....要準備好d野, 好彩都好快搞掂, 幾叻丫.....跟住上裝條線又有d野, 搞左一陣....終於...msn 同 icq 都ok哂, 只係等妹妹online , 10點幾, 妹妹出現啦~~~好野!!
我地今日都係傾係我個讀書課程, 不過妳好似唔多鍾意...我知....點都唔及有一個中五名咁好丫嘛....依家真係唔駛讀啦....因為我比唔讀毅進既錢.....我諗要再睇睇啦.....
另外, 妳上網睇左果個香薰園, 我一心想同妳去玩下睇下啦...點知妳一句撞埋黎...唔靚又好少 lavender ....要去日本.......唉....咁話唔好去啦...妳又唔答我...咪唔好去囉(依家).....我知妳係試我既, 如果妳肯繼續同我一齊, 我諗我安排好節目....妳唔會唔去既哈哈...我唔會比妳試到既.....(希望我諗既係岩啦)....
今日既妹妹好奇怪....話去游水, 妳又話睇下先....話又香薰園, 又話唔靚,唔想去.....反而妳睇去加拿大既機票....我知平啦...我都想同妳去嫁妹妹....不過等妳諗清楚先啦....如果唔係...plan 咩都冇用....係咪....不過我都要諗定嫁....就算我要讀書好...要返工好啦....我都好想陪住妳, 好想拖住妳隻手...好想攬住妳....好想永永遠遠愛錫妳...真至一生一世...大家都成哂白髮, 笑到冇哂d牙....如果得既話, 妳話幾好呢......
放工前, 同大佬傾左d野....大佬都覺得我地應該讀下書, 不過要我自己安排下喎.....因為我唔可以只理讀書, 唔理公司d野....唉....諗掂至算啦...冇錢...點讀....
放工後, 出左去同媽咪食餐飯...今左我159蚊....好傷, 不過唔緊要啦....又唔係成日都係...都好開心既, 因為靚靚出左黎, 同我地一齊食..好得意丫佢~~
食完飯飯後, 就返左屋企lu~~咁又一日啦......
妹妹: 其實我真係唔鍾意, 妳話我點樣對屋企, 我只係想個屋企好d 0者...點知比妳話我..淨係理個屋企, 咁妳呢......妳估我冇對自己打算過咩, 咁我地都要搞好左個屋企先嫁嘛, 如果屋都冇得住....有其他野都冇用啦....唔通放響街咩....我知我咁做係對妳有d唔公平.....妳信我啦...我會改嫁啦.....
帶完狗狗落街, 咁....又一日啦.....唔知今日係咪少左同妹妹傾計呢...好快就好掛住妳啦....但另一方面....傾少左計....個心情..又好似好d咁喎....都幾好既....做野都快d....不如聽日試下唔好online 啦....(得至算啦, 當妳好掛住一個人, 妳好難忍既)

