11月6日, 星期二, 21度, 晴

今日返到公司, 果果同事都問"e, 點解你重響度既" , 足足比人問左6次, 我就足足答左6次. 上去之前都預左亞姐會..多多野講嫁啦, 因為時間真係唔多, 佢好擔心出唔到. 不過唔好話佢, 我都好擔心.
終於都出發啦, 今日一車七人足足坐左3個半鐘, 終於到左4點幾就到啦. 一上到去, 啦啦聲叫人準備好d野比我地去傾洗水既, 點知佢地一d都冇去準備, 佢地重比人話添(唔係我話佢). 一傾就傾到6點半, 我地就返去食飯啦, 今日第一餐就係響飯堂食, d野係油d之外, 味道都不錯, 不過食得唔多丫. 可能我太緊張啦.

食完飯之後, 同事就帶左我上宿舍, 睇左一陣電視, 7點半, 又開始啦, 一路傾一路講, 寫下學下, 今日又識左唔少野啦.一做就做到半夜3點半啦, 突然我收到一個電話, 原來係老闆黎既, 話有野同我傾喎.........
當晚5點38分, 落床訓.......

完