2008年6月3日, 黃雨

食左d藥之後, 感覺身體冇哂力, 手又震, 腳又軟, 心又跳得快. 好彩醫生同我一早講左, 食左氣管藥會係咁...如果唔係, 我一定唔會再食~~
今日請左日病假, 雖然訓下醒下, 不過今日都係一個好好既休息日.

諗住今日可以好完滿咁度過, 點估到夜晚, 又同佢鬧交丫...有時真係好唔明, 我地做咩要響醫個時間, 吵醫個問題. 其實我講咁多, 都係只係想講, 我已經出左力. 唔想妳覺得我咩都冇做, 由得時間慢慢過去. 我都知自己講既野, 有時真係幾令人唔識點反應, 不過醫d真係, 係我既感受. 希望佢唔會介意喇....
重有就係, 我再次講醫個月係比較敏感既月份, 我比左d咁既反應妳, 都只係想話比妳知, 提醒下妳, 我唔係介意有異性朋友搵妳, 我係介意妳有, 但係唔打算同我講呀. 可能妳覺得, 我地大家需要私人既空間. 但係我想妳識得, 咩野係屬於私人空間, 咩野係幾私人都好, 都要同妳既另一半分享....唔知妳幾時至會明呢....醫個可能係, 妳比唔到信心我既原因........

響最後, 妳自己都講, 如果我地真係再因為醫個問題去鬧交, 我諗大家真係需要傾下....是否繼續一起走下去.......

2008年6月2日 雨

又到6月啦, 這個月&7月, 對我黎講真係好驚, 好有陰影. 因為響心底發出黎既..感覺, 係好清楚話比我自己知......係好驚再次失妳. 原因有好多, 包括妳冇刪除佢msn, 冇同我講中間3個月既野, 重有就係, 我地又鬧交了......
有時諗, 到底係我對妳冇信心....定係妳比唔到信心我呢. 不過, 我自問我係一個易信人既人(響發生果件事之前). 我真係好驚失去妳, 好驚妳又會以妳所講既朋友身份去同佢傾msn, 妳每次都話冇野,朋友之嘛. 響我答妳"咩都係朋友開始嫁啦"之前, 我就收口. 因為我真係唔想同妳吵. 我自問, 我真係冇學歷, 冇錢, 人又唔係太靚. 同妳一齊返之後, 最近成日響心入面響起"終有一日, 妳會因為我冇能力而再離開我." 有時我都好想同妳講"妳, 真係好自私" 好想問妳, 可唔可以比女朋友果種溫柔, 善解人意既感覺我??

早幾日, 又同妳傾開電話, 妳話果種感覺, 方向唔同左. 話冇咁緊張自己d錢來比喻妳唔係迫緊我. 相信醫種比喻, 只有妳, 先至可以諗得出. 可能, 妳.......根本................我.
我唔知佢, 到底重有冇搵妳傾電話, 傾msn, 出去食飯, 因為妳響醫方面, 真係好自私....咩都冇同我講.....如果妳肯講. 我真的不需要多想什麼, 多諗什麼.........

到底, 我在做什麼........

2008年5月31日, 雨

琴日返小組, 我地再開始傾"神是否公平", 點解四川d人要受這些天災, 如果神真的存在, 那為什麼要人受??!!

問題 - 如果神真的存在, 那為什麼要無辜人受死呢??!!
傳道人答 -
一.對苦難與不公平的解釋, 約伯記與哈巴谷書中沒有對苦難與不公平有直接解釋:
a.上帝的沉默 - 1.許或對人在苦難中沒有幫助. 2.我們沒有能力明白.
b.上帝的超越 - 1.人無法完全明白世界上的事，因此也無法完全理解上帝的作為.

聽完之後, 我個感覺: 咁即係點??? 冇答案, 而我地又唔明....但係人就要白白受醫個神去做出黎既野去受...咁點解唔做多一次"挪亞方舟" 呢? 與其慢慢挑選, 不如加速集合.......唉.
到底唔解釋, 係好定唔好? 而我又係咪真係轉左去牛角尖呢?

琴晚我為左醫件事, 我真係諗得好辛苦, 諗到直頭真係有d反感. 最後重喊左出黎. 到底我還該去找尋神的話嗎???

完

2008年5月8日, 天晴. 30度

今日收到個壞消息, 二伯個2女今日撞車離開左我地. 雖然自從二伯婚姻出現變化後, 我同醫個堂家姐就冇再聯絡, 但係我第一次感覺到親人離開我們既傷感. 收到醫個消息, 令我成個人都好低落. 因為二伯平時都係幾開心既...希望二伯佢冇事....

2008年3月2日, 星期日, 20度, 晴(煙)

唔計分開左一齊已經第701日..雖然分左過..但係我地都...復合左第114天.

唔經唔覺一齊返都已經114日啦, 大家對大家都好好, 可能醫114日裡面, 我地都有一次至兩次大家會頂咀, 不過好彩都係好少事, 一陣就ok返
而且, 我又冇以前咁小朋友, 唔會發咁多小朋友脾氣. 愛情真的會令人成熟丫? 定係會令人, 習慣左同另一半之後, 慢慢改變自己呢?!
不用深究啦~~

今日返團拜, 佢因此衫既問題, 換左好多套都簡唔到衫, 所以遲哂, 成12點25至到. 好想同佢講, 都叫妳執下野嫁啦. 唔知點解, 我覺得
我一講醫句, 妳一定會唔鍾意, 所以都係冇講.可能我己經慢慢知道...妳就是妳啦!!