7月15日 星期日 晴, 33度

今日都係好早起身~~冇記錯...應該係7點幾, 好出奇地....哥哥見我訓教, 都黎問我食唔食早餐....我話是但啦.....唔好要我比就得啦....食完早餐後, 上左msn, 不過唔係睇下妹妹響唔響度, 因為妹妹出左去玩丫嘛, 我咪上網睇下中四既資料囉. 睇左好多, 卒之比我搵到啦...瑪利亞書院都係都一千蚊一個月, 應該都ok, 不過就唔可以存錢....真係要再計一計數.
今日個廁所又有人上黎整, 不過整左兩次都係唔得....睇黎都要再搞多一次啦.....唉醫間屋真係....殘呀.
中午12點幾, 妹妹返到屋企, 我地又可以開始傾計啦, 好野!!!!妹妹比左1張相我睇佢表哥個仔....但係我就只係掛住睇妹妹果靚樣..^^咁我真係好耐都冇見個妹妹啦...雖然我係有相....但係每日妹妹個樣都會有唔同, 好似今日咁啦, 妹妹冇夾住d頭髮, 散左落黎...又有另一種靚既味道. 真係好想見到妹妹呀.... "sign"
跟住又傾左好多野, 其中有換kitty 啦, 我剪個新頭啦, 重有就係妹妹比左個佢間房我睇....真係好靚, 希望我可以比到一間房妳...放醫d 公仔...我真係要加油啦.
唉, 妹妹, 點解妳唔比我接妳機喎...到底真係唔想我請假, 定係唔想見到我呀, 定或者重有其他事呀??? 不過妳都講過, 唔想我請假...但我真係好想囉....妳重突然問我, 如果以後都見唔到妹妹點呀?....我真係唔識點答嫁....咪話只有唔開心同睇下係件咩事囉.不過我就好開心妳會答我, 攬住易易話"唔好呀". 我真係好開心, 但係妳真係太混亂啦....都唔知想點....希望然快d決定到啦....我個心都好實呀....
跟住我又再次傾...不如我地唔好聯絡兩日, 比妳諗下.....我真係唔想, 成日講d野又要留住妳, 又要妳諗清楚....我真係就黎痴線啦...不過妳又係答我, 唔好迫妳....唉....算啦...我都冇野好講.
跟住我地玩左好多愛情既心理測驗, 好多都好準呀, 特別係有幾個答案呀....1) 選擇「輕音樂或是以單一樂器伴奏的獨唱歌曲」的人這種人只要一受傷，無論外表看得到看不到，就需要很久一段時間才能復原，而且每次都剛剛好，只有百分之八十，可是他們傷心時，第一個反應就是什麼都懶得說，所以只要你看到他一個人悶悶的，望著遠方時，掛了一行清淚，別懷疑關上門，給他一個自處的空間吧！===好岩妳呀, 妹妹====
2) 【細水長流的戀情】你的戀情看在他人的眼裡可能會覺得有些無趣，即使和情人走在一起，也不會表現得太親密。但實這只是表面，私底下的你也有令人意想不到的一面。會和你談戀愛的可能是原本就認識的朋友，初戀情人可能就是結婚對象===我重要比妳話我被動多....我真係驚太快, 冇左妳呀..., 妳終於都講出有第3者既原因, "邊個女仔唔鍾意比人追比人錫架。", 我重唔小心串左妳...sorry,不過妳誚得好岩...我係錫妳唔夠多....====
3) 選擇【滿天璀璨的小星星。】的人 你會因愛人的言行舉止，而產生許多迷惑，你不能肯定他是否真心愛你，也不知道愛情會延續多久，所以你時常為了這個問題而煩惱不安，其實你不必這麼懷疑對方，應該以信心和誠意來對待他，才能共創永恆的愛情。 ====醫個係我同妳, 第1個相同結果, 妳冇懷疑....不過我有囉....sorry....不過係早幾日幾事啦. 依家冇====
4) ☆ 爬上50層樓 A. 回答要到目的餐廳的人，表示是成就動機高的人，會向目標積極邁進，即使成功也不滿足，會企圖獲得更高的成就，這些人對另一半要求甚高，就好像「最初覺得他的孩子氣很可愛，但後來覺得十分厭煩」，由於對你的要求產生變化，如果你不能適應便會產生不滿。同時，上進意願強的人，容易有「說不定有比對方更好的人出現」的想法。====請到醫道, 我真係有野想講嫁, 等得響度話比妳睇, 我對妳既expectations啦. 之前我都講過, 我同妳係兩個世界既人, 特別係識既人.唔知妳記唔記得, 有次我d朋生日, 妳同我一齊出去, 陪我玩...走個陣, 我同妳講過我好開心....其實醫d都係我對妳既要求...expectations就係 : 我唔想妳咁文靜, 識得可以玩得開心d,盡興d. 另外, 識飲少少酒(陪我only), 我想妳識做多d屋企野(cooking...etc) . 對妳黎講, 唔知會唔會有難度亦唔知醫d 係咪就係妳講既expectations. 我唔講, 只係覺得妳一定唔會做囉....所以講黎冇用.
5) C：看起來還不錯，所以就吃了　　只要我喜歡！這類型的你，在與他人交往雖比較有選擇性，算得上是個誠實的人，但畢竟對另一半不夠忠實，容易陷入三角戀情，難以自拔。還是要堅定一點，以免變成一個到處留情的人！===醫個測驗, 正好入肉, 妳自己都話岩, 不過唔緊要, 妳有我....我一定會響妳身邊====
玩左5條, 知妳眼訓啦....比妳訓啦...今日又咁早起身, 我唔可以比私個妹妹捱嫁嘛, 係咪.我再次話比妳睇, 我會將今日d野寫入日記. 我好開心妳會問我, 會唔會比妳睇. 我一早講左, 我預左比妳睇嫁啦......不過要有一個條件達成. 就係我同妳分手.....我至會比妳睇囉.....不過都冇例外既.....
講完妳就訓啦...我就有排都未訓....我溫左陣書. 之後去朋友屋企飲野.....12點就返左屋企啦(應承左妳&我飲得好少炸)....
死啦, 條腰都重係咁痛....過多兩日重未好, 真係要睇下醫生啦....重有係...點解妹妹冇問我一句呢, 唔知係咪已經唔會再關心我呢..唉....妳又真係會唔會走呢??......
今日就係咁啦....聽日又要返工...唉.....

