11月10日, 星期六, 22度, 晴

今日依然訓得未夠, 成個人都重係好眼仔訓, 所以又拖到9點至起身....真係懶呀.
返到公司, 啦啦聲做野, 因為今日係大日子, 妹妹提早約我食生日飯, 雖然我真係唔想提早食丫(如果可以..)不過都冇辦法啦, 時間真係唔由我去控制.一路做一路做. 做到4點幾, 可以放工啦, 之後我啦啦聲返屋企梳洗.換好衫, 睇陣電視我就出門口啦.

去到尖咀地站, 打比妹妹, 原來有人塞車呀, 一定會比我遲, 所以我只好上去拎位先啦, 間野響1樓, 開頭真係搵唔到嫁, 只好再慢慢行, 睇住d指示牌啦. 慢慢咁等我以為既最後的晚餐.....
坐低之後, 原來餐牌全部都係英文黎嫁, 真係識唔哂d字. 其實應該係由我點菜既, 不過...唉...
妹妹到左之後, 我地就開始交換禮物咁, 佢比一袋, 我又比一袋. ^^ 今年收到佢送既係有3份禮物, 3份我都好鍾意.只係打開張咭之前, 我好擔心入面寫左d咩...

食哂野之後, 妹妹突然望左個侍應一下, 唔知做咩呢. 原來係靜雞雞準備左一個生日蛋糕, 真係好驚喜!!!!!可能我冇諗住會咁啦, 真係意料之外呀.
之後我就送埋妹妹返屋企, 之後我又開始問我要問既問題.....整個晚上, 都係冇答案......

完