之後我地去左公園影相. 唉....開頭都好開心既, 之後....打哂zzz咁. 搞到我本來好興致都打沉哂.....走吧.

返到去煲左靚湯, 炒個米, 打下機~~~又一天lu~~

完

2008年2月14日 - 12度 - 陰天

終於到左情人節啦. 妹妹請左半日假. 我地提早互相交換情人節禮物. 佢送比我果份禮物, 我真係一d都估唔到, 真係非常有心思. 而我送比佢果份佢都好開心. ^_^總算冇哂左D心機啦.

之後我地重出去買左部Wii 玩. 當係大家送比大家既禮物啦~~~
不過我又因為一d小小既說話. 發左小小脾氣同真係有d唔開心. 真係估唔到我講既野. 大家都好似聽唔到....唉....好彩都冇事, 咁就算啦...

我地之後去左紅點食我地既情人節晚餐, 雖然妹妹係好鍾意食西餐, 不過真係太貴啦, 我地兩個決定左去食泰國野. 得出1個我估到既效果. 我自己都唔係十分滿意囉.....

食完之後, 我地又去左行下街, 好希望今個情人節妹妹過得開心啦. 0_0

有時自己覺得好多野諗呀. 雖然我真係好想去忘記果個人, 不過此終都係唔覺意或唔小心講左一d令妹妹唔好受既說話. 希望妹妹轉左工之後, 醫件事真係會消失啦.

P.S. I Love You

1月23日, 星期三, 陰天, 14度

今日又係一年一度既 appraisal time 啦, 再次比人話我講野冇重點, 有時講左好多野出黎, 但係都未必明白我講咩. 組織有問題, 次序唔識分先後, 老闆話我唔識咩叫重要又緊急, 重要但不急, 不重要但很急, 不重要也不急.....往往做左一d可以停既野, 就唔做一d唔可以等咁耐既野....@%$*@^($^@)$&(@#& ........一大炸 comments 響1個零五分鐘不停向我掃過黎. 不過都好, 其實入去或者再之前, 我已經知道我有醫d毛病啦. 只不過可能早幾年前唔覺0者... 老闆佢當中有d野話得我好岩, 比如話太自我保護, 放膽d, 多d出聲等等....... 有陣時都唔知係咪我自己諗多左, 定係話, 不論我響屋企, 朋友, 工作, 愛情上都出左十足力量, 但回報有時不足一成呢? 愈來愈搞到自己太自我保護, 或者經常去猜度人地響度諗緊咩, 搞到自己經常左右冇常. 我真係希望可以掌握到一d今年我需要搵, 學既野. 因為我真係唔想比人睇死. (男人不怕活在黑暗中, 只怕心中沒有了陽光) 加油吧!!

完成後出度黎, 咁岩mui mui 就打黎啦, 好奇怪, 我唔知佢打黎係睇下我出黎未, 定係有其他野搵我?....我拎起電話, 佢好似唔識反應咁. 講左少少比mui mui聽, 心入面真係好想有妳一句既支持, 有妳一些的安慰, 有妳一些激勵, 但係冇囉, 重誤以為我嬲緊添. 其實我們雙方愛與被愛是否不平衡呢?定係話我只係一個對妳好既人, 而不是一個可以比到幸福妳既人呢?

今日好想好想, 去叫返一晚, 發洩心內的悶氣. 不過算吧啦. 比個機會自己再嘗試下壓力係咩感覺啦.

今日上去睇下信用卡條數, 今個月唔覺唔覺look 左5千幾蚊, 真係金~~要小心用錢啦. 講到錢, 唔知點解有多一個諗法, 覺得佢依家唯一想既就係儲錢, 儲錢 & 儲錢....我都希望可以比妳關心多d.希望我們都識重視對方啦.

完..

2008年1月16日, 星期三, 15度, 陰

差唔多一個月冇打日記啦, 由聖誕, 倒數...直到今日, 我慢慢減低左警惕自己既心, 因為真係好開心. 直到琴晚, 當我再上到妹妹度, 比妹妹攬住果一刻, 我唔知點解覺得好似有d野又發生左咁. 唔通我一直諗緊既野真係會發生???我真係好唔希望果個人再出現..........好記得早幾日, 我問妹妹睇左五星級大鼠未...唔記得左..妹妹已經同果個人睇左.果刻既心情相當之唔好受....

響醫段時間, 我成日叫妹妹轉工啦, 除左真係想妹妹舒服d之外....當然就係唔想比妹妹再見到果個人啦. 但係當我自己再諗清楚果陣, 如果妹妹真係想騎牛搵馬既話, 去到邊都會....我諗我重未有十足信心...因為上次實在趺得太痛啦..

今日放工返左屋企, 我煮下野食, 重想快d搞掂d野去妹妹樓下等佢, 點知掛住玩咩都唔記得添...

完