7月14日 星期六 晴, 34度

今日好開心呀, 因為我可以打比妹妹...咁我拿拿聲出發去妹妹度, 搞掂所有野....就用手提打比妹妹...雖然妹妹叫我用佢屋企既電話...不過我唔想妹妹要比咁多錢....所以我用手提打比佢....通啦通啦^^.....妹妹出左去行街街....叫我20分鐘後打比佢...咁我就同鼠鼠玩下影下相先...等妹妹可以睇下佢地3隻野....影完之後...都差唔多啦....
打比妹妹, 妹妹岩岩返到屋企, 咁我地開始傾下計....真係好開心呀, 可以聽到妹妹把聲, 真係不敢相信...^^開頭, 我地都係傾下醫幾日啦, 之後就開始入正題, 傾下大家應該點好....個感覺好好, 因為我地終於唔怕大家嬲, 可以坦誠講哂d野出黎...好多野我地都好明白, 因為我自己知道要點做....所以我已經諗好左, 好多辦法....因為我真係唔可以失去妹妹....不過傾唔到1個鐘...妹妹要食飯啦....咁只好可妹妹講, 我地e-mail 再傾啦...因為msn 唔得....妹妹又冇icq....冇辦法啦....
返到公司....已經成身汗....好辛苦....睇下今日有咩e-mail 先....發現...今日係冇野做....因為原本F08男裝既又可能比我跟返...但係大佬同我講比佢跟住先, 驚女裝真係太多太亂.....我都唔希望, 不過真係既話都幾麻煩....又要忙爆啦....唔緊要啦....我信我做得到既......
等我拿拿聲上msn 先....竟然聽到妹妹dl 緊 icq. 嘩...我真係好開心呀..^^ 可以同妹妹傾好耐.....因為今日姐姐又唔返....傾左一陣, 大家都係未有辦法....所以我就講左1個我諗好...但係好傻既方法.....不過就令妹妹..喊出黎...重話"妳真係好傻呀" .....當時我都冇野講.....因為真係冇辦法....我又唔想妹妹咁樣等我....我...只好咁做...
大家傾到醫道...只好停一停...因為我唔想妹妹喊...特別係因為我...所有我轉話題...我話我比鼠鼠d相妹妹睇, 等妹妹可以開心下....搞左好耐, 終於都比到啦.....我地響icq 傾左好耐...唔知大佬會唔會話我呢.....只好下星期1勤力點做野啦....夠鐘放工啦, 我拿拿聲去妹妹度...因為又可以同妹妹傾電話.....
一上到去...咩都唔好講.....開冷氣....因為真係熱死人....跟住抹身....就開始打比妹妹....又可開傾下計....當然...除左傾下大家之間既野....我首先講d開心野先啦, 因為可以令妹妹開心d丫嘛...係嘛!我妹妹講, 我買左d小禮物比佢....同諗左好多地方~~我地可以去睇下日落....妳快d返黎啦~~ :D
跟住...傾左唔係好耐...妹妹又講返...頭先食飯d野/...原來麻麻叫我做...大舊男朋友呀....真係笑爆^^ 都好, 起碼佢屋企人接受左我先啦.不過只係差爸爸, 佢對我既感覺, 唔知又係點呢.....我都好想知...不過首先要想妹妹點先....
我地傾左好多野....包括果個人....點對我個妹妹好...重有妹妹將我同佢比...又會有咩感覺....知道左之後...我其實唔係冇嬲...只不過...我係唔會認輸的....我一定要搶返妹妹個心返黎....都好我都知道妹妹個心係響我度...i love you. mui mui. 特別係妳同我講既野...我真係好開心...因為我地係好坦誠傾哂出黎...傾左兩個幾鐘...妹妹聽日要早起....我地只好收線啦~但係都未有實際既答案....等妹妹返黎, 再決定.....
傾完後...我就食左妹妹個木瓜啦...好甜呀, 因為係妹妹買的..(個木瓜本身都有少少甜) ^^....食完之後...我突然覺得好眼訓...因為我醫幾日既心頭大石....終於可以放低啦....成個人都好眼訓...好累.....唔小心訓左一陣....不過好快就要起身返屋企....
晚上食左少少野....之後我就去剪頭髮啦....今日我剪到好短...一來舒服d. 一來...我係頭頂既頭髮...可以生返密d...依家...個頭....真係好似...40 歲咁..T_T...真係唔開心呀....不過星期一至多人睇到.....唔知有咩反應呢.....媽咪見到我個頭...話好得意呀^^....都好d....不過佢話我頭細身.大......有d怪怪喎....我話妳唔慣0者.....我重同媽咪講...妹妹會響加國....買d藥比我食...令我d頭髮...可以生得好d.....唔知妹妹重記唔記得呢....
都好夜d...妹妹應該出左去玩啦...唔知妹妹玩得開唔開心呢~~~
帶完狗狗...我溫左2個幾鐘....終於都完成,第一個課程啦....學左好多字....我要加油....我要比妹妹有好既將來..(當然要睇妳既決定啦)死啦...條腰都重係好痛....唔知會唔會好返呢.....真係好痛....

7月13日 星期五 晴, 33度

今早真係好擔心, 因為成日都搵唔到妹妹, 3點幾醒左一次就上msn, 6點幾又醒一次上msn, 都見唔到妹妹....真係好擔心....所以今日好早就出發去妹妹度啦...上到去....淋花花啦.....比野食魚魚啦.....同鼠鼠玩同比野佢地食.....不過唔知係咪太熱呢....佢地唔多想行....因為我都好大汗....原來冇開門, 又冇開風扇, 係好焗嫁......
搞掂之後, 我就返公司啦.....今日竟然有d餓....可能係3日都冇食晚飯啦.....我就買左個炒蛋豬柳麵黎食....返到公司....諗住睇下個msn 得唔得啦....點知...得之如....重見到妹妹添.....好開心....我第一件事就係問...妳有冇嬲我....因為我真係好驚第一張e-mail 激嬲左妳呀.....點知妳同我講, 妳冇....個心都定左少少....不過我都係感覺到妳唔係咁開心.....問左妳都冇答....妳亦都冇野想講...唔知點.....但係我唔會再咁迫妳啦....我總之做好自己既本份就啦....要証明...我愛妳就是一切...
但係傾左半個鐘....個msn 又黎啦....再次上唔到.....只好做野啦.....今日有客黎....拿拿聲準備啦....
個客終於都到啦.....心情有d緊張, 因為又有新野黎....但我都好比心機....雖然唔係全部都聽得哂...不過都有6-7成既....其他就要問大佬啦.....我真係要加油啦.....
嘩....醫個會....足足開左8個鐘....真係好累.....由早上12點, 一開就開到8點...真係成個人散哂......好彩中午有pizza 食....都叫好d...
今日約左日拎野....死啦....實會遲到啦.....好彩.....8點15分上車....8點30分就到火車站.....冇事....終於拎到d禮物啦....希望妹妹鍾意啦....亦好想同妹妹一齊用呀.....
搞掂哂之後, 好快我就上左車....上到車就醒起....唔記得幫Karen's 買菲林添.....算啦...下次出開旺角至買啦 ....
返到屋企, 竟然覺得肚餓喎....自妹妹走左四日黎....今日係我第一日覺得肚餓呀....所以我煮左個麵食.....
上上下網, 見到妹妹今日早左起身喎~~~好野, 又可以同妹妹傾下計...正......1不過傾左一陣....唔知妹妹係咪訓左教...去左食早餐...定係同緊另一個人傾計....冇理我....跟坐重offline....算啦....佢咁早起身, 可能真係有野做.....
咁我只好帶完狗狗去街, 就去訓教啦.....
妹妹 : 妳到底有咩唔開心呀, 講比易易仔聽啦.....

7月12日 星期四 晴, 32度

今朝一如前幾日....都係訓唔到....重要比琴日早左起身添.....因為一合眼就不停咁諗野...又發下夢.....真係好辛苦...我一起身就上msn 睇下見唔見妹妹~~不過妳出左去同爺爺麻麻飲荼....都好...有個e-mail ....頂住先啦~~~ :D覆完e-mail 後....妹妹就返左啦~~~所以我又開始同妳msn... 不過今日係有d唔同...因為我想改變自己....所以用我好差既英文...同妳傾....我唔怕魚....同預左一定會比妹妹笑(我會記住 sunset 個字, 因為係妳第一個教我既英文)....不過係一個好既開始.....因為至少我去試丫嘛.....雖然比妳知道我係扮....妳又叫我唔好因為我而改....但係我真係嫁....醫種係我既動力黎嫁....
不過唔知點解....可能訓得唔好....夜晚又冇食野....沖完涼食完早餐就嘔啦....可能個杯麵唔岩我口味啦.....不過唔駛擔心我...我冇事傾左一陣...我又要出發去妹妹度啦, 只好唔捨得地...同妹妹講拜拜....
上車前買左本講旅遊既書....入面講好多旅遊既野....我諗如果我可以同妹妹一齊去就好啦....不過唔知重有冇機會....因為可能妳會比人...搶走......諗到醫道...個心又有d酸, 又有d痛啦....算啦, 唔好諗啦...一日都未搞清楚...我相信妹妹重係愛我既....
上到車, 開始聽歌....醫首歌.....令我睇睇下書都停左落黎....我重響存車度喊...好樣衰......不過喊唔出聲....都好d....醫首歌係, 側田既"我有今日", d歌詞好應....一句句都好似同我講咁.....特別係..."多麼憎我太慢才識你, 我更加不想勉強地去親你,是妳喜歡我　當然都愛妳, 和她不敢再比　仍舊答謝妳, 有你的眷戀　令我也有了生氣. 多麼憎我試著迷戀你, 我怕想擁抱你也為了出氣,願我拋開過去一心愛你　,忘掉她(他)的氣味, 若我敢再記起　對不起了你" 我傻到諗....妹妹會唔會咁樣同個男仔講呢.....
所以我非常之唔開心.....響公司出左一張去衰既e-mail.....話我唔信妳咁....sorry 呀.......>_<
出左張e-mail 之後....我上左msn...睇下妹妹返左屋企未...因為我都係好擔心佢.....見到佢上線, 不過好快就唔見左....死啦...會唔會係見到我張e-mail 就offline 呢....佢又會唔會喊呢, 會唔會將我既msn 放入黑名單呢.......真係好想見到妹妹...問清楚..當我諗到醫道...我開始進入....忘我境界...諗到覺得自己係咪有病......
每當有e-mail 入, 我就諗會唔會係妹妹呢....我想妳睇到醫張e-mail同睇下妳會點覆我呀......不過冇一張係....因為我真係唔應該出...醫張e-mail....
跟住就去食飯啦, 今日又冇飯食....所以我落左去買左個3送飯食...好平, 只係$17.......食完飯....我又去聽下歌.....今次聽...我不是好人.....醫首歌令我諗通左d野...."平庸像我已甚苦惱　怎去改,使你的今生更好　不要灰心得太早."就係醫幾句...我諗通左...我唔應該怪妹妹, 話佢點解咁對我....其實都係自己衰....冇d時間冇關心過妹妹....
所以提起勇氣....出多一張e-mail 比妹妹, 希望趕得及啦...我驚妹妹見到第一張e-mail , 妹妹會以後都唔理我啦......我唔應該咁樣, 比d信心自己....469日唔係白過....我唔理妹妹點解要咁啦.....我只知道我一定會將妹妹個心搶返黎.....我響醫道再次保證, 我一定會做得好, 一定會比到好既將來妹妹..... 希望冇事啦......
今日成8點收到, 去左妹妹度, 睇魚魚, 玩鼠鼠後, 我就離開啦....返到屋企都又9點幾....不過我依然冇咩胃口, 所以都係冇食飯...打完日記後, 帶狗狗去街, 之後就要溫書. 重有星期六我可以拎証書啦~~~希望可以exten 啦(重好比我pass 就最好啦)
最後: 妹妹, 我一定會比心機, 將我地既將來推到最好嫁, 妳會信我嗎??

7月11日 星期三 晴, 33度

琴晚終於比我等到啦, 妳果然返到去會打比我, 我真係好開心......開心到.....喊左出黎.....電話講左兩分鐘....醫兩分鐘....我真係覺得好開心.....因為我重有價值.....^^
不過都係一樣....我訓唔到....訓下醒下....卒之7點幾我就醒左啦...即刻上網睇下妳響唔響度....好彩響度^^之後我地又開始傾我個問題.....妳問我....如果妳冇答案....我係咪會一走了之......心諗:唔係妳想我點呀? 駛唔駛扮冇野咁同妳一齊呀?我好早就講過....我唔可以比人背叛....特別係感情....我重好記得...妳走之前果晚.....妳喊住講叫我唔好迫妳....大家都明妳想講咩....但係妳竟然話...我只係叫妳唔好迫我諗...我睇完醫句說話...我個心好似比火燒呀....點解到左醫刻....都重要唔坦白....係咪要搞到大家冇得返轉頭至安樂?!?!?!我知我係唔夠care 妳....不過我一d都唔係唔重視妳呀....只係....我覺得自己好幸福....突然懶散左....sorry.....講到咁....我真係好心灰.....點解要咁對我....
我知妹妹其實想我既步伐快d....因為妹妹既年紀唔細....我要快d比個將來同希望妳....不過佢真係唔明我囉....未學行就學走...一定會更加衰......但係我真係會有信心...比到將來妳....希望妳明白我......
跟住妳同我講左一d野...就係....佢追緊妳, 妳咁大個女都未試過.....我真係激到爆......我唔知妳係咪好介意我地段感情既開始.....我好想追....妳覺得冇追過妳咩?????????? 只係我想慢慢黎0者.....太急....我驚冇左妳呀.....
傾左好耐....我出e-mail 問妹妹既野...佢一d都未答過....重要話我自怨自艾.....但係我應承左妳....我會好好控制我既EQ...所以我要冷靜......寧願以退為進...總好過令大家企得咁硬....我重同妳講交日記....因為我真係好想比妳睇...我既感覺....不過我一路同妳傾...一邊好short咁諗...妳會唔會一路同我傾...一路同果個男仔傾緊呢??
跟住我就要返工啦.....同到妹妹講左個幾鐘.....希望對大家都有好D.....返到去公司....我想繼續同妳傾....不過公司條線....真係令人激氣....不停斷.....煩......所以我用E-MAIL 同妳講下D簡單野.....最重要係比妳知....我點樣做妳男朋友......
712係大姐生日...我地出左去食飯....間野都幾好...有機會同妹妹去試下先.....不過D野唔錯都好啦....我一樣冇胃口...食得好少....食完後...返到公司成3點啦....要即刻搵妹妹...如果唔係妹妹訓左就冇得傾嫁啦.....好彩重傾到^^
今日唔係好多野做....打後既時間冇咩事發生.....
放工後去左聽D 野, 希望幫到我存錢啦.....不過都要?清楚...因為D錢會壓18個月....驚冇多餘錢同妹妹出街....所以真係要好小心咁諗....聽完後....同琴日一樣....冇胃口食晚飯...唔緊要啦...都唔想食....
妹妹...我只係想妳同我講...妳唔會同果個人一齊.....妳講咩我都會信.....如果再係咁我驚我真係支持唔到啦.....因為真係好辛苦...

7月10日 星期二 晴, 32度

今朝7點幾....已經有人sms比妳呀....原本平靜既心情...比醫個sms 打爆左....我再次...好灰....好想睇下醫個人send d咩比我妹妹...不過我做唔出....只好唔開心啦.....沖涼果陣....真係喊左出黎....亦都諗左好多野.....不如算啦, 妹妹返黎前2日,冇答覆,,,我會退出....沖完後....我同妹妹講第2樣...重有係.....我會好掛住妳...心果句衝左出黎....希望妳掛住果個會係我.....又講左一輪....之後去買野....卒之都搞掂...響走果陣....我冇野想講....因為我好驚我係最後一次.....含著淚說 good bye.....希望唔係啦.....11點醫段時間....我同妹妹不段有sms.....不過重要係我打比妹妹先....不過妹妹已經喊緊....唔知係咪同緊果個男仔....傾完...我想問, 不過問唔出....我真係唔想妳再喊....妳第1個sms....係唔捨得我....到底係咩意思....係咪妳想唔要我, 但係唔捨得我??
妳卒之要走啦.....要小心d呀.....好希望妳到步...第1個通知既...係我(不包括親人)...
miss you & love you....
今日成日冇哂心機....不停咁諗....其實妳係咪就,就得好辛苦....所以妳至會搵一個比我好既人呢..我地467日既感情...係咪真係夠鐘呢??
完全唔想食飯....好唔開心....好煩.....點解要咁對我....我一合眼....就係度諗....我到底應該點做....妳又到底想點....真係好辛苦.....唉.........

7月09日 星期一 晴, 32度

因為唔響屋企又要響公司打....
又要起身返工啦....出到大廈門口...我話我地今晚食飯啦....不過妳話最後一日, 妳想同daddy 食...心諗咁都岩既...不過我真係好想同妳一齊....所以我話我響屋企等妳啦.....今日要送妹妹上車....緊車中...我好認真問妹妹多一次....到底邊個咁夜sms 妳呀.....真係唔講....響我腦中突然出現...出現左問題....我即刻勁唔開心....黑哂面...唔知妹妹覺得點...即刻拉住我隻手....喂左幾聲....不過我唔想講野....所以扮冇事T_T....有車啦....睇住妳上車....再睇住架車走....
走左啦..重睇....行返公司啦....一路行返公司...一路諗...一定有野囉.....諗到連早餐都食唔落....行到返公司...收到妳sms....真係塞車...我即係打比妳....諗住同妳傾下計啦....點知妳同我講好熱....好似唔想講咁....我只好話咁好啦....返到去打比我啦....跟手再send sms 比妳...叫妳加油呀同記得有時間就買早餐啦....不過冇人答囉...唔知係咪同人講緊電話....唔開心1..見到9點15分啦...見妳未打黎....我就打比妳啦....點知妳已經到左....重食緊早餐添...想問妳做咩唔打比我既...冇過算啦...唔開心2傾左唔夠一陣....妳竟然問我重有冇野講...知妳今日會好多野做...所以咪話冇囉....比妳做野先...唔係妳放假都放得唔開心...
響醫段時間....我個心真係好實....真係唔知妳有冇隱瞞著我啦....個心谷得好辛苦....所以洗左個面...重...打左幾下道牆..好痛...但個心重痛...痛到唔識講....所以我用公司e-mail 打左一張好長既e-mail 比妳..諗住妳今晚睇到一定會同我傾....我今晚一定要問清楚...本來想send 去妳公司嫁...不過唔好啦...唔想影響妳做野....所以要忍....響3點幾出左張e-mail....個心好似鬆左d.....
因為妳聽日就要飛啦...所以我一定會等到妳搞掂哂d野...我至會同妳講.....死啦....我出左張e-mail啦....一陣見到...我個計劃又會亂....希望冇事啦.....好開心, 收到妳個電話, 妳話會同我食飯....真係好好好開心....^^...所以我諗住整好d...等妳食得開心d....不過妳話唔想留低d野食......咁好啦~~唔緊要...同到妳食飯...我已經好開心....
上到去....我話死啦...唔記得買湯......不過唔緊要一陣妹妹返到黎....落去接佢同佢一齊買咪得囉....都8點啦....見妳冇打比我...我咪打比妳囉....點知已經走左...重等緊車添....平時妳知我等緊妳食飯....妳一走就一定打比我....今次竟然冇???!!!(唔開心3)....腦中又出現左...係咪有人同妳一齊走呢....一千個問號...跟住我話黎接妳啦....妳好似有一億個...唔好啦平時妳一定話好嫁...........唔通真係有人送妳返黎????!!!! 不過妳話好啦(極唔鍾意既感覺).....一路整野...我開始亂諗野..重有d淚光...見差唔多啦...拿拿聲落去...唔知係咪太心急....早左成15分鐘....等下啦....一路等一路諗....妹妹會唔會抱著人地隻手.....訓教呢....心諗不如等車到....妹妹落車...會唔會有人睇住佢落車先....
車到啦....見到妹妹響上面...準備落車....等我睇下有冇人望住先....另一邊睇唔到...睇到果邊又冇....算啦.....妹妹見到我不停咁望...問我做咩....我當然話冇野.....唔通講得比妳知咩(定係真係驚我睇到d咩呀?)....一落車妳話妳好凍...捉著妳...真係她凍喎....再睇下點知真係發燒....跟住我地拿拿聲好睇野啦....重買必利痛....上到去...見妳真係好唔舒服...坐左響梳化度....心諗應該唔會睇e-mail 住....咁都好d,,,,所以我繼續忍...要做好一個好好既男朋友...開始煮野食....要快d啦...妹妹重要食藥....食飯後...妹妹休息左半個鐘....我就準備好d野...等妳一起身...開心就汁野....跟住大佬send sms黎...問我d 紙樣收到未...send 左比個客未....所以我拿拿聲上網check e-mail...點知收唔到....我咪拿拿聲打比小朱囉....傾完後...
E~~~有MSN ....我冇理....不過妳第一時間就出左黎(有野驚緊既樣).....一出黎話我講電話吵醒左妳....SORRY丫...跟住妳開始PACK 野.....不過MSN就不停響...妳就不停答....我想睇下妳睇邊個傾msn....一路按摩....一路睇(我知咁係唔岩...不過控制唔到).....跟住出現左一個" 下次下次" 既人....打左??....妹妹冇答....可能搵緊野啦....冇答.好耐都冇答.....跟住我就試下行開....睇下妳會唔會答....結果......真係....即刻答.....
明白....可以鎖定目標了....不過唔知岩唔岩...跟著真係比我睇到D怪怪既對話.....如(妳朋友呢?, 點解重同我傾呀?重有聽日打比妳....跟住好快拜拜.....咁唔駛講啦....一試即中......
終於都搞掂啦...成12點幾啦....開完床...妳好快話要訓教....我真係要問我既問題.....如果妳全部默認...重喊起上黎....妳總要講...唔好迫妳....依家邊個係妳男朋友?!?!?!?!?!?!當我係咩?超唔開心, 好心痛......心諗..信教既人....個心態可以係咁....重要對我唔坦白....點解要咁對我!!!!點解要背叛我!!!!!搞左好耐...妹妹心情好左D....訓左教.....而我...一D都訓唔到....訓十幾分鐘就醒一醒....心諗....我到底係咩呀? 我到底做緊咩....我咁都可以忍.....
總結: 有人追, 妹妹對佢有意思, 一定係一齊左, 同妹妹差唔多年紀, 比我有本事, 最緊要係......同事.....
想講 : 未管應不應該　妳的身邊　誰擦過也會攻佔你腦海

大方
想分手趁快　為何要擇日 面對現實　就公開機密 這麼深愛你　為何有今日 是性格不合　還是未老實
是你有新對象　想我死了心離場 請你數我所有弱點　迫我內傷 痛罵我沒有膽只懂禮讓 未見得莊敬自強 為你盲目設想
還不夠盡　傷到盡 可以話我　怎麼愛亦從來未懂 我的心痛　也是最自私一種 還不算盡　可以講我大方得體其實最蠢 不信　看我 竟親口讚他　很英俊
請差點對我　別令我絕望 和我硬撞　便不敢奢望 好比你說我　未令你出汗 難過到心臟　便自動退堂
是你有新對象　不要將痛苦延長 請你數我所有弱點　逼我內傷 你若介紹你這新寵對象　毒到想請我在場 但我還未重傷　
終於夠痛　傷到沒法修補 我信

7月08日 星期日 晴, 30度

琴晚冇咩點訓過, 因為不停諗返琴晚同妳講既野....不過妳一直咁喊...又唔出聲, 好似話比我聽妳有野唔想講.....不過算啦, 可能重係嬲緊我冇本事....所以我話比自己聽, 一定要做到我應承妳既野, 唔好發脾氣同陪妳返教會....我地照如常好似平時既時間起身, 今日冇遲起身...因為我冇做d唔乖既野^^....準時出發. 終於有一次早個daddy 到. 係一個好既開始.
終於坐完成個幾鐘啦, 跟住我地開始出發去食野...坐低後叫左d野食...都ok既...比著平時我一定會彈d野食...不過今日我冇....唔係因為daddy 響度, 而係0益0交後...我覺得我應該多d關心我最愛既妹妹...唔可以成日醫樣果樣...成個小朋友咁....食完野後...知妳要做facial...所以就送妳上車....哈哈, 又唔記得提妹妹入八達通喎~~好彩我重有d散銀0者...跟手我都要返屋企搵書啦...因為我唔想衰比任何人睇....特別係妳....溫到6點幾..覺得妹妹應該差唔多啦喎話就話booked 3點~~不過一定唔會準時...哈哈...比我估中左~~成7點至搞掂...原本出太子既計劃又打亂左...咁好啦...我話我出去買啦~~
出到去...心諗要快d再快d...因為好想見到妳呀~~ ^^ 上車冇耐..我掛住聽歌唔記得打比妹妹添...卒之妳打黎問我去左邊(又扣分)...我話我7點半會到嫁啦....一落van, 即刻跑至得...唔可以遲到....好彩都ok...7點33分到門口....一入到去, 真係覺得妹妹好靚. 心裡覺得自己好幸福(呵~~~)....
今次係我第一次煮細小的字母粉....卒之煮到look like "意大利炒飯" 咁...妹妹有d野講...好似唔滿意添(又扣分)....食食下妹妹有電話響(e..係迫得太緊喎) 唔知邊個黎呢??!! 個心又開始諗野啦....因為妳講既電話實在令我好懷疑...咁開心既...又有d 怪怪既感覺...平時係朋友打黎...一定會講名..今次好似冇喎...講左差唔多兩分鐘就收線....我第一時間問, 邊個黎嫁???(心諗阻住我同妹妹食飯飯呀!!!) 竟然又係答我朋友囉...冇名嫁??? 妳又唔答.......咁算啦, 妳有私人既空間既(不過都有唔開心)...點解唔講呢....有古怪....食完飯後...妳話妳會洗....不過又唔知等到幾時喎...咁我又比左少少面色妳睇囉(依家諗返...我冇心嫁)...妳就即刻去洗啦....跟住我坐左一陣...我就開始洗老鼠屋....今次等我黎啦....見妳洗左碗碗^^(希望有分加啦)...都好妳面有笑容...做得唔錯...洗洗下, 方少打黎...唔駛講一定係飲酒啦...想去嫁...不過我應承左妹妹..唔可以飲咁多...因為同方少飲...一定好多野講...一定飲唔少...所以sorry 呀....下次先啦....
洗洗下...妹妹竟然又訓著左lu~~~唔緊要啦~~~妹妹訓教個樣真係好得意...睇幾多次都好好睇^^搞掂後...就開床...妹妹一如以往...好快訓著....不過我想傾下計囉....不過算啦....比妳訓啦....我地有大把時間....晚上11點多...妹妹又有sms.....我又問咁夜都有sms既, 邊個黎嫁....當然都係冇講囉....唉~_~
其實我已經開始有d唔高興啦...不過我覺得忍下啦....妹妹都咁就我.....不過真係訓唔著....所以睇左果K1 格鬥...睇到點幾...都係算啦...聽日又要返工...早d訓啦....響唔想整醒妹妹之下/...要好細動作....熄哂d野後....我都係訓唔到....應該3點幾啦....累了....訓吧....